അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മലയാള സിനിമാ മേഖലയില്‍ സ്ത്രീകള്‍ നേരിടുന്ന പ്രശ്നങ്ങളും ചൂഷണങ്ങളും സംബന്ധിച്ച വെളിപ്പെടുത്തലുകള്‍ അടങ്ങിയ ഹേമ കമ്മിറ്റി റിപ്പോര്‍ട്ട് പുറത്തുവന്നതോടെ കേരളത്തില്‍ വലിയ വിവാദങ്ങള്‍ പുകയുകയാണ്. നിരവധി ആരോപണങ്ങളാണ് നടന്മാര്‍ക്കും സംവിധായകര്‍ക്കുമെതിരെ ഉയര്‍ന്നത്. സിന്മയില്‍ പവര്‍ ഗ്രൂപ്പ് ഉണ്ടെന്നും റിപ്പോര്‍ട്ടില്‍ പറയുന്നു. ഇപ്പോള്‍ ഇതാ വിനീത് ശ്രീനിവാസന്‍ പവര്‍ ഗ്രൂപ്പില്‍ അംഗമല്ലേ എന്ന് ചോദിക്കുകയാണ് ധ്യാന്‍. സിനിമയുടെ പ്രമോഷന് എത്തിയപ്പോള്‍ മാധ്യമപ്രവര്‍ത്തകരുടെ ചോദ്യത്തിന് മറുപടി നല്‍കുകയായിരുന്നു ധ്യാന്‍.
‘അങ്ങനെ പറഞ്ഞു വരുമ്പോള്‍ വിനീത് ശ്രീനിവാസനിവാസന്‍ പവര്‍ ഗ്രൂപ്പ് അംഗമല്ലേ. കഴിഞ്ഞ കുറച്ചു നാളുകളായി ഏറ്റവും കൂടുതല്‍ സിനിമ ചെയ്യുന്നത്, എണ്ണത്തിന്റെ കാര്യത്തില്‍ ഞാനാണ്. ഞാന്‍ ബാബു ചേട്ടനെ പറ്റി പറയുന്നതൊക്കെ കേട്ടു. അവസരങ്ങള്‍ ഇല്ലാതാക്കി എന്നൊക്കെ. ബാബുച്ചേട്ടനെ ഞാന്‍ വല്ലപ്പോഴൊക്കെ വിളിച്ചിട്ട് എന്റെ പടത്തില്‍ ഭാഗമാക്കാറുണ്ട്. അപ്പോള്‍ അവരൊക്കെ എങ്ങനെയാണ് മറ്റുള്ളവരുടെ അവസരങ്ങള്‍ ഇല്ലാതാക്കുന്നതെന്ന് എനിക്ക് മനസ്സിലായിട്ടില്ല. എന്നുവച്ചാല്‍ പവര്‍ ഗ്രൂപ്പിന്റെ ആക്ടിവിറ്റി എന്താണെന്ന് എനിക്ക് ഇതുവരെ മനസ്സിലായിട്ടില്ല.’
‘പവര്‍ ഗ്രൂപ്പ് ഉണ്ടെന്ന് റിപ്പോര്‍ട്ടില്‍ പറയുന്നു. പക്ഷെ എന്തൊക്കെയാണ് ഇവര്‍ ചെയ്യുന്നത് എന്ന് അറിയില്ല. അവസരം ഇല്ലാതാക്കുക ആയിരിക്കുമല്ലോ പ്രധാനമായും ചെയ്യുന്നത്. ഏറ്റവും കൂടുതല്‍ സിനിമ ചെയ്യുന്നത് ഞാനാ. അപ്പോള്‍ ഞാനായിരിക്കണമല്ലോ. അങ്ങനെ നോക്കുമ്പോള്‍ ഞാന്‍ ആണല്ലോ അവസരങ്ങള്‍ ഇല്ലാതാക്കുന്നത് എന്ന് ഞാന്‍ ഒരു തമാശയ്ക്ക് പറഞ്ഞതാണ്. ഹേമ കമ്മിറ്റി റിപ്പോര്‍ട്ടില്‍ പറഞ്ഞിരിക്കുന്ന പല കാര്യങ്ങളിലും സത്യാവസ്ഥയുണ്ട്. പക്ഷെ എന്റെ അറിവില്‍ അങ്ങനെ ഒരു ഗ്രൂപ്പ് ഇല്ല.’
‘ഫേവറിറ്റിസം ഒക്കെ ഉണ്ട്. കാരണം ഒരു സമയത്ത് വിനീത് ശ്രീനിവാസന്റെ ഗ്രൂപ്പ്, ആഷിക് ഗ്രൂപ്പ് അങ്ങനെ ഒക്കെ ഉണ്ടായിരുന്നല്ലോ. ഫേവറിസം അങ്ങനെ ഒരു സംഭവമുണ്ട്. അല്ലാതെ അതിന്റെ മുകളില്‍ ഒരു പവര്‍ ഗ്രൂപ്പ് എന്ന് പറയുന്നതൊന്നും എനിക്കറിയില്ല. ട്രിവാന്‍ഡ്രം ബെല്‍റ്റ്, കൊച്ചി ബെല്‍റ്റ് എന്നൊക്കെ പറയുന്നതായിരിക്കാം. ഇപ്പോള്‍ നെപ്പോകിഡ്‌സിനെ വെച്ചാണ് ഏട്ടന്‍ വര്‍ഷങ്ങള്‍ക്ക് ശേഷം ചെയ്തത്. അപ്പോള്‍ ഞാന്‍ പറഞ്ഞു വരുന്നത് ആ രീതിയില്‍ നോക്കുകയാണെങ്കില്‍ വിനീത് ശ്രീനിവാസന്‍ പവര്‍ ഗ്രൂപ്പില്‍ അംഗമല്ലേ. അപ്പോഴും എനിക്ക് മനസ്സിലാകാതെ പോകുന്ന ഒന്ന് എന്താണ് ഈ പവര്‍ ഗ്രൂപ്പ് എന്നുള്ളതാണ്. അതുകൊണ്ട് എന്താണ് ഉദ്ദേശിക്കുന്നത് എന്ന് മനസ്സിലായിട്ടില്ല.’, ധ്യാന്‍ ശ്രീനിവാസന്‍ പറഞ്ഞു.
STORY HIGHLIGHTS: Dhyan Sreenivasan about Vineeth Sreenivasan
