അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മലയാളത്തിലെ യുവ നായികമാരില് ഒരാളാണ് ഗൗതമി നായര്. ദുല്ഖര് സല്മാനോടൊപ്പം സെക്കന്റ് ഷോ എന്ന ചിത്രത്തിലൂടെയാണ് നടിയുടെ ചലച്ചിത്ര അരങ്ങേറ്റം. ലാല് ജോസ് സംവിധാനം ചെയ്ത ഡയമണ്ട് നെക്ലസ് ആയിരുന്നു രണ്ടാമത്തെ ചിത്രം. ഇപ്പോളിതാ സമീപകാല അഭിമുഖങ്ങളിലെ ആര്ട്ടിസ്റ്റുകളുടെ പെരുമാറ്റത്തെ വിമര്ശിക്കുകയാണ് താരം.
മാധ്യമപ്രവര്ത്തകരുടെ ചോദ്യങ്ങളോട് ആര്ട്ടിസ്റ്റുകള് പരിഹാസരൂപേണ പ്രതികരിക്കുന്ന നിരവധി അഭിമുഖങ്ങള് ശ്രദ്ധയില് പെട്ടെന്നും ഇത്രയും അഹന്തയോടെ പെരുമാറാന് ഇവിടെ ആര്ക്കും ഓസ്കാര് ലഭിച്ചിട്ടില്ലെന്നും നടി പറഞ്ഞു.അവര് ചോദിക്കാന് തിരഞ്ഞെടുക്കുന്ന ചോദ്യങ്ങളും അവയോടുള്ള പ്രതികരണവും പരസ്പര ബഹുമാനത്തോടെയുള്ളതകാന് ശ്രമിക്കാം. മറ്റുള്ളവരെ ബഹുമാനിക്കാനും താഴ്മയോടെ പെരുമാറാനും പഠിക്കു എന്നും ഗൗകമി കൂട്ടിച്ചേര്ത്തു. സോഷ്യല് മീഡിയ വഴിയായിരുന്നു താരത്തിന്റെ പ്രതികരണം.
പോസ്റ്റിന്റെ പൂര്ണ്ണരൂപം;
മാധ്യമപ്രവര്ത്തകരുടെ ചോദ്യങ്ങളോട് ആര്ട്ടിസ്റ്റുകള് പരിഹാസരൂപേണ പ്രതികരിക്കുന്ന നിരവധി അഭിമുഖങ്ങള് ശ്രദ്ധയില് പെട്ടു. പ്രതികരണം ലഭിക്കുമെന്ന പ്രതീക്ഷയില് മാധ്യമങ്ങള് അവരുടെ ജോലിയാണ് ചെയ്യുന്നത്. ഇത്രയും അഹന്തയോടെ പെരുമാറാന് ഇവിടെ ആര്ക്കും ഓസ്കാര് ലഭിച്ചിട്ടൊന്നും ഇല്ല. ഇവിടെ മാധ്യമങ്ങള് നിരപരാധികളാണെന്ന് ഞാന് പറയുന്നില്ല. എന്നെക്കുറിച്ചും ഒന്നിലധികം ക്ലിക്ക് ബെയ്റ്റുകള് ഉണ്ടായിട്ടുണ്ട്, അഭിമുഖങ്ങളില് ചോദിക്കുന്ന ചോദ്യങ്ങള് ചിലപ്പോള് അങ്ങേയറ്റം പ്രകോപനപരം ആയിരിക്കും, എങ്കിലും ഓരോരുത്തര്ക്കും അവര് ചോദിക്കാന് തിരഞ്ഞെടുക്കുന്ന ചോദ്യങ്ങളും അവയോടുള്ള പ്രതികരണവും പരസ്പര ബഹുമാനത്തോടെയുള്ളതകാന് ശ്രമിക്കാം. മറ്റുള്ളവരെ ബഹുമാനിക്കാനും താഴ്മയോടെ പെരുമാറാനും പഠിക്കു.
STORY HIGHLIGHTS: Gauthami Nair about interviews
