അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ബോളിവുഡിലെ പവര് കപ്പിളാണ് ഐശ്വര്യ റായ് ബച്ചനും അഭിഷേക് ബച്ചനും. ഇരുവരുടേയും പ്രണയവും വിവാഹവുമൊക്കെ ആരാധകര് ആഘോഷമാക്കിയ സംഭവങ്ങളാണ്. എന്നാൽ ബച്ചൻ കുടുംബം വാര്ത്തകളില് നിറഞ്ഞ് നില്ക്കാന് തുടങ്ങിയിട്ട് നാളുകളേറെയായി. ഇരുവരുടെയും വിവാഹം കഴിഞ്ഞിട്ട് 17 വർഷമായി എങ്കിലും താര കുടുംബത്തിന്റെ പേരിലുള്ള ചർച്ചകൾക്കും അഭ്യൂഹങ്ങൾക്കും കുറവൊന്നും വന്നിട്ടില്ല. ഇരുവരും തമ്മില് അസ്വാരസ്യങ്ങളുണ്ടെന്നും വിവാഹമോചിതരാവാന് പോകുന്നുവെന്ന ഗോസിപ്പുകളുമാണ് ഇതിന് കാരണം. മാത്രമല്ല പൊതുവേദികളില് ഇരുതാരങ്ങളും ഒന്നിച്ചെത്താത്തതും സമൂഹ മാധ്യമങ്ങളില് ചൂടുള്ള ചര്ച്ചകള്ക്ക് വഴിവച്ചു.
ഐശ്വര്യയുമായി പ്രണയത്തിലാകും മുമ്പ് അഭിഷേക് ബച്ചന് മറ്റൊരു നടിയുമായി പ്രണയത്തിലായിരുന്നു. നിലവിലുള്ള കുടുംബ വഴക്കുകൾക്കിടയിൽ അമിതാഭ് ബച്ചൻ്റെ അറുപതാം പിറന്നാളിന് ജയാ ബച്ചൻ തൻ്റെ ഭാവി മരുമകളെ പരസ്യമായി പ്രഖ്യാപിച്ച ഒരു പഴയ വീഡിയോ ആണിപ്പോൾ സമൂഹമാധ്യമങ്ങളിൽ തരംഗമാകുന്നത്.
View this post on Instagram
ബോളിവുഡിലെ ഐക്കോണിക് നായികമാരില് ഒരാളായ കരിഷ്മ കപൂര് ആയിരുന്നു അഭിഷേകിന്റെ ആ പ്രണയനായിക. രണ്ടായിരങ്ങളുടെ തുടക്കത്തില് ബോളിവുഡ് ആഘോഷിച്ച മറ്റൊരു വാര്ത്തയായിരുന്നു അഭിഷേക് ബച്ചനും കരിഷ്മ കപൂറും തമ്മിലുള്ള വിവാഹം. അമിതാഭ് ബച്ചന്റെ അറുപതാം പിറന്നാളിനായിരുന്നു ഇരുവരുടേയും വിവാഹ വാര്ത്ത അറിയിച്ചിരുന്നത്. കരിഷ്മയെ മരുമകള് എന്നായിരുന്നു ബച്ചനും ജയയും പൊതുവേദിയില് വച്ച് അഭിസംബോധന ചെയ്തത്. ബച്ചന് കുടുംബത്തിന്റെ ഭാഗമാകുന്നതില് താന് ഏറെ സന്തുഷ്ടയാണെന്ന് കരിഷ്മയും പറഞ്ഞിരുന്നു.
2002-ൽ, ജയാ ബച്ചൻ കരിഷ്മ കപൂറിനെ തൻ്റെ മരുമകളായി അവതരിപ്പിക്കുകയും പരിപാടിക്കിടെ അവളെ കുടുംബത്തിലേക്ക് സ്വാഗതം ചെയ്യുകയും ചെയ്തു. ”ബച്ചന് കുടുംബത്തിന്റെ ഭാഗത്തു നിന്നും, നന്ദ കുടുംബത്തിന്റെ ഭാഗത്തു നിന്നും ഞങ്ങളുടെ കുടുംബത്തിലേക്ക് മറ്റൊരു കുടുംബത്തെ കൂടി സ്വാഗതം ചെയ്യുകയാണ്. കപൂര് കുടുംബത്തിലെ രണ്ദീറും ബബിതയും. പിന്നെ എൻ്റെ മരുമകൾ കരിഷ്മ കപൂർ’ എന്നാണ് വിഡിയോയിൽ ജയാബച്ചൻ പറയുന്നത്. എന്നാൽ വിവാഹ നിശ്ചയം വരെ എത്തിയ ആ സന്തോഷത്തിന് അധികനാള് ആയുസുണ്ടായിരുന്നില്ല.
1997 ല് കണ്ടുമുട്ടിയ അഭിഷേകും കരിഷ്മയും അധികം വൈകാതെ പ്രണയത്തിലായി. 2002ലാണ് ഇരുവരുടേയും വിവാഹ നിശ്ചയം നടക്കുന്നത്. എന്തുകൊണ്ടാണ് വിവാഹം വേണ്ടെന്ന് തീരുമാനിച്ചതെന്ന് രണ്ട് കുടുംബങ്ങളും വെളിപ്പെടുത്തിയിരുന്നില്ല. സമൂഹമാധ്യമങ്ങളിൽ തരംഗമാകുന്ന വീഡിയോയ്ക്ക് താഴെ നിരവധി പേരാണ് കമെന്റുമായി എത്തിയിരിക്കുന്നത്.
അഭിഷേക് 2007-ൽ ഐശ്വര്യ റായിയെ വിവാഹം കഴിച്ചപ്പോൾ, കരിഷ്മ കപൂർ വ്യവസായിയായ സഞ്ജയ് കപൂറിനെ 2003-ൽ വിവാഹം കഴിച്ചു. എന്നിരുന്നാലും, അവരുടെ വിവാഹം ബുദ്ധിമുട്ടുകൾ നേരിടുകയും പിന്നീട് 2016-ൽ വിവാഹമോചനം നേടുകയും ചെയ്തു. ഇന്നുവരെ, അഭിഷേകിൻ്റെയും കരിഷ്മയുടെയും വേർപിരിയൽ കാരണം ഒരു നിഗൂഢതയായി തന്നെ തുടരുകയാണ്.
STORY HIGHLIGHT: jaya bachchans video goes viral
