ഒരുകാലത്ത് മലയാള സിനിമയുടെ ഭാഗ്യജോഡികള്‍ എന്ന് പറയപ്പെട്ടിരുന്ന ദിലീപും കാവ്യ മാധവനും ഇന്ന് ജീവിതത്തിലും ജോഡികള്‍ തന്നെയാണ്. ഇരുവരുടെയും വിവാഹം കഴിഞ്ഞിട്ട് കുറച്ചു വര്‍ഷങ്ങള്‍ മാത്രമേ ആയിട്ടുള്ളൂ. എന്നാല്‍ എന്താണ് ഇരുവരുടെയും ആദ്യവിവാഹ ബന്ധം വേര്‍പ്പെടാന്‍ കാരണം എന്നതിനെക്കുറിച്ച് ഇരുവരും അധികം സംസാരിച്ചിട്ടില്ല. എന്നാല്‍ ഇപ്പോള്‍ ഇതാ തങ്ങളുടെ വിവാഹബന്ധം വേര്‍പെടുത്തേണ്ടി വന്ന സംഭവത്തെക്കുറിച്ച് കാവ്യയും ദിലീപും വര്‍ഷങ്ങള്‍ക്കു മുന്‍പ് സംസാരിച്ച ചില കാര്യങ്ങളാണ് ഇപ്പോള്‍ സമൂഹത്തില്‍ വളരെയധികം ചര്‍ച്ച ചെയ്യപ്പെടുന്നത്.
‘എന്റെ വിഷയത്തില്‍ കാവ്യ അല്ല എന്റെ ഫാമിലി ലൈഫ് തകര്‍ത്തത്. അങ്ങനെ പറഞ്ഞ് ഒരു ഭയങ്കരമായിട്ടുള്ള സംഭവം വരുന്നുണ്ട്. കാവ്യ അല്ല വിഷയം. അത് 100% ഉറപ്പാണ്. കാരണം കാവ്യയും ഞാനും തമ്മിലുള്ള ഒരു ഗോസിപ്പ് തുടങ്ങിയിട്ട് ഏകദേശം 10, 13, 14 വര്‍ഷം ആയിട്ടുണ്ട്. കാവ്യ ഇതിന്റെ പേരില്‍ ശരിക്കും ബലിയാടായി കൊണ്ടിരിക്കുന്നത് കാണുമ്പോള്‍ സത്യസന്ധമായി പറഞ്ഞാല്‍ വലിയ വിഷമമുണ്ട്. ആളുകള്‍ ഇങ്ങനെ ഓരോ കാര്യങ്ങള്‍ പറയുന്നു.. ഒരിക്കലും അമ്പെയ്യുമ്പോള്‍ ആളുകള്‍ വിചാരിക്കില്ല, ഞങ്ങളുടെ വീട്ടിലും ഒരു സഹോദരിയുണ്ട്.. അല്ലെങ്കില്‍ അങ്ങനെ സംഭവിച്ചാല്‍ എന്ത് ഫീല്‍ ചെയ്യും അങ്ങനെയുള്ള ഫീല്‍ ഒന്നും ഇപ്പോള്‍ ഇല്ല.’
‘ആരും മരിച്ചു ജീവിക്കേണ്ട ആവശ്യമില്ല ഇപ്പോള്‍. അപ്പോള്‍ എല്ലാവരും സന്തോഷകരമായി ജീവിക്കട്ടെ എന്നുള്ളതാണ്. മാത്രമല്ല മഞ്ജു നല്ല അഭിനയത്രിയാണ്. അതുപോലെതന്നെ മഞ്ജു മഞ്ജുവിന്റെ കാര്യങ്ങളുമായിട്ട് സന്തോഷത്തോടെ മുന്നോട്ട് പോകുന്നു. മഞ്ജു എന്ന് പറയുന്നത് എന്റെ മകള്‍ മീനാക്ഷിയുടെ അമ്മ കൂടിയാണ്. ആ മാന്യത കൂടി ഞാന്‍ കാണിക്കണം.’ ദിലീപ് പറഞ്ഞു.
‘ദിലീപേട്ടനെ അതില്‍ ഉള്‍പ്പെടുത്തുന്നതില്‍ എനിക്ക് വലിയ വിഷമമുണ്ട്. അതിനുള്ള പല കാരണങ്ങളും പലരും പറയുന്നുണ്ട്, പല സൈഡില്‍ നിന്നും പറയുന്നുണ്ട്.. തെളിവ് സഹിതം ഉണ്ടെന്ന് വരെ ഓരോരുത്തര്‍ പറയുന്നു. എനിക്ക് വിഷമമാണ് തോന്നുന്നത്. കാരണം ദിലീപേട്ടനെ പോലെ ഒരാളെ അങ്ങനെ അതിലേക്ക്, കാരണം ഞാന്‍ വീണ്ടും എന്റെ കരിയര്‍ തുടങ്ങുമ്പോള്‍ എന്നെ വളരെയധികം സപ്പോര്‍ട്ട് ചെയ്ത ആളുകളാണ് ദിലീപേട്ടനും മഞ്ജു ചേച്ചിയും. എനിക്ക് തോന്നുന്നു ദിലീപേട്ടനെക്കാളും എനിക്ക് പറയാനുള്ളത് മഞ്ജു ചേച്ചി ആയിരിക്കും. എന്റെ വിഷമങ്ങള്‍ അധികവും ഞാന്‍ പറഞ്ഞിരിക്കുന്നത് മഞ്ജു ചേച്ചിയോട് തന്നെയാണ്.’
‘സിനിമയില്‍ ഉള്ള ഒരാള്‍ എന്ന നിലയില്‍. അപ്പോള്‍ അങ്ങനെയുള്ള ഒരാളെ കുറിച്ച് ഒക്കെ അങ്ങനെ പറയുമ്പോള്‍… കാരണം ദിലീപേട്ടന് നന്നായിട്ടറിയാം എന്റെ ഒരു സ്വപ്നം എന്താണ് എന്നുള്ളത്. അവര്‍ക്ക് അറിയാവുന്ന മറ്റൊരു കാര്യമുണ്ട്, ഞാന്‍ വളരെയധികം അഡ്ജസ്റ്റ് ചെയ്യുന്ന ആളാണ് എന്നത്. ഏത് സാഹചര്യമാണെങ്കിലും.. ഞാനെന്റെ വീട്ടില്‍ ചിലപ്പോള്‍ എന്റെ അച്ഛന്റെയും അമ്മയുടെയും അടുക്കല്‍ ദേഷ്യം കാണിക്കുമായിരിക്കും. പക്ഷേ ഞാന്‍ വേറൊരു സ്ഥലത്ത് പോയി കഴിഞ്ഞാല്‍ വളരെയധികം അഡ്ജസ്റ്റ് ചെയ്യും. എനിക്കൊരു സ്ഥലത്ത് പറ്റില്ല എന്ന് തോന്നിയിട്ടുണ്ടെങ്കില്‍ അത് പറ്റാത്ത ഒരു സ്ഥലം ആയിരിക്കുമെന്ന് എന്നെ വളരെ അടുത്തറിയാവുന്നവര്‍ക്ക് അറിയാം. എന്നെയും ദിലീപേട്ടനെയും കുറിച്ച് അങ്ങനെ ഒരു തെറ്റിദ്ധാരണ എന്റെ വീട്ടുകാര്‍ക്കില്ല.’, കാവ്യ മാധവന്‍ പറഞ്ഞു.
STORY HIGHLIGHTS: Dileep and Kavya Madhavan about their divorce