അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മലയാളി പ്രേക്ഷകര്‍ക്കിടയില്‍ സുപരിചിതരാണ് പേളി മാണിയും ശ്രീനിഷ് അരവിന്ദും. ഇരുവരും ബിഗ് ബോസില്‍ വെച്ചാണ് കണ്ടുമുട്ടിയത്. അന്നുമുതലേയുള്ള പ്രണയമായിരുന്നു. പിന്നീട് ബിഗ്‌ബോസില്‍ നിന്നിറങ്ങി കുറച്ചു മാസങ്ങള്‍ക്കുള്ളില്‍ തന്നെ ഇവര്‍ വിവാഹിതരായി. ഇപ്പോള്‍ രണ്ടു കുട്ടികളുടെ അച്ഛനമ്മമാര്‍ കൂടിയാണ് ഇവര്‍. നില ശ്രീനിഷും നിതാര ശ്രീനിഷും. സോഷ്യല്‍ മീഡിയയില്‍ എല്ലാം തന്നെ വളരെ സജീവമാണ് താര ജോഡികള്‍. യൂട്യൂബ് വീഡിയോസിനെല്ലാം നിരവധി കാഴ്ചക്കാരാണ് സാധാരണ ഉണ്ടാക്കാറ്. ഇപ്പോള്‍ ഇതാ ശ്രീനീഷിനെ കുറിച്ച് പേളി പറയുന്ന ചില കാര്യങ്ങളാണ് വളരെയധികം ശ്രദ്ധ നേടിക്കൊണ്ടിരിക്കുന്നത്.
‘ശ്രീനി എവിടെയാണ് പാവം. ശ്രീനി പാവമോ.. നിങ്ങള്‍ക്ക് തോന്നുന്നതാണ്. ശ്രീനി പൊതുവെ നിങ്ങളുടെ മുന്‍പിലൊക്കെ പാവമായി നില്‍ക്കും. പക്ഷെ എന്റെ അടുത്ത് ഭയങ്കരമായിട്ട് സംസാരിക്കും. ഞങ്ങള്‍ ഒരുമിച്ച് ചേര്‍ന്ന് കഴിഞ്ഞാല്‍ ഭയങ്കര അടിപൊളിയാണ്. കാരണം ഞങ്ങള്‍ ഭയങ്കര ക്രേസിയാണ്. എനിക്ക് തോന്നുന്നു ഞാനാണ് ശ്രീനിയെ അങ്ങനെ ഏറ്റവും കൂടുതല്‍ അങ്ങനെ കണ്ടിട്ടുള്ളത്. അത് ശ്രീനി തന്നെ പറയാറുണ്ട്, എന്റെ കൂടെ കൂടി ശ്രീനിയും ഇപ്പോള്‍ അലമ്പായി തുടങ്ങിയെന്ന്. ഞാന്‍ അതില്‍ സന്തോഷവധിയാണ്. അല്ലാതെ ശ്രീനി പാവം ഒന്നുമല്ല. ശ്രീനി ഒരു റിലാക്‌സ്ഡ് പേഴ്‌സണ്‍ ആണ്. ആരോടും അങ്ങനെ അടി ഉണ്ടാക്കുന്നത് ഞാന്‍ കണ്ടിട്ടില്ല. അതു കൂടാതെ ശ്രീനി നന്നായിട്ട് മനസ്സിലാക്കുന്ന ഒരാളാണ്. നമ്മള്‍ എന്ത് പറഞ്ഞാലും കേള്‍ക്കും. കേട്ടുകൊണ്ടിരിക്കും.’
‘ഞാന്‍ എത്ര പൊട്ട ചളി ജോക്ക് പറഞ്ഞാലും ശ്രീനി ചിരിക്കും. ഞാന്‍ പറയുന്ന കാര്യങ്ങള്‍ക്ക് ശ്രീനി ചിരിച്ചില്ല എങ്കില്‍ എനിക്ക് വിഷമം അല്ല, ഞാന്‍ അടിയാണ് ഉണ്ടാക്കുന്നത്. ഞാന്‍ എന്റെ പേരില്‍ വന്ന ട്രോളുകള്‍ ഒക്കെ ഇപ്പോള്‍ ഭയങ്കരമായിട്ട് മിസ്സ് ചെയ്യുന്നുണ്ട്. ആ നട തുറന്നു കിടന്നു എന്ന പാട്ടിന്റെ ട്രോള്‍ ഒക്കെ.. ആ പാട്ടിനൊക്കെ എന്തോരം ട്രോള്‍ കിട്ടിയിട്ടുണ്ട്. അതുപോലെതന്നെ തേങ്ങാക്കൊല എന്ന പാട്ടിന്, പിന്നെ എന്റെ ഹണി ബേബി.. ആ സമയത്തൊക്കെ ഞാന്‍ ഭയങ്കരമായിട്ട് എന്‍ജോയ് ചെയ്തിട്ടുണ്ട്. അവന്മാരെ ഒക്കെ ഞാന്‍ ഭയങ്കരമായിട്ട് മിസ്സ് ചെയ്യുന്നു. എന്താണ് എന്നെ അവോയ്ഡ് ചെയ്യുകയാണോ?കാരണം ഞാന്‍ അതൊക്കെ ഒരുപാട് ആസ്വദിക്കാറുണ്ട്.’
‘സോഷ്യല്‍ മീഡിയയില്‍ വരുന്ന കമന്റ്‌സോ ക്യാപ്ഷന്‍സോ ഒന്നും എന്നെ ഹേര്‍ട്ട് ചെയ്തിട്ടില്ല. ഞാന്‍ ഇന്‍ഡസ്ട്രിയില്‍ വന്ന സമയത്ത് എന്റെ ഡാഡി എന്നോട് പറഞ്ഞ ഒരേ ഒരു കാര്യം, നീ എന്‍ട്രി ചെയ്യുന്ന ഇന്‍ഡസ്ട്രി എന്ന് പറഞ്ഞാല്‍ നിന്റെ കൈയ്യില്‍ നില്‍ക്കുന്ന ഒരു ഇന്‍ഡസ്ട്രി അല്ല.. അതായത്, ഒരുപാട് ആളുകളെയാണ് നീ നേരിടാന്‍ പോകുന്നത്. അപ്പോള്‍ ഈ ലോകത്തില്‍ നിന്നെ ഇഷ്ടപ്പെടുന്നവര്‍ ഉണ്ടാകും, ഇഷ്ടപ്പെടാത്തവര്‍ ഉണ്ടാകും, എല്ലാ ടൈപ്പ് ആളുകളും ഉണ്ടാകും.. അപ്പോള്‍ അതിനെയൊക്കെ ഫേസ് ചെയ്യാന്‍ നിനക്ക് പക്വത വന്നിട്ടുണ്ടെങ്കില്‍ മാത്രമേ ഇതിലേക്ക് കയറാവു എന്ന് എന്റെ ഡാഡി എന്നോട് പറഞ്ഞിട്ടുണ്ട്. പോപ്പുലാരിറ്റി എന്നൊക്കെ പറയുന്നത് രണ്ടാമത്തെ കാര്യം ആണ്. ഏറ്റവും പ്രധാനം ആളുകളുമായി ഡീല്‍ ചെയ്യാന്‍ പഠിക്കുക എന്നുള്ളതാണ്.’ പേളി പറഞ്ഞു.
STORY HIGHLIGHTS: Pearle Maaney about Srinish Aravind
