അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മലയാളികൾക്ക് സുപരിചിതനായ നായക നടനാണ് ബാല. അത്രയ്ക്ക് സുപരിചിതനാവാൻ കാരണം അദ്ദേഹത്തിന്റെ സിനിമകൾ മാത്രമല്ല അദ്ദേഹം ചെന്നു വീഴുന്ന ഗോസിപ്പുകൾ കൂടിയാണ്. താരത്തിന്റെ വിവാഹമാണ് എപ്പോഴും ചർച്ചാവിഷയം ആകുന്നത്. ഇപ്പോഴിതാ താരം നാലാമതുംവിവാഹിതനായ വാർത്ത രാവിലെയാണ് പുറത്തുവന്നത്. താരത്തിന്റെ മുറപ്പെണ്ണായ കോകിലയാണ് വധു. വിവാഹവാർത്ത പുറത്തുവന്നതിന് പിന്നാലെ ഫേസ്ബുക്ക് പോസ്റ്റുമായി താരത്തിന്റെ മുൻ ഭാര്യയും ഗായികയുമായ അമൃത സുരേഷ് എത്തിയിട്ടുണ്ട്. ക്ഷേത്രദർശനത്തിനുശേഷം നിറച്ചിരിയോടെ നിൽക്കുന്ന ചിത്രമാണ് താരം പങ്കുവെച്ചിരിക്കുന്നത്. ഒരു കൂപ്പുകൈയുടെ ചിഹ്നവും പോസ്റ്റിൽ ചേർത്തിട്ടുണ്ട്. പോസ്റ്റ് വൈറലായി മാറിക്കഴിഞ്ഞു ഇപ്പോൾ തന്നെ
‘ആ ചിരിയിൽ എല്ലാമുണ്ട്’,’ഇത്രയും മനസമാധാനത്തോടെ നിറഞ്ഞ ചിരി ചിരിക്കുന്നത് കുറെ കാലങ്ങൾക്ക് ശേഷമാണ് കാണുന്നത്’, ‘എന്നും നന്മകൾ ഉണ്ടാകട്ടെ’, ‘കഷ്ടകാലവും, ബാധ ഉപദ്രവവും ഒക്കെ പോയി..ഈ സന്തോഷം എന്നും നിലനിൽക്കട്ടെ’, ‘ക്യാപ്ഷന്റെ ആവശ്യം ഇല്ല എല്ലാം ഈ ഫോട്ടോയിൽ ഉണ്ട്’ ‘അമൃതയുടെ പ്രാർത്ഥന ദൈവം കേട്ടു… ഇനി സമാധാനം ഉണ്ടാകട്ടെ’ ‘എന്തായാലും ഇന്ന് ചിരി നിറഞ്ഞ മുഖം സോഷ്യൽ മീഡിയയിൽ ഇട്ടത് വളരെ നന്നായി’, തുടങ്ങി നിരവധി കമന്റുകളാണ് വരുന്നത്.
2010ലാണ് ഗായിക അമൃത സുരേഷും നടൻ ബാലയും വിവാഹിതരാകുന്നത്. 2019ൽ ഇരുവരും വിവാഹമോചനം നേടി. ശേഷം 2021 ആയിരുന്നു ബാലയുടെയും ഡോ. എലിസബത്തിന്റെയും വിവാഹം നടന്നത്. ആ ബന്ധം നിയമപരമായി രജിസ്റ്റർ ചെയ്തിരുന്നില്ല. വിവാഹ കഴിഞ്ഞ് കുറച്ച് മാസങ്ങൾ മാത്രമേ ഇരുവരും ഒരുമിച്ച് ഉണ്ടായിരുന്നുള്ളുവെന്നാണ് വിവരം. ഇരുവർക്കും ഇടയിൽ എന്താണ് സംഭവിച്ചതെന്ന് വ്യക്തമല്ല.
എറണാകുളം പാവക്കുളം ശ്രീമഹാദേവക്ഷേത്രത്തിൽ വച്ച് ഇന്ന് രാവിലെയായിരുന്നു ബാലയുടെ വിവാഹം. കോകിലയുമായുള്ള വീഡിയോകൾ ഇതിന് മുൻപും ബാല ഫേസ്ബുക്കിൽ പങ്കുവച്ചിരുന്നു. അതിനാൽ തന്നെ കോകിലയെ എല്ലാവർക്കും അറിയാം. മുറപ്പെണ്ണിനെ ചേർത്തുപിടിച്ച ചിത്രവും ഇരുവരും ആഹാരം കഴിക്കുന്ന വീഡിയോകളും ബാല മുൻപ് പങ്കുവച്ചിട്ടുണ്ട്.
‘എന്റെ ബന്ധുവാണ് വധു. പേര് കോകില. എന്റെ അമ്മയ്ക്ക് വിവാഹത്തിന് പങ്കെടുക്കാൻ പറ്റില്ല. 74 വയസുണ്ട്. വരാൻ ഒരുപാട് ആഗ്രഹം ഉണ്ടായിരുന്നു. പക്ഷേ ആരോഗ്യനിലമോശമാണ്. കോകിലയുടെ ചെറുപ്പത്തിലെ ഒരു ആഗ്രഹമാണ് ഇപ്പോൾ നടന്നത്. വാഴ്‌ത്തണമെന്ന് മനസുള്ളവർ വാഴ്ത്തുക. കോകിലയ്ക്ക് മലയാളം അറിയില്ല. കഴിഞ്ഞ ഒരു കൊല്ലമായി എന്റെ ആരോഗ്യത്തിൽ നല്ല മാറ്റമുണ്ട്. ആ സമയത്തൊക്കെ കൂടെ നിന്ന ആളാണ് കോകില. കരൾ മാറ്റിവച്ച ശേഷം എനിക്ക് ഒരു തുണവേണമെന്ന് തോന്നി. എന്റെ സ്വന്തക്കാരി കൂടിയാകുമ്പോൾ ഐ ആം കോൺഫിഡന്റ്. നല്ല നിലയിൽ മുൻപോട്ട് പോകാൻ സാധിക്കുന്നു. ജീവിതത്തിൽ സമാധാനമുണ്ട്’,- വിവാഹശേഷം ബാല മാധ്യമങ്ങളോട് പറഞ്ഞു.
ചന്ദന സഗാശിവ എന്ന കർണാടക സ്വദേശിയെയാണ് ബാല ആദ്യം വിവാഹം ചെയ്തതെന്ന് ചില റിപ്പോർട്ടുകൾ വന്നിരുന്നു. എന്നാൽ ബാല തന്റെ ആദ്യ വിവാഹത്തെക്കുറിച്ച് ഒരിക്കലും വെളിപ്പെടുത്തിയിട്ടില്ല. 2010ലാണ് മലയാളി ഗായികയുമായി ബാല വിവാഹിതനായത്. ഗായികയുമായുള്ള വിവാഹമോചനത്തിന് ശേഷം ഡോ. എലിസബത്ത് ഉദയനെ വിവാഹം ചെയ്തുവെങ്കിലും ആ ബന്ധം നിയമപരമായി രജിസ്റ്റർ ചെയ്തിരുന്നില്ല. വിവാഹ കഴിഞ്ഞ് കുറച്ച് മാസങ്ങൾ മാത്രമേ ഇരുവരും ഒരുമിച്ച് ഉണ്ടായിരുന്നുള്ളുവെന്നാണ് വിവരം. ഇരുവർക്കും ഇടയിൽ എന്താണ് സംഭവിച്ചതെന്ന് വ്യക്തമല്ല.
content highlight: amritha-new-facebook-post
