നടൻ ദിലീപിന്റെ വ്യക്തി ജീവിതവും കരിയറും ഒരുപോലെ ചർച്ചയായതാണ്. തന്റെ സ്വകാര്യ ജീവിതം ഇത്രയധികം ചർച്ച ചെയ്യപ്പെ‌ടുന്നതിനെക്കുറിച്ച് ദിലീപും ഒന്നിലേറെ അഭിമുഖങ്ങളിൽ പരാമർശിച്ചിട്ടുണ്ട്. ഗോസിപ്പുകൾ കാര്യമാക്കുന്നില്ലെന്നാണ് ദിലീപ് പറയുന്നത്. കരിയറിലും ജീവിതത്തിലും പല ഘട്ടങ്ങൾ ദിലീപ് കണ്ടിട്ടുണ്ട്. മിമിക്രി കലാകാരനിൽ നിന്നും സഹ സംവിധായകനും നടനുമായി, പിന്നീട് മലയാളത്തിലെ സൂപ്പർതാരങ്ങളിൽ ഒരാളായി ദിലീപ് മാറി.
ഒരുപക്ഷെ കേസും വിവാദങ്ങളും ഇല്ലായിരുന്നെങ്കിൽ ദിലീപ് മലയാളത്തിലെ പ്രബല താരമായി ഇപ്പോഴും തുടർന്നേനെ. മഞ്ജു വാര്യരുമായുള്ള വേർപിരിയലും സോഷ്യൽ മീഡിയയിൽ ചർച്ചയാണ്. ഇപ്പോഴിതാ ദിലീപിനെക്കുറിച്ച് സംസാരിക്കുകയാണ് ലിബർട്ടി ബഷീർ. തന്നെക്കുറിച്ച് പല തരത്തിലുള്ള ആരോപണങ്ങള്‍ പ്രചരിപ്പിച്ചപ്പോഴും മഞ്ജു നിശബദ്ത പാലിച്ചത് അവരുടെ തറവാടിത്തം കൊണ്ടാണെന്ന് നിര്‍മ്മാതാവായ ലിബര്‍ട്ടി ബഷീര്‍ പറയുന്നു. കേരളകൗമുദിക്ക് നല്‍കിയ അഭിമുഖത്തിലാണ് ലിബര്‍ട്ടി ബഷീറിന്റെ വെളിപ്പെടുത്തൽ.
ലിബർട്ടി ബഷീറിന്റെ വാക്കുകൾ:
‘പ്രണയവിവാഹമാണെങ്കിലും കല്യാണം കഴിഞ്ഞതിന് ശേഷം മഞ്ജുവിന് ദിലീപിന്റെ വീട്ടിലൊരു സ്വാതന്ത്ര്യവും ലഭിച്ചിരുന്നില്ല. മഞ്ജു ശ്വാസം മുട്ടിയത് പോലെയായി നില്‍ക്കുന്നത് പലപ്പോഴും കണ്ടിട്ടുണ്ട്. ദിലീപിന്റെ വീട്ടില്‍ ഇടയ്ക്ക് പോവാറുണ്ട്. ഫോണില്‍പ്പോലും മഞ്ജുവിനെ കിട്ടാറില്ല. ആരാണ് വിളിക്കുന്നതെന്ന് അമ്മയോ സഹോദരിമാരെ നോക്കിയതിന് ശേഷം മാത്രമേ ഫോണില്‍പ്പോലും മഞ്ജുവിനെ ലഭിച്ചിരുന്നുള്ളൂ. മഞ്ജു ജയിലില്‍പ്പോലെയാണ് കഴിഞ്ഞതെന്ന് എനിക്ക് ബോധ്യമുണ്ട്. മഞ്ജുവിന്റെ തറവാടിന്റെ ഗുണംകൊണ്ടാണ് മഞ്ജു ഇപ്പോഴും സൈലന്റായി നില്‍ക്കുന്നത്.
മീശമാധവന്റെ 125ാം ദിവസം കൊച്ചിയില്‍ ആഘോഷിച്ചിരുന്നു. ആഘോഷ പരിപാടികളെല്ലാം കഴിഞ്ഞ് മഞ്ജു പോയെന്ന ധാരണയിലായിരുന്നു. ബാത്ത്‌റൂമിലേക്ക് പോവുന്നതിനിടയിലാണ് മീനാക്ഷിയേയും പിടിച്ച് കരഞ്ഞുനില്‍ക്കുന്ന മഞ്ജുവിനെ കണ്ടത്. പോയില്ലേയെന്ന് ചോദിച്ചപ്പോള്‍ ഇല്ല, ദിലീപേട്ടനെ കണ്ടില്ലെന്നായിരുന്നു പറഞ്ഞത്. ആ സമയത്ത് ദിലീപ് ബാത്ത്‌റൂമില്‍ നിന്ന് ഫോണ്‍ ചെയ്യുകയായിരുന്നു. മഞ്ജുവിനേയും കുഞ്ഞിനേയും പറഞ്ഞയച്ചൂടേയെന്ന് ചോദിച്ച് അന്ന് ദിലീപിനോട് ഞാന്‍ ചൂടായിരുന്നു.
ഇന്ന് ജനങ്ങള്‍ പറയുന്ന പോലെയല്ല സംഭവം. കാവ്യയും ദിലീപും തമ്മില്‍ ബന്ധമുണ്ടെന്ന് അന്നേ മഞ്ജു മനസിലാക്കിയിരുന്നു. അന്നൊന്നും ഇത്ര രൂക്ഷമായ പ്രശ്‌നങ്ങളുണ്ടായിരുന്നില്ല. അമേരിക്കയില്‍ വെച്ചല്ല പ്രശ്‌നങ്ങളുണ്ടായത്. മഞ്ജുവിന് എല്ലാം അറിയാമെന്ന് ദിലീപ് അറിഞ്ഞിരുന്നില്ല.
കാവ്യയും നിഷാലും വിവാഹിതരായ സമയത്ത് ഞാന്‍ മഞ്ജുവിനെ കണ്ടിരുന്നു. അന്ന് ഒത്തിരി താരങ്ങള്‍ വന്നിരുന്നു. സംയുക്ത വര്‍മ്മയ്‌ക്കൊപ്പം നില്‍ക്കുന്ന സമയത്താണ് ഞാന്‍ ഓപ്പണായി മഞ്ജു നീ രക്ഷപ്പെട്ടല്ലോ, ഈ കല്യാണത്തോടെ നിനക്ക് മനസമാധാനത്തോടെ ജീവിക്കാമല്ലോയെന്ന് പറഞ്ഞത്. അത് കഴിഞ്ഞാണല്ലോ കാവ്യയുടെ വിവാഹത്തിലും പ്രശ്‌നങ്ങളുണ്ടായത്.”- ലിബർട്ടി ബഷീർ പറഞ്ഞു.
content highlight: liberty-basheer-about-dileep-and-manju-warrier