അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.നിലപാടുകൾക്ക് പുറമേ വമ്പൻ മേക്കോവറിലൂടെയും ഇടയ്ക്കിടെ ആരാധകരെ ഞെട്ടിക്കാറുള്ള താരമാണ് പാർവതി തിരുവോത്ത്. സിനിമയിലെ കഥാപാത്രങ്ങൾ പോലെ തന്നെ താരത്തിന്റെ വസ്ത്രങ്ങളും ലുക്കും ചർച്ചയാകാറുമുണ്ട്. ഇപ്പോൾ ശ്രദ്ധ നേടുന്നത് ടെട്രോ സ്റ്റൈലിൽ ഉള്ള മുടിയും പുതിയ ബ്ലാക്ക് വസ്ത്രവുമാണ്. ചുരുണ്ട മുടി പ്രത്യേക സ്റ്റൈലിൽ സെറ്റ് ചെയ്യുന്നതാണ് ടെട്രോ സ്റ്റൈൽ. കറുപ്പ് കുർത്ത ധരിച്ചു നിൽക്കുന്ന ചിത്രങ്ങളാണ് ഇപ്പോൾ പാർവതി പങ്കുവെച്ചിരിക്കുന്നത്. ബേബി പിങ്ക് പാന്റ്സാണ് താരം പെയര് ചെയ്തിരിക്കുന്നത്. പേളിന്റെ മാല മാത്രമാണ് ആക്സസറിയായി പാർവതി അണിഞ്ഞിരിക്കുന്നത്. കുറച്ചു ദിവസങ്ങൾക്കു മുൻപ് ഇതേ ഹെയര് സ്റ്റൈലിൽ മഞ്ഞ വസ്ത്രങ്ങൾ ധരിച്ചുള്ള ചിത്രങ്ങളും താരം പോസ്റ്റ് ചെയ്തിരുന്നു. അതും വൈറൽ ആയിരുന്നു.
സാള്ട്ട് സ്റ്റുഡിയോയുടേതാണ് ഔട്ഫിറ്റ്. ദിയ ജോണ് ആണ് സ്റ്റൈലിങ്. കേര്ലി ഹെയറിലും മിനിമല് മേക്കപ്പിലും വേറിട്ട ലുക്കിൽ എത്തിയ പാർവതിക്ക് നിരവധി കമന്റുകൾ ലഭിക്കുന്നുണ്ട്. അടിപൊളി ആണ് പുത്തൻ ലുക്ക് നന്നായിട്ടുണ്ട് ഹെയർ സ്റ്റൈൽ ചേരുന്നുണ്ട് എന്നിങ്ങനെ നിരവധി കമന്റുകൾ ഉണ്ടെങ്കിലും; മുടിക്ക് എന്ത് സംഭവിച്ചു, മൈക്കിൾ ജാക്സൺ ഹെയർ സ്റ്റൈലാണോ തുടങ്ങിയുള്ള പരിഹാസ കമന്റുകളും ചിലതുണ്ട്.
കഴിഞ്ഞ ദിവസങ്ങളിൽ നയൻതാരയ്ക്ക് പിന്തുണ നൽകിയാണ് താരം സോഷ്യൽ മീഡിയയിൽ ശ്രദ്ധനേടിയത്. മുൻ നിലപാടുകളിൽ നിന്ന് വ്യത്യസ്തമായി നയൻതാരയെ ലേഡി സൂപ്പർസ്റ്റാർ എന്ന് വിളിച്ചതിന് പിന്നാലെ പാർവതിക്ക് വലിയ വിമർശനങ്ങളും നേരിടേണ്ടി വന്നിരുന്നു. വിമർശനങ്ങൾ എന്തുതന്നെയായാലും ജീവിതത്തിൽ പ്രതിസന്ധികളെ നേരിട്ട അതിജീവിതകൾക്കൊപ്പം നിലകൊള്ളുക എന്നതാണ് പാർവതിയുടെ എപ്പോഴത്തെയും നിലപാട്.
