അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.രാജ്യസഭാ ചെയര്‍മാന്‍ ജഗ്ദീപ് ധന്‍ഖറിനെതിരെ പ്രതിപക്ഷ പാര്‍ട്ടികളുടെ സഖ്യമായ ‘ഇന്ത്യ’ ബ്ലോക്ക് അവിശ്വാസ പ്രമേയത്തിന് നോട്ടീസ് നല്‍കി. ഇന്ന് സമ്മേളനം ചേര്‍ന്നപ്പോള്‍ അവിശ്വാസ പ്രമേയം പ്രതിപക്ഷം കൊണ്ടുവന്നെങ്കിലും സഭ ആ വിഷയം എടുത്തിട്ടില്ല. വിഷയം ചര്‍ച്ച ചെയ്യാത്തതില്‍ പ്രതിഷേധിച്ച് പ്രതിപക്ഷ ബഹളം തുടര്‍ന്നതോടെ ഇന്നത്തേക്ക് സഭ പിരിഞ്ഞു. എന്തുകൊണ്ടാണ് രാജ്യസഭാ ചെയര്‍മാന്‍ ജഗ്ദീപ് ധന്‍ഖറിനെതിരെ പ്രതിപക്ഷം അവിശ്വാസ പ്രമേയം കൊണ്ടു വന്നത്. ഉപരാഷ്ട്രപതിയും രാജ്യസഭാ ചെയര്‍മാനുമായ ജഗ്ദീപ് ധന്‍ഖറിനെതിരായ അവിശ്വാസം കൊണ്ടു വരാമെന്നല്ലാതെ ഒരു തരത്തിലുള്ള നേട്ടവും ഇതുകൊണ്ട് പ്രതിപക്ഷത്തിന് ഉണ്ടാകില്ല. രേഖകളില്‍ നിന്നുപോലും ചിലപ്പോള്‍ ഇത്തരം അവിശ്വാസത്തിന്റെ പരാമര്‍ശം ഉണ്ടാകില്ലെന്നും വ്യക്തമാണ്.
രാജ്യസഭാ ചെയര്‍മാനെതിരെ അവിശ്വാസം, ഫലവത്താകുമോ?
രാജ്യസഭാ ചെയര്‍മാന്‍ ജഗ്ദീപ് ധന്‍ഖ പക്ഷപാതപരമായാണ് സഭാനടപടികള്‍ നടത്തുന്നതെന്നാണ് പ്രതിപക്ഷത്തിന്റെ പ്രധാന ആരോപണം. കോണ്‍ഗ്രസ് ജനറല്‍ സെക്രട്ടറി ജയറാം രമേഷ് സോഷ്യല്‍ മീഡിയയായ എക്സില്‍ എഴുതി, ‘ബഹുമാനപ്പെട്ട രാജ്യസഭാ ചെയര്‍മാന്‍ ഉപരിസഭയുടെ നടപടിക്രമങ്ങള്‍ നടത്തുന്ന അങ്ങേയറ്റം പക്ഷപാതപരമായ രീതി കാരണം, ഇന്ത്യ ഗ്രൂപ്പിലെ എല്ലാ ഘടകകക്ഷികള്‍ക്കും ഔപചാരികമായി നീക്കാന്‍ അവകാശമുണ്ട്. ‘ഇന്ത്യ സഖ്യത്തിലെ കക്ഷികള്‍ക്ക് ഇത് വളരെ വേദനാജനകമായ തീരുമാനമാണ്, എന്നാല്‍ പാര്‍ലമെന്ററി ജനാധിപത്യത്തിന്റെ താല്‍പ്പര്യം മുന്‍നിര്‍ത്തി ഈ അഭൂതപൂര്‍വമായ നടപടി സ്വീകരിക്കേണ്ടതുണ്ട്. ഈ നിര്‍ദ്ദേശം ഇപ്പോള്‍ രാജ്യസഭയുടെ സെക്രട്ടറി ജനറലിന് സമര്‍പ്പിച്ചു. തിങ്കളാഴ്ചത്തെ സംഭവമാണ് പ്രതിപക്ഷത്തിന്റെ നിര്‍ദേശത്തിന് പിന്നിലെ പ്രധാന കാരണമായി ജയറാം രമേശ് ചൂണ്ടിക്കാട്ടിയത്. വാര്‍ത്താ ഏജന്‍സിയായ എഎന്‍ഐയുമായുള്ള സംഭാഷണത്തില്‍ ജയറാം രമേശ് ആരോപിച്ചു, ”തിങ്കളാഴ്ച പാര്‍ലമെന്ററി കാര്യ മന്ത്രി കിരണ്‍ റിജിജു തന്നെ ചെയര്‍മാന്റെ മുമ്പാകെ പറഞ്ഞത്, നിങ്ങള്‍ ലോക്സഭയില്‍ അദാനി വിഷയം ഉന്നയിക്കുന്നിടത്തോളം ഞങ്ങള്‍ അനുവദിക്കില്ല എന്നാണ്. രാജ്യസഭ പ്രവര്‍ത്തിപ്പിക്കാന്‍, അതില്‍ ചെയര്‍മാന്‍ സാറും ഉള്‍പ്പെട്ടിട്ടുണ്ട്, ചെയര്‍മാന്‍ ഇതില്‍ ഉറച്ചുനില്‍ക്കണം.
പാര്‍ലമെന്റിന്റെ നിലവിലെ സമ്മേളനത്തിന്റെ തുടക്കം മുതല്‍, ഇന്ത്യയിലെ പ്രശസ്ത വ്യവസായി ഗൗതം അദാനിയുടെ വിഷയത്തിലും മറ്റ് പല വിഷയങ്ങളിലും ഭരണപക്ഷവും പ്രതിപക്ഷവും തമ്മില്‍ സഭയില്‍ സ്തംഭനാവസ്ഥയാണ്. ഈ സെഷന്‍ ആരംഭിക്കുന്നതിന് തൊട്ടുമുമ്പ് ഗൗതം അദാനിക്കെതിരെ അമേരിക്കയില്‍ വഞ്ചനാക്കുറ്റം ചുമത്തിയതായി വാര്‍ത്തകള്‍ വന്നിരുന്നു. അന്നുമുതല്‍ കോണ്‍ഗ്രസ് സര്‍ക്കാരിനെതിരെ തുടര്‍ച്ചയായി ആക്രമണം നടത്തുകയാണ്. നേരത്തെയും പല വിഷയങ്ങളിലും അദാനി വിഷയത്തില്‍ കോണ്‍ഗ്രസ് ജെപിസി ആവശ്യപ്പെട്ടിരുന്നു. രാജ്യസഭ രൂപീകരിച്ചിട്ട് 72 വര്‍ഷമായെന്നും ആദ്യമായാണ് രാജ്യസഭാ അധ്യക്ഷനെതിരെ പ്രമേയം സമര്‍പ്പിക്കുന്നതെന്നും ജയറാം രമേശ് പറഞ്ഞു. ബിജെപി എംപിയും പാര്‍ലമെന്ററി കാര്യ മന്ത്രിയുമായ കിരണ്‍ റിജിജുവിന്റെ അഭിപ്രായത്തില്‍ പാര്‍ലമെന്റ് സുഗമമായി നടന്നുകഴിഞ്ഞാല്‍ പിന്നെ എന്തിനാണ് കോണ്‍ഗ്രസ് നാടകം തുടങ്ങിയത്? ഇത്തരം മുഖംമൂടികളും ജാക്കറ്റുകളും ധരിച്ച് വരേണ്ടതിന്റെ ആവശ്യകത എന്താണെന്ന് ഞാന്‍ ഒരിക്കല്‍ കൂടി വ്യക്തമായി പറയുന്നു. അതില്‍ എഴുതിയിരിക്കുന്ന മുദ്രാവാക്യങ്ങള്‍…? ഞങ്ങള്‍ ഇവിടെ വന്നത് രാജ്യത്തെ സേവിക്കാനാണ്, ഇത്തരമൊരു നാടകം കാണാനല്ല, കോണ്‍ഗ്രസ് പാര്‍ട്ടിയും അതിന്റെ ചില സഖ്യകക്ഷികളും നല്‍കിയ നോട്ടീസ് തീര്‍ച്ചയായും തള്ളിക്കളയണമെന്നും തള്ളിക്കളയുമെന്നും’ റിജിജു പറഞ്ഞു.
ഉപരാഷ്ട്രപതിയെ പുറത്താക്കാനുള്ള നടപടികള്‍ ആരംഭിക്കണമെങ്കില്‍ 14 ദിവസം മുമ്പ് അദ്ദേഹത്തിനെതിരെ അവിശ്വാസ പ്രമേയത്തിന് നോട്ടീസ് നല്‍കണമെന്ന് ലോക്സഭാ മുന്‍ സെക്രട്ടറി ജനറലും ഭരണഘടനാ വിദഗ്ധനുമായ പിഡിടി ആചാരി പറഞ്ഞു. ഉപരാഷ്ട്രപതിയെ സ്ഥാനത്തുനിന്നും മാറ്റാനുള്ള നടപടി രാജ്യസഭയില്‍ മാത്രമേ ആരംഭിക്കാന്‍ കഴിയൂ, കാരണം അദ്ദേഹം രാജ്യസഭാ ചെയര്‍മാന്‍ കൂടിയാണ്. ‘ഇതിന് പ്രത്യേക ചട്ടം ഉണ്ടാക്കിയിട്ടില്ല. ഈ സാഹചര്യത്തില്‍ ലോക്സഭാ സ്പീക്കറെ നീക്കം ചെയ്യുന്നതിനും അതേ നിയമങ്ങള്‍ ബാധകമാണ്’ എന്ന് പിഡിടി ആചാരി പറയുന്നു. അവിശ്വാസ പ്രമേയം കൊണ്ടുവരാന്‍ രാജ്യസഭാ ചെയര്‍മാനെതിരെ കൃത്യമായ (നിശ്ചിത) ആരോപണങ്ങള്‍ ഉണ്ടാകണമെന്നും നോട്ടീസ് ലഭിച്ച് 14 ദിവസത്തിന് ശേഷം മാത്രമേ ഈ പ്രമേയം രാജ്യസഭയില്‍ കൊണ്ടുവരാന്‍ കഴിയൂ എന്നും അദ്ദേഹം പറയുന്നു. രാജ്യസഭയിലെ സിറ്റിംഗ് അംഗങ്ങളുടെ കേവലഭൂരിപക്ഷത്തില്‍ ഇത് രാജ്യസഭയില്‍ പാസാക്കിയതിന് ശേഷം ലോക്സഭയും കേവല ഭൂരിപക്ഷത്തോടെ പാസാക്കേണ്ടതുണ്ട്.
പ്രതിപക്ഷത്തിന് എന്ത് നേട്ടമാകും?
ഇന്ത്യയുടെ ഒരു ഉപരാഷ്ട്രപതിയെ നീക്കം ചെയ്യാനുള്ള നടപടി ആരംഭിക്കാന്‍ രാജ്യസഭയില്‍ നിര്‍ദ്ദേശം അയയ്ക്കുന്നത് ഇതാദ്യമാണ്. ഇത്തരമൊരു ഉദ്യമത്തിലൂടെ പ്രതിപക്ഷത്തിന് യാതൊന്നും ലഭിക്കില്ല, കാരണം അത് പാസാക്കാന്‍ കഴിയില്ലെന്നത് വ്യക്തമാണ്. ‘സംവാദം നടത്താന്‍ ഉപരാഷ്ട്രപതിയും അനുവദിക്കണം, ഇതിന് പ്രതിപക്ഷത്തെയും ഒപ്പം കൊണ്ടുപോകണം, ഉപരാഷ്ട്രപതിക്കെതിരെ ഇത്തരം നിര്‍ദ്ദേശങ്ങളുമായി വരുന്നത് ശരിയല്ല, രാജ്യസഭയില്‍ നിന്ന് പുറത്താക്കാന്‍ 14 ദിവസത്തെ നോട്ടീസ്. ചെയര്‍മാന്‍ നല്‍കേണ്ടത് ആവശ്യമാണ്, പക്ഷേ പാര്‍ലമെന്റ് സമ്മേളനം 20 ന് അവസാനിക്കുകയാണ്. ഭരണഘടനാ ലംഘനമാണ് രാഷ്ട്രപതിക്കെതിരെ ഇംപീച്ച്മെന്റ് നടപടിയെടുക്കാനുള്ള കാരണമെന്നും എന്നാല്‍ ഉപരാഷ്ട്രപതിക്ക് അങ്ങനെയൊന്നുമില്ലെന്നും സഭയുടെ വിശ്വാസം നഷ്ടപ്പെട്ടാല്‍ മാത്രമേ അദ്ദേഹത്തെ പുറത്താക്കാന്‍ കഴിയൂവെന്നും വിദഗ്ദര്‍ അഭിപ്രായപ്പെടുന്നു.
