അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഫ്രാന്‍സിലെ മാസാനില്‍ നടന്ന കൂട്ട ബലാത്സംഗ കേസിന്റെ ഇരയായ ഒരു ഫ്രഞ്ച് വനിതയാണ് ഗിസെലെ പെലിക്കോട്ട്. അവര്‍ നേരിട്ട അതിക്രൂര പീഢനങ്ങള്‍ക്കും കൂട്ടബലാല്‍സംഗങ്ങള്‍ക്കും ഇരയായി അതിനെതിരെ ശക്തമായി പോരാടി തന്റെ ഭര്‍ത്താവ് അടക്കമുള്ള കുറ്റവാളികള്‍ക്ക ശിക്ഷ വാങ്ങി നല്‍കിയ ധീര വനിതയാണ് ഇന്ന് ഗിസെലെ പെലിക്കോട്ട്. തന്റെ വ്യക്തിത്വം മറച്ചുവെയ്ക്കാതെ ലോകത്തിനു തന്നെ മാതൃകയായ ഒരു വിധി കുറ്റവാളികള്‍ക്ക് നല്‍കാന്‍ മുന്നോട്ടു വന്ന ഗിസെലെ പെലിക്കോട്ട് ഇന്ന് ഒരു മാതൃകയാണ്, പതിനായിരക്കണക്കിന് സ്ത്രികള്‍ക്ക് ഊര്‍ജ്ജമായി നിലകൊള്ളുന്ന വനിതാ രത്‌നം. സ്ത്രീകളുടെ അവകാശങ്ങള്‍ക്കായുള്ള ഫ്രാന്‍സിന്റെ പോരാട്ടത്തിന്റെ പ്രതീകമായാണ് 72-കാരിയായ ഗിസെലെ പെലിക്കോട്ട് ഇന്ന് അറിയപ്പെടുന്നത്.
60 വയസ്സുള്ള ഗിസെലെ പെലിക്കോട്ടിനെ ബലാത്സംഗം ചെയ്ത കേസില്‍ മുന്‍ ഭര്‍ത്താവ് ഡൊമിനിക് പെല്ലിക്കോട്ട് ഉള്‍പ്പെടെ 50 പ്രതികള്‍ക്ക് ഫ്രഞ്ച് കോടതി വ്യാഴാഴ്ച 20 വര്‍ഷം തടവിന് ശിക്ഷ വിധിച്ചിരുന്നു. അപൂര്‍വ്വങ്ങളില്‍ അപൂര്‍വ്വമായ വിധിന്യായമല്ലെന്നും പ്രതികള്‍ക്ക് അര്‍ഹിച്ച ശിക്ഷ തന്നെയാണ് ലഭിച്ചതെന്നും വിദേശ മാധ്യമങ്ങള്‍ നിരീക്ഷിച്ചു. എന്നാല്‍ ഈ കേസ് ലോകത്തെ നടുക്കിയ ഒന്നാണെന്ന് ഫ്രഞ്ച് കോടതി കോടതി വ്യക്തമാക്കിയിരുന്നു. ഡൊമിനിക് പെല്ലിക്കോട്ട് തന്റെ മകള്‍ കരോളിന്‍, മരുമക്കളായ അറോര്‍, സെലിന്‍ എന്നിവരുടെ അപമര്യാദയായി ഫോട്ടോ എടുത്തതിനും ശിക്ഷിക്കപ്പെട്ടിട്ടുണ്ട്. ഈ കേസിലെ കൂട്ടുപ്രതിയായ ജീന്‍ പിയറി മാര്‍ച്ചലിന് 12 വര്‍ഷത്തെ തടവ് ശിക്ഷ വിധിച്ചു. എന്നാല്‍, 17 വര്‍ഷം തടവ് വേണമെന്നായിരുന്നു പ്രോസിക്യൂട്ടര്‍മാരുടെ ആവശ്യം. ഭാര്യയായ ഗിസെലെ പെലിക്കോട്ടിന് ഭര്‍ത്താവ് ഡൊമിനിക്ക് ഉറക്കഗുളിക നല്‍കുകയും നിരവധി പുരുഷന്മാരുമായി ചേര്‍ന്ന് ലൈംഗികമായി പീഡിപ്പിക്കുകയും ചെയ്‌തെന്നാണ് ഇയാള്‍ക്കെതിരെയുള്ള ആരോപണം. മകളുടേയും രണ്ട് മരുമക്കളുടേയും അശ്ലീല ചിത്രങ്ങള്‍ പകര്‍ത്തിയ കേസിലും ഇയാള്‍ കുറ്റക്കാരനാണെന്ന് കോടതി കണ്ടെത്തി.
മറ്റുള്ളവര്‍ക്കുള്ള ശിക്ഷ എന്താണ്?
ഈ കേസില്‍ കുറ്റക്കാരനാണെന്ന് കണ്ടെത്തിയ ജെര്‍ണ്‍ പിയറിന് 12 വര്‍ഷത്തെ തടവ് ശിക്ഷ വിധിച്ചിട്ടുണ്ട്. ഡൊമിനിക് തന്നെ സ്വാധീനിച്ചെന്നും ഉറക്കഗുളിക നല്‍കി അഞ്ച് വര്‍ഷമായി ഭാര്യയെ ലൈംഗികമായി പീഡിപ്പിച്ചെന്നും ഇയാള്‍ സമ്മതിച്ചു. മാധ്യമപ്രവര്‍ത്തകര്‍, ഡിജെമാര്‍, ഫയര്‍മാന്‍മാര്‍, ലോറി ഡ്രൈവര്‍മാര്‍, സെക്യൂരിറ്റി ഗാര്‍ഡുകള്‍ എന്നിവരടക്കം 50 പേര്‍ കേസില്‍ ഉള്‍പ്പെട്ടിട്ടുണ്ട്. കഴിഞ്ഞ സെപ്റ്റംബറിലാണ് കേസിന്റെ വിചാരണ ആരംഭിച്ചത്. പത്തു വര്‍ഷത്തിലേറെയായി മുന്‍ ഭര്‍ത്താവ് ഡൊമിനിക്കിന്റെ പലതരം പീഡനങ്ങള്‍ അവള്‍ അനുഭവിച്ചു. ഡൊമനിക് ആവര്‍ത്തിച്ച് മയക്കുമരുന്ന് നല്‍കുകയും ലൈംഗികമായി പീഡിപ്പിക്കുകയും ചെയ്യുന്നു. ഈ കുറ്റങ്ങള്‍ വിചാരണയില്‍ ഡൊമിനിക് സമ്മതിച്ചിട്ടുണ്ട്. ഗിസല്ലെയും ഡൊമിനിക്കും താമസിച്ചിരുന്ന വീടിന്റെ പരിസരത്തുള്ള 51 വ്യത്യസ്ത പുരുഷന്മാര് കുറ്റകൃത്യത്തില്‍ പങ്കാളികളാണെന്നാണ് ആരോപണം. 27 നും 74 നും ഇടയില്‍ പ്രായമുള്ള പുരുഷന്മാര്‍ക്ക് ഫ്രഞ്ച് നഗരമായ അവിഗ്‌നനിലെ കോടതിയാണ് വിധി പുറപ്പെടുവിച്ചത്.
എന്താണ് പശ്ചാത്തലം?
2011 നും 2020 നും ഇടയില്‍, ഡൊമിനിക് തന്റെ ഭാര്യ ഗിസെലെയ്ക്കും ഭക്ഷണത്തിലും പാനീയങ്ങളിലും മയക്കമരുന്ന് ചേര്‍ത്തു. ഓണ്‍ലൈനില്‍ കണ്ടുമുട്ടിയ പുരുഷന്മാരെ വീട്ടിലേക്ക് കൊണ്ടുവന്ന് ഡൊമിനിക് ഗിസെലെനയെ ലൈംഗികമായി പീഡിപ്പിക്കുന്നു. തുടര്‍ച്ചയായി അനസ്തെറ്റിക്സ് കഴിച്ചതിനാല്‍ ഗിസെവെയ്ക്ക് ഓര്‍മ്മക്കുറവ് അനുഭവപ്പെടുന്നു. അന്ന് അവര്‍ക്ക് 58 വയസ്സായിരുന്നു, 38 വര്‍ഷമായി ഡൊമിനിക്കിനൊപ്പം. ഇരുവര്‍ക്കും കരോലിന്‍, ഡേവിഡ്, ഫ്‌ലോറിന്‍ എന്നിങ്ങനെ മൂന്ന് മക്കളുണ്ട്. ഫ്രാന്‍സിന്റെ തെക്കന്‍ ഗ്രാമമായ മാസനിലില്‍ തങ്ങളുടെ വിരമിക്കല്‍ ചെലവഴിക്കാന്‍ ദമ്പതികള്‍ പദ്ധതിയിട്ടിരുന്നു. 1970 കളിലാണ് ഇരുവരും ആദ്യമായി കണ്ടുമുട്ടുന്നത്. സാമ്പത്തിക ദൗര്‍ലഭ്യം പോലുള്ള ബുദ്ധിമുട്ടുകള്‍ നേരിട്ടെങ്കിലും 38 വര്‍ഷത്തെ ദാമ്പത്യം ഭാഗ്യകരമായ ഒന്നായി ഗിസെലെ കണക്കാക്കി. എന്നാല്‍ 2011ല്‍ ഗിസെലെ പതിവിലും കൂടുതല്‍ ഉറങ്ങുമായിരുന്നു. തനിക്ക് ചുറ്റും എന്താണ് സംഭവിച്ചതെന്ന് അവര്‍ക്ക് ഓര്‍മ്മയില്ല. ഇന്ന്, ഗിസെലും ഡൊമിനിക്കും മസാനിനടുത്തുള്ള അവിഗ്‌നോണ്‍ കോടതിയില്‍ പരസ്പരം എതിര്‍വശത്ത് ഇരിക്കുന്നു. ഡൊമിനിക് ജയില്‍ വേഷം ധരിച്ചിരിക്കുന്നു. ഗിസെലെ അവളുടെ കുട്ടികളും അഭിഭാഷകരും ചേര്‍ന്ന് ഇരിക്കുന്നു.
2014 വരെ എന്താണ് സംഭവിച്ചത്?
50 വയസിന്റെ തുടക്കത്തില്‍ ഡൊമിനിക് ഓണ്‍ലൈനില്‍ ധാരാളം സമയം ചെലവഴിച്ചു. സെക്സുമായി ബന്ധപ്പെട്ട വെബ്സൈറ്റുകളില്‍ നിരവധി ആളുകളുമായി സംസാരിക്കുക, ലൈംഗികതയുമായി ബന്ധപ്പെട്ട വിവരങ്ങള്‍ പങ്കിടുക തുടങ്ങിയ പ്രവര്‍ത്തനങ്ങളില്‍ അദ്ദേഹം സ്വയം മുഴുകി. ഏകദേശം 2010-2011 കാലഘട്ടത്തില്‍, നഴ്സായി ജോലി ചെയ്യുന്ന ഒരാള്‍ തന്റെ ഭാര്യയുടെ ഫോട്ടോകള്‍ ഡൊമിനിക്കിന് സൈറ്റിലൂടെ അയച്ചു. ഭാര്യയെ മയക്കുമരുന്ന് നല്‍കി ഓര്‍മ നഷ്ടപ്പെടുത്തിയതിനെക്കുറിച്ചുള്ള വിവരങ്ങളും അദ്ദേഹം പങ്കുവച്ചു. ആദ്യം വിമുഖത കാണിച്ചെങ്കിലും, ഡൊമിനിക് തന്റെ ഭാര്യക്ക് അനസ്‌തേഷ്യ നല്‍കി. ഗുളികകള്‍ എങ്ങനെ ശരിയായി ഉപയോഗിക്കണമെന്ന് പഠിച്ച ശേഷം, ഡൊമിനിക് അത് ഗിസെലെയ്ക്ക് നല്‍കുകയും അവളെ ഗാഢനിദ്രയിലേക്ക് ആകര്‍ഷിക്കുകയും ചെയ്തു. സ്വന്തം ഓര്‍മ്മയില്‍ ഒരിക്കലും ധരിക്കാന്‍ ആഗ്രഹിക്കാത്ത വസ്ത്രങ്ങളാണ് ഡൊമിനിക് ഗിസെലെയ്ക്ക് അണിയിച്ചത്. കൂടാതെ, ഡൊമിനിക് ഗിസെലെനിനെ അവളുടെ അറിവില്ലാതെ നിരവധി ലൈംഗിക പ്രവര്‍ത്തനങ്ങളില്‍ ഏര്‍പ്പെടുന്നു. സംഭവങ്ങളെല്ലാം വീഡിയോ ദൃശ്യങ്ങളായി ഇയാള്‍ പകര്‍ത്തിയിട്ടുണ്ട്. തുടക്കത്തില്‍ ഇയാള്‍ മാത്രമാണ് ഇത്തരം കുറ്റകൃത്യങ്ങള്‍ ചെയ്തിരുന്നത്. 2014 ല്‍ അവര്‍ മാസാനിലേക്ക് മാറിയതിനുശേഷം പിന്നീട് തന്റെ പ്രവര്‍ത്തികള്‍ മറ്റൊരു തലത്തിലേക്ക് അയ്യാള്‍ എത്തിച്ചെന്ന് കോടതി നിരീക്ഷിച്ചു.
വീട്ടുകാരുടെ സംശയങ്ങള്‍
ഒരു ഓണ്‍ലൈന്‍ ചാറ്റ് റൂം വഴി ഗിസെലനെ ലൈംഗികമായി ഉപയോഗിക്കാന്‍ ഡൊമിനിക് എല്ലാ പ്രായത്തിലുമുള്ള പുരുഷന്മാരെ ക്ഷണിക്കുന്നു. ഡൊമിനിക് ഇത് വീഡിയോയായി റെക്കോര്‍ഡ് ചെയ്തിട്ടുണ്ട്. കഴിഞ്ഞ 10 വര്‍ഷത്തിനിടെ 71 പുരുഷന്മാര് തന്റെ വീട്ടില്‍ താന്‍ അബോധാവസ്ഥയിലായിരിക്കെ ഇത്തരം പ്രവൃത്തികളില്‍ ഏര്‍പ്പെട്ടിട്ടുണ്ടെന്ന് കോടതി വാദത്തിനിടെ ഗിസെലെ അവകാശപ്പെട്ടു. തുടര്‍ച്ചയായ ലൈംഗിക പീഡനവും അനസ്തെറ്റിക്സ് ചേര്‍ത്ത ഭക്ഷണം കഴിച്ചതും കാരണം അവര്‍ക്ക് കടുത്ത ആരോഗ്യപ്രശ്നങ്ങള്‍ നേരിടേണ്ടി വന്നു. ശരീരഭാരം കുറഞ്ഞു. മുടി കൊഴിഞ്ഞു. അവര്‍ പലപ്പോഴും ബോധരഹിതയായി, വിഷാദത്തിലായിരുന്നു, താന്‍ മരിക്കുമെന്ന് വിശ്വസിച്ചു. അവരുടെ ആരോഗ്യനിലയില്‍ കുടുംബം ആശങ്കാകുലരായിരുന്നു, മക്കള്‍ അവരെ ഫോണില്‍ വിളിക്കുമ്പോഴെല്ലാം ഡൊമിനിക്കാണ് സംസാരിക്കുന്നത്. ഗിസെലെ പകല്‍ ഉറങ്ങുകയാണെന്ന് അയ്യാള്‍ ഞങ്ങളോട് പറയുമായിരുന്നു, പക്ഷേ ഞങ്ങളുടെ വീട്ടില്‍ ഞങ്ങളോടൊപ്പം ആയിരിക്കുമ്പോള്‍ അവള്‍ കൊച്ചുമക്കളോടൊപ്പം ഓടുകയും കളിക്കുകയും ചെയ്യുമായിരുന്നു, അവളുടെ മരുമകന്‍ പിയറി പറയുന്നു.
കാവല്‍ക്കാര്‍ എത്തിയതോടെയാണ് സത്യം പുറത്തായത് ഗിസെലെ സംശയം തോന്നിത്തുടങ്ങി. ഒരു ഘട്ടത്തില്‍, അവര്‍ ഡൊമിനിക്കിനോട് ചോദിക്കുന്നു, ‘എനിക്ക് അനസ്‌തേഷ്യ ഒന്നും തന്നില്ലേ?’ ‘നിനക്കെങ്ങനെ എന്നെ ഇങ്ങനെ സംശയിക്കാന്‍ കഴിഞ്ഞു?’ ഡൊമിനിക് കരഞ്ഞു. അല്‍ഷിമേഴ്സ് മൂലമാണോ അതോ ബ്രെയിന്‍ ട്യൂമറാണോ ഈ അപചയത്തിന് കാരണമെന്ന് ഗിസെലെ ചിന്തിച്ചു. അതിനാല്‍ അവര്‍ വൈദ്യചികിത്സയ്ക്ക് വിധേയനായി. എന്നിരുന്നാലും, അത്തരം പ്രശ്നങ്ങളൊന്നുമില്ലെന്ന് ഫലങ്ങള്‍ കണ്ടെത്തി. മാസാന്റെ പ്രദേശത്ത് നിന്ന് പുറത്തുകടന്നാല്‍ മാത്രമേ അവര്‍ക്ക് സമാധാനമായിരിക്കൂ. അതും ചില നിമിഷങ്ങളില്‍ മാത്രമേ സാധ്യമാകൂ. 2020 സെപ്റ്റംബറില്‍, ഒരു വിദേശയാത്ര കഴിഞ്ഞ് മടങ്ങിയെത്തിയ ശേഷം ഡൊമിനിക് അവരോട് പറഞ്ഞു, ‘ഞാന്‍ ഒരു മണ്ടത്തരം ചെയ്തു. ഒരു സൂപ്പര്‍മാര്‍ക്കറ്റില്‍ സ്ത്രീകളുടെ വസ്ത്രങ്ങള്‍ ചിത്രീകരിക്കുന്നതിനിടയില്‍ ഞാന്‍ പിടിക്കപ്പെട്ടു. ഇതുവരെ സ്ത്രീകളെ കുറിച്ച് മോശമായ വാക്ക് പറഞ്ഞിട്ടില്ലാത്തതിനാല്‍ ഗിസെലിന് ഡൊമിനിക്കിനോട് ദേഷ്യമൊന്നും തോന്നിയില്ല. അങ്ങനെ അവര്‍ ഡൊമിനിക്കിനോട് ക്ഷമിച്ചു. പക്ഷേ, കുറച്ച് സമയത്തിന് ശേഷം ഡൊമിനിക് ഒരു സൂപ്പര്‍മാര്‍ക്കറ്റില്‍ അറസ്റ്റിലായി. ഇയാളില്‍ നിന്ന് രണ്ട് ഫോണുകളും ലാപ്ടോപ്പും പിടിച്ചെടുത്തു. അതില്‍ 20,000 വീഡിയോകളും ഫോട്ടോകളും ഉണ്ടായിരുന്നു. ഗിസെലെനെതിരായ ലൈംഗികാതിക്രമത്തിന്റെ ദൃശ്യങ്ങളും അതില്‍ ഉള്‍പ്പെടുത്തിയിട്ടുണ്ട്.
ശക്തമായ പോലീസ് അന്വേഷണം
‘എനിക്ക് മണിക്കൂറുകളോളം എല്ലാ വീഡിയോകളും കാണേണ്ടിവന്നു. ഇത് വളരെ അസ്വസ്ഥമാണ്. ഇത് തീര്‍ച്ചയായും സ്വാധീനം ചെലുത്തിയിട്ടുണ്ട്,’ വിചാരണ നടത്തിയ സംവിധായകന്‍ ജെറമി ബാസ് ബ്ലോഡിയര്‍ കോടതിയെ അറിയിച്ചു. വീഡിയോയിലുള്ളവരെ തിരിച്ചറിയാനുള്ള ശ്രമത്തിലായിരുന്നു ഇയാളുടെ സംഘം. 54 പേരെ അവര്‍ തിരിച്ചറിഞ്ഞു. 21 പേരുടെ തിരിച്ചറിയല്‍ രേഖ ഇനിയും കണ്ടെത്താനുണ്ട്. 2020 നവംബര്‍ 2-ന്, ഡൊമിനിക്കും ഗിസെലും പോലീസ് സ്റ്റേഷനില്‍ എത്തുന്നു. അവിടെ പോലീസ് സൂപ്പര്‍മാര്‍ക്കറ്റ് പ്രശ്നത്തെക്കുറിച്ച് അന്വേഷിക്കുകയായിരുന്നു. തുടര്‍ന്ന് ഒരു പോലീസുകാരന്‍ ഗിസെലിനെ വിളിച്ച് ചോദ്യം ചെയ്തു. തുടര്‍ന്ന് പോലീസ് രണ്ട് പേരോടൊപ്പമുള്ള ഗിസെലെന്റെ ഫോട്ടോ കാണിച്ചു. അവിടെ ആരൊക്കെയുണ്ടെന്ന് തനിക്കറിയില്ലെന്നും അവര്‍ പറഞ്ഞു. വീട്ടിലെത്തിയ ഗിസെലെ തന്റെ മകനെയും പെണ്‍മക്കളെയും വിളിച്ച് പോലീസ് സ്റ്റേഷനില്‍ നടന്ന കാര്യങ്ങള്‍ വിവരിച്ചു. മൂവരും എത്തി വീട്ടിലെ പലയിടത്തും പരിശോധന നടത്തിയപ്പോള്‍ മകള്‍ കരോളിന്റെ ഫോട്ടോകള്‍ ഇതുപോലെ കാണാന്‍ സാധിച്ചു. കുടുംബചിത്രങ്ങളെല്ലാം നശിപ്പിച്ചതായി ഡേവിഡ് പറയുന്നു. ഡൊമിനിക് കുറ്റം സമ്മതിച്ചു. പോലീസ് സ്റ്റേഷനില്‍ കണ്ടുമുട്ടിയ ശേഷം 2024 ല്‍ അവര്‍ വീണ്ടും കോടതിയില്‍ കണ്ടുമുട്ടി.
ഒരു ആയുസ്സ് മതിയാവില്ല
ഈ കേസ് ലോകമെമ്പാടും വലിയ ഞെട്ടലുണ്ടാക്കി. തന്റെ ഐഡന്റിറ്റി മറച്ചുവെച്ച് വിചാരണ നേരിടാന്‍ ഗിസെലെ വിസമ്മതിച്ചു. ലൈംഗികാതിക്രമത്തിനിരയായ സ്ത്രീകളുടെ ഭാവിയും വ്യക്തിത്വവും പരിഗണിച്ചാണ് ഈ അവകാശം നല്‍കിയിരിക്കുന്നത്. പകരം, ഈ വിചാരണയില്‍ ഗിസെലെ തന്റെ ഐഡന്റിറ്റി വെളിപ്പെടുത്തി. അന്വേഷണത്തിന്റെ സ്വഭാവത്തെക്കുറിച്ച് അവര്‍ പൊതുജനങ്ങളെയും മാധ്യമങ്ങളെയും ബോധവല്‍ക്കരിച്ചു. അവള്‍ അബോധാവസ്ഥയിലാണെന്ന് തങ്ങള്‍ക്കറിയില്ലായിരുന്നുവെന്ന് അന്വേഷണത്തില്‍ നിരവധി പുരുഷന്മാര് പറഞ്ഞതിനാല്‍ അത് ഒരു ‘ആകസ്മിക ബലാത്സംഗ’ കാഴ്ചയായിരുന്നു. എന്നാല്‍ ഗിസെലെന്റെ നിയമസംഘം തിരിച്ചടിക്കുകയും അവരുടെ വീട്ടില്‍ നിന്ന് എടുത്ത വീഡിയോകള്‍ കോടതിയില്‍ സംപ്രേക്ഷണം ചെയ്യുകയും ചെയ്തു. വീഡിയോകള്‍ ഗിസെലെയുടെ അവസ്ഥ വെളിപ്പെടുത്തി. തന്നോട് ചെയ്ത അനീതിയില്‍ നിന്ന് കരകയറാന്‍ തന്റെ ജീവിതകാലം മതിയാകില്ലെന്ന് ഗിസെലെ പറഞ്ഞു.
