അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ചെന്നൈ: സർക്കാർ ജീവനക്കാർക്കും അധ്യാപകർക്കും പ്രത്യേക ബോണസ് പ്രഖ്യാപിച്ച് തമിഴ്നാട് സർക്കാർ. പൊങ്കൽ ആഘോഷത്തോടനുബന്ധിച്ച് ആണ് പ്രഖ്യാപനം. ജനുവരി 14നാണ് പരമ്പരാഗത വിളവെടുപ്പ് ഉത്സവമായ പൊങ്കൽ.
പെൻഷൻ ആനുകൂല്യമുള്ളവർക്കും ബോണസ് ലഭ്യമാകും. സി, ഡി വിഭാഗങ്ങളിലെ സർക്കാർ ജീവനക്കാർക്കും അധ്യാപകർക്കുമാണ് എംകെ സ്റ്റാലിൻ സർക്കാർ പൊങ്കൽ ബോണസ് പ്രഖ്യാപിച്ചത്. സി, ഡി ഗ്രൂപ്പുകളിലെ ജീവനക്കാർക്കും അധ്യാപകർക്കും പരമാവധി 3000 രൂപ ബോണസ് ലഭിക്കുമെന്ന് സർക്കാർ പ്രസ്താവനയിലൂടെ വ്യക്തമാക്കി. 3,000 രൂപവരെ ബോണസ് ലഭിക്കും. പാർട്ട് ടൈം ജീവനക്കാർ, ഒരു സാമ്പത്തിക വർഷത്തിൽ കുറഞ്ഞത് 240 ദിവസമെങ്കിലും ജോലി ചെയ്തവർക്ക് 1,000 രൂപയും ബോണസായി ലഭിക്കും. സി, ഡി വിഭാഗങ്ങളിലെ സർവീസിൽ നിന്ന് വിരമിച്ചവർക്കും, പെൻഷൻകാർക്കും 500 രൂപ വീതം പൊങ്കൽ സമ്മാനവും സർക്കാർ പ്രഖ്യാപിച്ചു. ബോണസ് മുഴുവൻ സമയ, പാർട്ട് ടൈം ജീവനക്കാർക്കും ബാധകമാണ്.
സർക്കാർ ജീവനക്കാർ, അധ്യാപകർ, പെൻഷൻകാർ, ഫാമിലി പെൻഷൻകാർ, വില്ലേജ് മുൻ അഡ്മിനിസ്ട്രേറ്റീവ് ഓഫീസർമാർ (വിഎഒമാർ) എന്നിവർക്ക് പൊങ്കൽ ബോണസ് ലഭിക്കും. മുഖ്യമന്ത്രി എംകെ സ്റ്റാലിനാണ് പൊങ്കൽ ബോണസ് പ്രഖ്യാപിച്ചത്. പൊങ്കൽ ബോണസിനും പ്രത്യേക ശമ്പളത്തിനുമായി സർക്കാർ 163.81 കോടി രൂപയാണ് നീക്കിവച്ചത്. കഴിഞ്ഞ വർഷം പൊങ്കലിന് അഡ്ഹോക് ബോണസ് നൽകാൻ സർക്കാർ തീരുമാനിച്ചിരുന്നു. പൊങ്കൽ പ്രമാണിച്ച് റേഷൻ കണകളിലൂടെ പ്രത്യേക കിറ്റും തമിഴ്നാട് സർക്കാർ വിതരണം ചെയ്യും. ഒരു കിലോ അരി, പഞ്ചസാര, പുളി, കരിമ്പ് ഉൾപ്പെടെയുള്ള 21 ഇന കിറ്റാണ് നൽകുന്നത്.
റേഷൻ കാർഡ് ഉടമകൾക്ക് ഒരു കിലോ അരി, പഞ്ചസാര, പുളി, കരിമ്പ്, 1,000 രൂപ പണമായും മറ്റ് 21 അവശ്യ ഉത്സവ സാമഗ്രികളും അടങ്ങിയ ഹാംപറുകൾ ലഭിക്കും. കിറ്റിൽ ഒരു കിലോ മട്ട അരിയും ഒരു കിലോ പഞ്ചസാരയും ഒരു മുഴുവൻ കരിമ്പും ഉൾപ്പെടുന്നു. പൊങ്കലിന് അഞ്ച് ദിവസം മുൻപ് കിറ്റ് വിതരണം ആരംഭിക്കും. തിരക്ക് ഒഴിവാക്കാൻ റേഷൻ കാർഡ് ഉടമകൾക്ക് പ്രത്യേക ടോക്കണുകൾ വിതരണം ചെയ്തിരുന്നു. ടോക്കണുകൾ ലഭിച്ചവർക്ക് ജനുവരി 9 മുതൽ രാവിലെ 100 പേർക്കും ഉച്ചകഴിഞ്ഞ് 100 പേർക്കും കിറ്റ് വാങ്ങാം. ഓണത്തിന് കേരളത്തിൽ വിതരണം ചെയ്ത കിറ്റിൽ 13 ഇനങ്ങളാണ് ഉണ്ടായിരുന്നത്.
മുൻവർഷങ്ങളിൽ പൊങ്കൽ സമ്മാനപ്പൊതിയിൽ പണവും ഉൾപ്പെടുത്തിയിരുന്നു. ഇത്തവണ ആയിരം രൂപയാണ് നൽകുക. പണം കൈമാറുന്നതിലെ ബുദ്ധിമുട്ട് ഒഴിവാക്കാൻ ഗുണഭോക്താക്കളുടെ ബാങ്ക് അക്കൗണ്ടുകളിലേക്ക് പണം നിക്ഷേപിക്കുന്ന കാര്യം സർക്കാർ ആലോചിച്ചിരുന്നു. കഴിഞ്ഞവർഷം ഒരു കിലോ മട്ട അരി, ഒരു കിലോ പഞ്ചസാര, കരിമ്പ്, 1000 രൂപ എന്നിവയായിരുന്നു സമ്മാനത്തുക.
CONTENT HIGHLIGHT: pongal bonus and 21 essential items food kit
