അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.അഞ്ച് പതിറ്റാണ്ടുകളായി രാജ്യത്തിന് വേണ്ടിയുള്ള സമര്‍പ്പിത സേവനത്തെ സ്മരിച്ചുകൊണ്ട് ഇന്ത്യന്‍ കോസ്റ്റ് ഗാര്‍ഡ് (ICG) അതിന്റെ 49-ാമത് സ്ഥാപക ദിനം നാളെ ആഘോഷിക്കുന്നു. 1977ലെ തുടക്കം മുതല്‍, വെറും ഏഴ് ഉപരിതല പ്ലാറ്റ്ഫോമുകള്‍ ഉപയോഗിച്ചിരുന്ന ICG ഇപ്പോള്‍ 151 കപ്പലുകളും 76 വിമാനങ്ങളും അടങ്ങുന്ന ഒരു വന്‍ ശക്തിയായി വളര്‍ന്നു. 2030ഓടെ, ICG അതിന്റെ ടാര്‍ഗെറ്റ് ഫോഴ്സ് ലെവലായ 200 ഉപരിതല പ്ലാറ്റ്ഫോമുകളും 100 വിമാനങ്ങളും കൈവരിക്കാന്‍ ഒരുങ്ങുകയാണ്.
ഇത് ലോകത്തിലെ പ്രധാന കോസ്റ്റ് ഗാര്‍ഡ് സേവനങ്ങളിലൊന്നായി അതിന്റെ സ്ഥാനം ഉറപ്പിക്കുന്നു. ‘വയം രക്ഷമ’, (ഞങ്ങള്‍ സംരക്ഷിക്കുന്നു) എന്ന മുദ്രാവാക്യം ഉപയോഗിച്ച് കോസ്റ്റ് ഗാര്‍ഡ് ഇന്ത്യയുടെ സമുദ്രമേഖലകളുടെ സംരക്ഷണവും സുരക്ഷയും ഉറപ്പാക്കിയിട്ടുണ്ട്. കഴിഞ്ഞ വര്‍ഷം മാത്രം 169 പേര്‍ ഉള്‍പ്പെടെ ആകെ 11,730ലധികം ജീവന്‍ രക്ഷിക്കാന്‍ സാധിച്ചു. ഓരോ രണ്ടാം ദിവസത്തിലും ഒരു ജീവന്‍ രക്ഷിക്കുക എന്ന അസാധാരണ നേട്ടത്തിലേക്ക് എത്താന്‍ കഴിഞ്ഞു.
തിരച്ചിലിനും രക്ഷാപ്രവര്‍ത്തനത്തിനും ഇന്ത്യയുടെ മേഖലയായ 4.6 ദശലക്ഷം ചതുരശ്ര കിലോമീറ്ററില്‍ കടല്‍ യാത്രക്കാര്‍, മത്സ്യത്തൊഴിലാളികള്‍, കപ്പലുകള്‍ എന്നിവയെ സംരക്ഷിക്കുന്നതില്‍ ICGയുടെ സുപ്രധാന പങ്കിനെയും അചഞ്ചലമായ പ്രതിബദ്ധതെയും എടുത്തുകാണിക്കുന്നു. ഇന്ത്യയുടെ വിശാലമായ സമുദ്രമേഖലയെ നിരീക്ഷിക്കുന്നതിനും സംരക്ഷിക്കുന്നതിനുമായി 55 മുതല്‍ 60 വരെ ഉപരിതല പ്ലാറ്റ്ഫോമുകളും 10 മുതല്‍ 12 വരെ വിമാനങ്ങളും ദിവസവും വിന്യസിച്ചു കൊണ്ട് ICG മുഴുവന്‍ സമയവും ജാഗ്രത പുലര്‍ത്തുന്നുണ്ട്.
ഈ സ്ഥിരമായ സാന്നിധ്യം സമുദ്ര ഗതാഗതത്തിന് സുരക്ഷിതമായ കടല്‍ പാതകള്‍ ഉറപ്പാക്കുകയും സുസ്ഥിരമായ പുരോഗതിയെ പിന്തുണയ്ക്കുകയും ചെയ്യുന്നു. തിരച്ചിലിനും രക്ഷാപ്രവര്‍ത്തനത്തിനും പുറമേ, കടലിലെ നിയമവിരുദ്ധ പ്രവര്‍ത്തനങ്ങള്‍ തടയുന്നതിലും പ്രതിരോധിക്കുന്നതിലും ICG നിര്‍ണായക പങ്ക് വഹിക്കുന്നുണ്ട്. ആന്‍ഡമാന്‍ കടലില്‍ 6,016 കിലോഗ്രാം മയക്കുമരുന്ന് പിടികൂടിയ റെക്കോര്‍ഡ് ഉള്‍പ്പെടെ 52,560.96 കോടി രൂപയുടെ കള്ളക്കടത്ത് പിടിച്ചെടുത്തു.
ഗുജറാത്തിലെ ASNA ചുഴലിക്കാറ്റില്‍ രക്ഷാപ്രവര്‍ത്തനം, ഗുജറാത്തിലെയും വയനാട്ടിലെയും വെള്ളപ്പൊക്കത്തിലെ രക്ഷാപ്രവര്‍ത്തനം, സങ്കീര്‍ണ്ണമായ രാത്രികാല മെഡിക്കല്‍ ഒഴിപ്പിക്കല്‍ പ്രവര്‍ത്തനങ്ങള്‍ ഏകോപിപ്പിക്കുക എന്നീ ദുരിതാശ്വാസ- രക്ഷാ പ്രവര്‍ത്തനങ്ങളിലൂടെ ICG കഴിവ് തെളിയിച്ചിട്ടുണ്ട്. ഇന്ത്യന്‍ ജലത്തില്‍ എണ്ണ ചോര്‍ച്ച പ്രതികരണത്തിനുള്ള നിയുക്ത അതോറിറ്റി എന്ന നിലയില്‍, ICG യുടെ സജീവമായ സമീപനം സമുദ്ര പരിസ്ഥിതി സംരക്ഷണത്തിലേക്ക് വ്യാപിക്കുന്നു.
സമുദ്ര പരിസ്ഥിതി സംരക്ഷണം, പ്രാദേശിക, സംസ്ഥാന തലത്തിലുള്ള അഭ്യാസങ്ങളുടെ പരമ്പര ഉള്‍പ്പെടെയുള്ള പ്രധാന ദേശീയ അഭ്യാസങ്ങള്‍ക്കും ICG നേതൃത്വം നല്‍കി, അതിന്റെ തയ്യാറെടുപ്പ് കൂടുതല്‍ മെച്ചപ്പെടുത്തുന്നു. ഇന്ത്യാ ഗവണ്‍മെന്റിന്റെ സ്വച്ഛ് ഭാരത് അഭിയാന്‍ അനുസരിച്ച്, ICG 2024 സെപ്തംബര്‍ 21 ന് അന്താരാഷ്ട്ര തീരദേശ ശുചീകരണ ദിനം സംഘടിപ്പിച്ചു, തീരദേശ സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലും വൃത്തിയും പരിസ്ഥിതി സംരക്ഷണവും പ്രോത്സാഹിപ്പിക്കുന്നതിനുള്ള ശ്രമങ്ങളെ അണിനിരത്തി.
ഐസിജിയുടെ സ്വാശ്രയത്വത്തിനും ആധുനികവല്‍ക്കരണത്തിനുമുള്ള പ്രതിബദ്ധത തദ്ദേശീയമായ കഴിവുകളെ തുടര്‍ച്ചയായി സ്വീകരിക്കുന്നതിലൂടെ പ്രകടമാണ്. മേക്ക് ഇന്‍ ഇന്ത്യ സംരംഭത്തിന് കീഴില്‍, അത്യാധുനിക എയര്‍ കുഷന്‍ വാഹനങ്ങള്‍, നൂതന വാര്‍ത്താവിനിമയ സംവിധാനങ്ങള്‍, ന്യൂ ജനറേഷന്‍ പട്രോള്‍ വെസലുകള്‍, ഹെലികോപ്റ്ററുകള്‍ എന്നിവയ്ക്കായി കരാറില്‍ ഒപ്പുവച്ചു. മള്‍ട്ടി-മിഷന്‍ മാരിടൈം എയര്‍ക്രാഫ്റ്റ്, ഡോര്‍ണിയറുകള്‍, അധിക ഹെലികോപ്റ്ററുകള്‍ എന്നിവയുടെ സംഭരണത്തിന് അംഗീകാരം ലഭിച്ചു,
ഉയര്‍ന്നുവരുന്ന സമുദ്ര ഭീഷണികളോട് പ്രതികരിക്കാനുള്ള ഐസിജിയുടെ കഴിവ് വര്‍ധിപ്പിക്കുന്നു. നാവിക കപ്പല്‍നിര്‍മ്മാണത്തിനായി മുന്‍നിര ഇന്ത്യന്‍ നിര്‍മ്മാതാക്കളുമായി ഐസിജി സഹകരിച്ച്, സമുദ്ര സുരക്ഷയ്ക്കും സംരക്ഷണത്തിനും ഉയര്‍ന്ന നിലവാരമുള്ള സേവനം ഉറപ്പാക്കുന്നു. കൂടാതെ, അടിസ്ഥാന സൗകര്യ വികസനത്തിന്റെ ഭാഗമായി രാജ്യത്ത് 1000 മീറ്ററിലധികമുള്ള ജെട്ടിയുടെ നിര്‍മ്മാണം നടക്കുന്നു. സാങ്കേതിക മുന്നേറ്റങ്ങള്‍ ഉള്‍ക്കൊണ്ട്, ഉദ്യോഗസ്ഥര്‍ക്കുള്ള മെഡിക്കല്‍ പരിശോധനകളും
ഇ-ഹെല്‍ത്ത് റെക്കോര്‍ഡുകളും കാര്യക്ഷമമാക്കുന്നതിനായി ICG ഓട്ടോമേഷന്‍ ഓഫ് സര്‍വീസ് ഹെല്‍ത്ത് കെയര്‍ അഡ്മിനിസ്‌ട്രേഷന്‍ (ആശ) ആപ്പ് പുറത്തിറക്കി. ഡിജിറ്റല്‍ കോസ്റ്റ് ഗാര്‍ഡ് സംരംഭത്തിന്റെ ഭാഗമായി ടയര്‍-III ഡാറ്റാ സെന്ററിന് അടിത്തറ പാകി, അതിന്റെ സാങ്കേതിക അടിസ്ഥാന സൗകര്യങ്ങള്‍ മെച്ചപ്പെടുത്തുന്നു. ചെന്നൈയിലെ മാരിടൈം റെസ്‌ക്യൂ കോര്‍ഡിനേഷന്‍ സെന്റര്‍, പുതുച്ചേരിയിലെ കോസ്റ്റ് ഗാര്‍ഡ് എയര്‍ എന്‍ക്ലേവ് തുടങ്ങിയ പുതിയ സൗകര്യങ്ങള്‍ സ്ഥാപിക്കുന്നത് ഇന്ത്യന്‍ മഹാസമുദ്ര മേഖലയിലെ ഐസിജിയുടെ പ്രതികരണ ശേഷിയെ കൂടുതല്‍ ശക്തിപ്പെടുത്തുന്നു.
രാജ്യത്തിന് തുടര്‍ച്ചയായ സമുദ്ര സുരക്ഷയും സംരക്ഷണവും ഉറപ്പാക്കുന്നു. 49-ാമത് റൈസിംഗ് ദിനത്തില്‍, ഇന്ത്യന്‍ കോസ്റ്റ് ഗാര്‍ഡിന്റെ ശ്രദ്ധേയമായ നേട്ടങ്ങളും ഇന്ത്യയുടെ സമുദ്ര താല്‍പ്പര്യങ്ങള്‍ സംരക്ഷിക്കുന്നതില്‍ അത് വഹിക്കുന്ന സുപ്രധാന പങ്കും തിരിച്ചറിഞ്ഞ് രാഷ്ട്രപതി, വൈസ് പ്രസിഡന്റ്, പ്രധാനമന്ത്രി, പ്രതിരോധ മന്ത്രി എന്നിവര്‍ അവരുടെ ഹൃദയംഗമമായ അഭിനന്ദനങ്ങള്‍ അറിയിച്ചു.
CONTENT HIGH LIGHTS; INDIAN COAST GUARD DAY TOMORROW: INDIAN COAST GUARD DAY: INDIAN COAST GUARD DAY has saved more than 11,730 lives; In 20230, it will become the main coast guard force in the world
