അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
നമ്മുടെ ശരീരത്തിന്റെ പ്രവർത്തനത്തിന് ആവശ്യമായ ഒരു ജീവകമാണ് വിറ്റമിൻ ബി 12. നാഡികളുടെ ആരോഗ്യത്തിനും ചുവന്ന രക്താണുക്കളുടെ ഉല്പ്പാദനത്തിനും തലച്ചോറിന്റെ ശരിയായ പ്രവര്ത്തനത്തിനും വിറ്റാമിന് ബി-12 ആവശ്യമാണ്.എന്നാൽ ഇന്ന് മിക്ക ആളുകളേയും അലട്ടുന്ന പ്രധാനപ്രശ്നമാണ് വിറ്റമിൻ ബി 12 ന്റെ അഭാവം.
ശരീരത്തിന് ആവശ്യമായ അളവിൽ ഇ വിറ്റമിൻ ലഭിച്ചില്ലെങ്കില് അത് പല ആരോഗ്യ പ്രശ്നങ്ങള്ക്കും കാരണമാകും. എന്നാൽ ഇതിന്റെ ലക്ഷണങ്ങള് വളരെ പതിയെ മാത്രമേ പ്രകടമാകൂ എന്നതും ഈ ആരോഗ്യ പ്രശ്നങ്ങള് വിറ്റാമിന് ബി-12 കുറവ് കൊണ്ടാണെന്ന് അത്ര വേഗം കണ്ടുപിടിക്കാന് കഴിയാത്തതും ആശങ്കയുണ്ടാക്കുന്നു. വിറ്റമിൻ ബിയുടെ അഭാവം നിങ്ങളുടെ മാനസികാവസ്ഥ,ഊർജ്ജം എന്നിവയെ ബാധിച്ചേക്കാം.അതുപോലെ ഇത് ഞരമ്പ്കളുടേയും രക്തകോശങ്ങളുടേയും പ്രവർത്തനത്തിൽ പ്രധാന പങ്ക് വഹിക്കുന്നുണ്ട്. അത്കൊണ്ട് തന്നെ ഈ വിറ്റമിനുകളുടെ അഭാവം രക്തകോശങ്ങളുടെ ഉദ്പാതനത്തെ ബാധിച്ചേക്കാം. എന്നാൽ വിറ്റമിൻ ബി12 ന്റെ അഭാവം ഉണ്ടോയെന്ന് ഈ ലക്ഷണങ്ങളിലൂടെ തിരിച്ചറിയാൻ പറ്റും.
ഹൃദയമിടിപ്പിലെ വ്യതിയാനം ചിലപ്പോൾ വിറ്റമിൻ ബി-12 ന്റെ കുറവിനെ കാണിക്കുന്നതാകാം. വളരെ വേഗത്തിലോ സാധാരണ രീതിയിലല്ലാതെയോ ആണ് നിങ്ങളുടെ ഹൃദയമിടിപ്പെങ്കിൽ വിറ്റമിൻ ബിയുടെ അഭാവമാണോയെന്ന് പരിശോധിക്കാം. വിറ്റാമിന് ബി-12 കുറയുന്നത് രക്തത്തിലെ ഓക്സിജന് വിതരണം കുറയ്ക്കുന്നു. ഇത് മൂലം ഹൃദയത്തിന് ഓക്സിജന് പമ്പ് ചെയ്യാന് കൂടുതല് അധ്വാനിക്കേണ്ടി വരുന്നു. ഇത് ഹൃദയമിടിപ്പ് വേഗത്തിലാക്കുന്നു.
കയ്യിലും കാലിലും തരിപ്പോ മരവിപ്പോ അനുഭവപ്പെടുന്നതും ഈ വിറ്റമിൻരെ കുറവ് മൂലമാകാം. നാഡീകോശങ്ങളുടെ ആരോഗ്യത്തിന് വളരെ അനിവാര്യമാണ് വിറ്റാമിന് ബി-12. ഇതിന്റെ കുറവ് മൂലം നാഡികള് ശരിയായ രീതിയില് പ്രവര്ത്തിക്കാത്തത് കൈകാലുകളിലെ തരിപ്പിന് കാരണമാകുന്നത്.
വിറ്റാമിന് ബി-12 കുറയുമ്പോള് വേണ്ടത്ര ചുവന്ന രക്താണുക്കള് ഉല്പ്പാദിപ്പിക്കാന് ശരീരത്തിന് ബുദ്ധിമുട്ടാകും. അതിനാൽ വിറ്റമിൻ ബി കുറയുമ്പോൾ ചർമ്മം മഞ്ഞനിറത്തിലോ വിളർച്ചയുള്ളതായോ കാണപ്പെടാം. മറ്റുള്ളവരില് നിന്ന് വ്യത്യസ്തമായി എപ്പോഴും തണുപ്പ് അനുഭവപ്പെടുന്നതും ഒരു സൂചനയാണ്. വിറ്റാമിന് ബി-12ന്റെ കുറവ് മൂലം കോശങ്ങളിലേക്കും അവയവങ്ങളിലേക്കം രക്തത്തിലൂടെ ഓക്സിജന് എത്തുന്നത് കുറയും. ഓക്സിജന് ലെവല് കുറയുന്നതിനാല് മറ്റുള്ളവരേക്കാള് തണുപ്പ് കൂടുതല് അനുഭവപ്പെടുകയും ചെയ്യും. അത്പോലെ തന്നെ ഇടയ്ക്കിടെ വായ്പ്പുണ്ണ് ഉണ്ടാകുന്നത് വിറ്റാമിന് ബി-12ന്റെ കുറവ് മൂലമാകാം. മോണയിലോ കവിളിനുള്ളിലോ വേദനയേറിയ അള്സറുകള് ഉണ്ടാകാം. വായ്പ്പുണ്ണ് ഉണങ്ങാനുള്ള കാലതാമസവും ഇടക്കിടെ വായ്പ്പുണ്ണ് ഉണ്ടാകുന്നതും വിറ്റാമിന് ബി-12 കുറവിനെ സൂചിപ്പിക്കുന്നു.
ഇത്തരത്തിൽ എന്തെങ്കിലും ലക്ഷണങ്ങൾ കാണുകയാണെങ്കിൽ വിദഗ്ദ പരിശോധന തേടി ചികിത്സയെടുക്കേണ്ടതാണ്.
