അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കേരളത്തില്‍ വ്യാപകമായി തുടരുന്ന തീവ്ര മഴയിലും കാറ്റിലും വൈദ്യുതി മേഖലക്ക് കനത്ത നാശനഷ്ടമാണുണ്ടായിട്ടുള്ളത്. ഉന്നത വോള്‍ട്ടതയിലുള്ള ലൈനുകള്‍ക്കു വരെ നാശമുണ്ടായിട്ടുണ്ട്. മരങ്ങള്‍ കടപുഴകി വീണും മരക്കൊമ്പുകള്‍ ഒടിഞ്ഞു വീണും നൂറുകണക്കിന് വൈദ്യുതി പോസ്റ്റുകള്‍ ഒടിയുകയും ലൈനുകള്‍ തകരുകയും ചെയ്തു. പ്രകൃതി ദുരന്തം വരുത്തിയ പ്രതിബന്ധങ്ങള്‍ വകവയ്ക്കാതെ കെ.എസ്.ഇ.ബി ജീവനക്കാര്‍ പൂര്‍ണ്ണമായും കര്‍മ്മനിരതരാണ്. സമയബന്ധിതമായ ഇടപെടലുകളിലൂടെ അപകടങ്ങള്‍ ഒഴിവാക്കാനും യുദ്ധകാലാടിസ്ഥാനത്തില്‍ വൈദ്യുതി
പുന:സ്ഥാപിക്കുവാനുമുള്ള അശ്രാന്തപരിശ്രമം നടന്നുവരുന്നു. പലയിടത്തും വെള്ളപ്പൊക്കത്തെ തുടര്‍ന്ന് പൊതുജനങ്ങള്‍ക്ക് സുരക്ഷാ ഭീഷണിയുള്ളതിനാല്‍ നിരവധി ഹൈ ടെന്‍ഷന്‍ ലൈനുകളും ട്രാന്‍സ്‌ഫോര്‍മറുകളും ഓഫ് ചെയ്ത് വയ്‌ക്കേണ്ട സ്ഥിതിയുണ്ട്. വൈദ്യുതി തടസ്സമുണ്ടാകുമ്പോള്‍ ഒരു പ്രദേശമാകെ വെളിച്ചമെത്തിക്കുന്ന 11കെ വി ലൈനിലെ തകരാറുകള്‍ പരിഹരിക്കുന്നതിനാണ് കെ എസ് ഇ ബി മുന്‍ഗണന നല്‍കുക. തുടര്‍ന്ന് ഉപഭോക്താക്കള്‍ക്ക് വൈദ്യുതി എത്തിക്കുന്ന ലോ ടെന്‍ഷന്‍ ലൈനുകളിലെ തകരാറുകളായിരിക്കും പരിഹരിക്കുക. ശേഷം മാത്രമായിരിക്കും വ്യക്തിഗതപരാതികള്‍ പരിഹരിക്കുക.
മാന്യ ഉപഭോക്താക്കളുടെ എല്ലാ പരാതികളും സമയബന്ധിതമായി പരിഹരിക്കുവാന്‍ കെ.എസ്.ഇ.ബി ജീവനക്കാര്‍ പരിശ്രമിക്കുന്നുണ്ട്. ഈ സവിശേഷ സാഹചര്യം മനസ്സിലാക്കി മാന്യ ഉപഭോക്താക്കള്‍ സഹകരിക്കണമെന്ന് അഭ്യര്‍ത്ഥിക്കുന്നു. കാലവര്‍ഷക്കെടുതിയുടെ ഭാഗമായി വൃക്ഷങ്ങള്‍ വൈദ്യുതി ലൈനുകളില്‍ വീഴാനും അതുവഴി ലൈന്‍ പൊട്ടിവീഴാനും സാധ്യതയുണ്ട്. ഇന്നലെ മാത്രം മൂന്ന് ജീവനുകളാണ് വൈദ്യുതാഘാതമേറ്റ് നഷ്ടമായത്. ഈ സാഹചര്യത്തില്‍ പൊതുജനങ്ങള്‍ തികഞ്ഞ ജാഗ്രത പുലര്‍ത്തണം.
ഇത്തരത്തില്‍ വൈദ്യുതി അപകടങ്ങളോ അപകട സാധ്യതകളോ ശ്രദ്ധയില്‍പ്പെട്ടാല്‍ ഉടന്‍തന്നെ അതത് കെ എസ് ഇ ബി സെക്ഷന്‍ ഓഫീസിലോ, പ്രത്യേക എമര്‍ജന്‍സി നമ്പറായ 94 96 01 01 01 ലോ അറിയിക്കേണ്ടതാണ്. ഓര്‍ക്കുക ഇത് അപകടം അറിയിക്കാന്‍ മാത്രമുള്ള നമ്പരാണ്. വൈദ്യുതി തടസ്സം സംബന്ധിച്ച പരാതികള്‍ കെ.എസ്.ഇ.ബിയുടെ ടോള്‍ഫ്രീ കസ്റ്റമര്‍കെയര്‍ നമ്പരായ 1912ല്‍ വിളിച്ചോ 9496 00 1912 എന്ന നമ്പരില്‍ വിളിച്ച്/വാട്‌സാപ് സന്ദേശമയച്ചോ രേഖപ്പെടുത്താവുന്നതാണ്.
കനത്ത കാറ്റും മഴയും കാരണം വൈദ്യുതി ശൃംഖലയ്ക്ക് വ്യാപക നാശനഷ്ടമുണ്ടായ സാഹചര്യത്തില്‍ വൈദ്യുതി പുന:സ്ഥാപന പ്രവര്‍ത്തനങ്ങള്‍ ഏകോപിപ്പിക്കാന്‍ ഇലക്ട്രിക്കല്‍ സര്‍ക്കിള്‍ തലത്തില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമുകള്‍ ആരംഭിച്ചു. അതത് സര്‍ക്കിള്‍ പരിധിയില്‍ വരുന്ന ഉപഭോക്താക്കള്‍ക്ക് കണ്‍ട്രോള്‍ റൂം നമ്പരിലേക്ക് വിളിച്ച് പരാതി അറിയിക്കാന്‍ കഴിയും.
കണ്‍ട്രോള്‍ റൂം നമ്പരുകള്‍ ഇതാണ്
- തിരുവനന്തപുരം – 9496018377
- കാട്ടാക്കട – 9446008042
- കൊല്ലം – 9496018381 / 9496018384
- കൊട്ടാരക്കര – 9446009127 / 0474 2454558
- പത്തനംതിട്ട – 9446009451
- കോട്ടയം – 9496008063
- പാല – 9496008230
- ഹരിപ്പാട് – 9496008509
- ആലപ്പുഴ – 9496008413
- എറണാകുളം – 9496008862
- പെരുമ്പാവൂര്‍ – 9496008865
- തൊടുപുഴ – 9496009265
- തൃശ്ശൂര്‍ – 9496009601
- ഇരിങ്ങാലക്കുട – 9496009439
- പാലക്കാട് – 9496009936
- ഷൊര്‍ണ്ണൂര്‍ – 9496010094
- നിലമ്പൂര്‍ – 9496012466
- തിരൂര്‍ – 9496010418
- മഞ്ചേരി – 9496010273
- കോഴിക്കോട് – 9496010692
- വടകര – 9496010849
- കല്‍പ്പറ്റ – 9496010625
- കണ്ണൂര്‍ – 9496011176
- ശ്രീകണ്ഠാപുരം – 9496018618
- കാസര്‍കോട് – 9496011431
CONTENT HIGH LIGHTS; Don’t ignore warnings!!: Circle-level control rooms to resolve KSEB’s complaints; Heavy rain continues, causing heavy losses to the department
