അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ശ്രീ നഗര്‍: തെരഞ്ഞെടുപ്പ് കമീഷൻ നിര്‍ദേശിക്കുന്ന സമയത്ത് ജമ്മു കശ്മീരില്‍ തെരഞ്ഞെടുപ്പ് നടത്താൻ തയാറാണെന്ന് ജമ്മു കശ്മീര്‍ ലഫ്റ്റനന്റ് ഗവര്‍ണര്‍ മനോജ് സിൻഹ.തെരഞ്ഞെടുപ്പ് വിജയകരമായി പൂര്‍ത്തിയാക്കിയതിന് ശേഷമേ താൻ കശ്മീരില്‍ നിന്ന് പോകൂവെന്നും അദ്ദേഹം വ്യക്തമാക്കി. തെരഞ്ഞെടുപ്പിനെ കുറിച്ച്‌ തെറ്റായ വിവരങ്ങള്‍ പ്രചരിപ്പിക്കുന്നതില്‍ ചില രാഷ്ട്രീയ നേതാക്കളെ മനോജ് സിൻഹ വിമര്‍ശിച്ചു.
“തെരഞ്ഞെടുപ്പ് കമീഷൻ ആവശ്യപ്പെട്ട വിവരങ്ങള്‍ അവര്‍ക്ക് സമര്‍പ്പിച്ചിട്ടുണ്ട്. കമീഷൻ ആവ‍ശ്യപ്പെടുന്ന സമയത്ത് ജമ്മു കശ്മീരില്‍ തെരഞ്ഞെടുപ്പ് നടത്താൻ തയാറാണ്. ജമ്മു കശ്മീരിന്‍റെ മേലുള്ള രാജ്യത്തിന്റെ ഭരണഘടനാപരമായ അവകാശം സ്ഥാപിക്കപ്പെട്ടുവെന്ന് ഉറപ്പാക്കുകയായിരുന്നു എന്റെ ചുമതല. അത് സ്ഥാപിക്കപ്പെട്ടു” – മനോജ് സിൻഹ പറഞ്ഞു.
സംസ്ഥാനത്ത് തീവ്രവാദത്തിന് സ്ഥാനമില്ലെന്നും ഭീകര സംഘടനകളുടെ മുൻനിര കമാൻഡര്‍മാരെ വധിച്ചിട്ടുണ്ടെന്നും ബാക്കിയുള്ളവരെ ഉടൻ വധിക്കുമെന്നും മനോജ് സിൻഹ പറഞ്ഞു. സൈന്യവും സി.ആര്‍.പി.എഫും പൊലീസും തമ്മില്‍ മികച്ച ഏകോപനമാണുള്ളത്. എന്നാല്‍, ജവാൻമാര്‍ക്ക് രക്തസാക്ഷികളാകേണ്ടി വന്നിട്ടുണ്ടെന്നും അതിന് പ്രതികാരം ചെയ്യുമെന്നും ലഫ്റ്റനന്റ് ഗവര്‍ണര്‍ കൂട്ടിച്ചേര്‍ത്തു.
