അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഗുവാഹത്തി: ഭാരത് ജോഡോ ന്യായ് യാത്രയെന്ന പേരില്‍ വിനോദയാത്രയാണ് കോണ്‍ഗ്രസ് നേതാവ് രാഹുല്‍ ഗാന്ധി നടത്തുന്നതെന്ന പരിഹാസവുമായി അസം മുഖ്യമന്ത്രി ഹിമന്ത ബിശ്വ ശർമ്മ. ന്യായ് യാത്ര കടന്നു പോകുന്ന സ്ഥലങ്ങളിലെല്ലാം കോണ്‍ഗ്രസ് തകരുകയാണ്. ഇപ്പോള്‍ യാത്ര യു.പിയിലാണ് ഉള്ളത്. അവിടെ അഖിലേഷ് യാദവും കോണ്‍ഗ്രസും തമ്മില്‍ അഭിപ്രായഭിന്നതകളുണ്ടെന്നും അദ്ദേഹം പറഞ്ഞു.
പ്രധാനമന്ത്രി എന്താണ് ചെയ്തതെന്ന് രാഹുല്‍ ചോദിക്കുന്നു. രാഹുല്‍ ഗാന്ധിയും പ്രിയങ്ക ഗാന്ധിയും റോഡ് ഷോ നടത്തുന്നത് മോദി നിർമിച്ച ദേശീയപാതയിലാണ്. നുണയെന്ന വാക്കല്ലാതെ രാഹുല്‍ ഗാന്ധി ഇതുവരെ ഒന്നും പഠിച്ചിട്ടില്ല. ആദ്യത്തെ തവണ രാഹുല്‍ വിനോദസഞ്ചാരയാത്ര പോയപ്പോള്‍ മൂന്ന് സംസ്ഥാനങ്ങളിലാണ് കോണ്‍ഗ്രസ് തോറ്റതെന്ന് ഹിമന്ത ബിശ്വ ശർമ്മ പരിഹസിച്ചു. ഇത്തവണത്തെ യാത്ര കഴിയുമ്ബോള്‍ രാജ്യം മുഴുവൻ കോണ്‍ഗ്രസിന് നഷ്ടമാകുമെന്ന് അദ്ദേഹം പറഞ്ഞു.
Read more :
- ‘മോദിയുടെ ഗ്യാരൻ്റിയിൽ ‘ ജാതീയത; സൂരേന്ദ്രൻ്റെ പദയാത്ര വിവാദത്തിൽ; ബഹിഷ്ക്കരിച്ച് ബിഡിജെഎസ്
- രക്തരൂക്ഷിതമായ ചരിത്രം പറയുന്ന മാതൃഭാഷാ ദിനം; ഹിന്ദുത്വ ഭാഷാ ദേശീയതയുടെ കാലത്ത് ഫെബ്രുവരി 21ൻ്റെ പ്രസക്തി
- ഭക്ഷണത്തിന് വരിനിന്നവർക്ക് നേരെ ഇസ്രായേൽ വെടിവെപ്പ്
- കർഷകർ ‘ദില്ലി ചലോ’ മാർച്ചുമായി ഇന്നു വീണ്ടും മുന്നോട്ട്
- അന്താരാഷ്ട്ര കോടതിയിൽ ഇസ്രായേലിനെതിരെ രൂക്ഷ വിമർശനങ്ങൾ ഉന്നയിച്ച് രാജ്യങ്ങൾ
ഭാരത് ജോഡോ യാത്രക്കിടെ നിരവധി തവണ രാഹുല്‍ ഗാന്ധിയെ ഹിമന്ത ബിശ്വ ശർമ്മ വിമർശിച്ചിരുന്നു. അസമില്‍വെച്ച്‌ ജോഡോ യാത്രക്ക് നേരെ ബി.ജെ.പിയുടെ ആക്രമണം ഉണ്ടാവുകയും ചെയ്തിരുന്നു. വിജയ് സങ്കല്‍പ്പ് യാത്രയില്‍ പങ്കെടുത്ത് സംസാരിക്കുമ്ബോഴാണ് ഹിമന്ത ബിശ്വ ശർമ്മ രാഹുല്‍ ഗാന്ധിയെ വിമർശിച്ചത്.
