അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ധനുഷ്, നാഗാര്ജുന, രശ്മിക മന്ദാന എന്നിവരെ കേന്ദ്ര കഥാപാത്രങ്ങളാക്കി ശേഖര് കമ്മുല സംവിധാനം ചെയ്യുന്ന ചിത്രമാണ് ‘കുബേര’. തമിഴിലും തെലുങ്കിലും ഒരേ സമയം റിലീസിനൊരുങ്ങുന്ന സിനിമയുടെ പ്രമോഷന് പരിപാടികളും നടക്കുകയാണ്. ഇപ്പോഴിതാ വേദിയില് നാഗാര്ജുന രശ്മിക മന്ദാനയെക്കുറിച്ച് പറയുന്ന വക്കുകളാണ് ശ്രദ്ധ നേടുന്നത്.
നാഗാര്ജുനയുടെ വാക്കുകള്…..
‘കഴിവിന്റെ പവര് ഹൗസ് ആണ് രശ്മിക. കഴിഞ്ഞ വര്ഷങ്ങളിലായി അവര് അഭിനയിച്ച സിനിമകളും അവയുടെ തിരഞ്ഞെടുപ്പും ഗംഭീരമാണ്. ഞങ്ങളില് ആര്ക്കും 2000 , 3000 കോടി ക്ലബ്ബുകള് ഇല്ല. പക്ഷെ രശ്മികയ്ക്ക് ഉണ്ട്. ഞങ്ങളെ എല്ലാവരെയും രശ്മിക കടത്തിവെട്ടി. നിങ്ങളുടെ കൂടെ വര്ക്ക് ചെയ്യാന് സാധിച്ചതില് വളരെ സന്തോഷമുണ്ട്. ഞാന് ഈ സിനിമയുടെ ഡബ്ബിങ് കണ്ടിരുന്നു. നല്ല കഴിവുള്ള നടിയാണ്. എല്ലാവരയെയും ഈ സിനിമയിലൂടെ അവര് ചിരിപ്പിക്കും എന്ന് ഉറപ്പാണ്’.
“None of us are ₹2000 or ₹3000 crore guys. She is the one – #RashmikaMandanna” pic.twitter.com/TiZSwXBa9t
— Gulte (@GulteOfficial) June 10, 2025
രശ്മിക നായികയായെത്തിയ അല്ലു അര്ജുന് ചിത്രം പുഷ്പ 2 2000 കോടി ക്ലബ്ബില് ഇടം നേടിയിരുന്നു. സന്ദീപ് റെഡ്ഡി വാങ്ക സംവിധാനത്തില് എത്തിയ അനിമല് എന്ന ചിത്രത്തിലും രശ്മിക ആയിരുന്നു നായിക. ഈ സിനിമയും 1000 കോടി ക്ലബ്ബില് ഇടം നേടിയിരുന്നു.
ശേഖര് കമ്മുലയാണ് ചിത്രത്തിന്റെ സംവിധാനം നിര്വ്വഹിച്ചിരിക്കുന്നത്.
ശ്രീ വെങ്കിടേശ്വര സിനിമാസ് എല്എല്പി, അമിഗോസ് ക്രിയേഷന്സ് പ്രൈവറ്റ് ലിമിറ്റഡ് എന്നീ ബാനറുകളുടെ കീഴില് സുനില് നാരംഗ്, പുഷ്കര് രാം മോഹന് റാവു എന്നിവരാണ് കുബേര നിര്മിക്കുന്നത്. ഒരു പാന് ഇന്ത്യന് മിത്തോളജിക്കല് ചിത്രമായാണ് കുബേര ഒരുക്കുന്നത്. ദേവി ശ്രീ പ്രസാദാണ് സിനിമക്കായി സംഗീതം ഒരുക്കുന്നത്. പ്രമുഖ ഒടിടി പ്ലാറ്റ്ഫോം ആയ ആമസോേണ് പ്രൈം വീഡിയോയാണ് സിനിമയുടെ ഒടിടി അവകാശം സ്വന്തമാക്കിയിരിക്കുന്നത്.
50 കോടി രൂപയ്ക്കാണ് സിനിമയുടെ ഒടിടി റൈറ്റ്സ് വിറ്റുപോയിരിക്കുന്നത് എന്നാണ് തെലുങ്ക് മാധ്യമങ്ങള് റിപ്പോര്ട്ട് ചെയ്യുന്നത്. ജൂണ് 20 നാണ് കുബേര തിയേറ്ററുകളിലെത്തുന്നത്.
