മ​ഴ​ ചതിച്ചു; കൂ​ട്ട​ത്തോ​ടെ കൊഴിഞ്ഞ് റ​മ്പൂ​ട്ടാ​ൻ

നീ​ലേ​ശ്വ​രം: മഴ ചതിച്ചതോടെ കർഷകർക്ക് റ​മ്പൂ​ട്ടാ​ൻ കൊടുത്തത് മുട്ടൻപണി. ശക്തമായ കാറ്റും കനത്ത മഴയും റ​മ്പൂ​ട്ടാ​ൻ കൃഷിയെ മോശമായി ബാധിച്ചു. മൂ​പ്പെ​ത്താ​റാ​യ റ​മ്പൂ​ട്ടാ​ൻ കാ​യ്ക​ൾ കൂ​ട്ട​ത്തോ​ടെ കൊഴിഞ്ഞു. മഴ ചതിച്ചതാണ് വിളവ് കുറയാൻ കാരണം.

വി​ദേ​ശി​യാ​യ റ​മ്പൂ​ട്ടാ​ൻ കൃ​ഷി​ക്ക് നാ​ട്ടി​ലെ കാ​ലാ​വ​സ്ഥ അ​നു​യോ​ജ്യ​മാ​യ​തി​നാ​ൽ ജി​ല്ല​യി​ലെ നൂ​റു​ക​ണ​ക്കി​ന് ക​ർ​ഷ​ക​ർ റ​മ്പൂ​ട്ടാ​ൻ കൃ​ഷി​യി​ൽ ഏ​ർ​പ്പെ​ട്ടി​രു​ന്നു. മ​ടി​ക്കൈ​യി​ലെ ക​ർ​ഷ​ക​ർ വ്യാ​പ​ക​മാ​യി ഇ​ത് കൃ​ഷി ചെ​യ്തി​രു​ന്നു.

ഈ ​സീ​സ​ണി​ൽ പ​തി​വി​ൽ ക​വി​ഞ്ഞ പ​ഴ​മാ​ണ് ല​ഭി​ച്ച​ത്. ക​ഴി​ഞ്ഞ ഡി​സം​ബ​റി​ൽ പ്ര​തീ​ക്ഷി​ക്കാ​തെ​യു​ണ്ടാ​യ മ​ഞ്ഞും കു​ളി​രും റ​മ്പൂ​ട്ടാ​ൻ മ​ര​ങ്ങ​ളെ നി​റ​യെ പൂ​ക്കാ​നും കാ​യ്ക്കാ​നും സ​ഹാ​യി​ച്ചു.

എ​ന്നാ​ൽ, പി​ന്നീ​ട് പെ​ട്ടെ​ന്നെ​ത്തി​യ മ​ഴ ക​ർ​ഷ​ക​രെ പാ​ടേ ച​തി​ച്ചു. സാ​ധാ​ര​ണ​യാ​യി ജൂ​ൺ, ജൂ​ലൈ മാ​സ​ങ്ങ​ളി​ലാ​ണ് കാ​യ് മൂ​ക്കു​ക​യും പ​ഴ​ങ്ങ​ളാ​കു​ക​യും ചെ​യ്യു​ക. മൂ​ത്ത് വ​രു​ന്ന​തു​വ​രെ മ​ഴ​യു​ണ്ടാ​കാ​ൻ പാ​ടി​ല്ല. മൂ​ത്ത് ക​ഴി​ഞ്ഞ​ശേ​ഷം വ​രു​ന്ന മ​ഴ വി​ല്ല​ന​ല്ല. ഈ ​വ​ർ​ഷ​മാ​ക​ട്ടെ കാ​യ്ക്കാ​ൻ ന​ല്ല കാ​ലാ​വ​സ്ഥ​യു​ണ്ടാ​യ​പ്പോ​ഴും അ​ത​നു​ഭ​വി​ക്കാ​ൻ മ​ഴ ക​ർ​ഷ​ക​രെ അ​നു​വ​ദി​ച്ചി​ല്ല.

മേ​യി​ൽ​ത​ന്നെ മ​ഴ ശ​ക്ത​മാ​യ​തോ​ടെ കാ​യ്ക​ളെ​ല്ലാം പാ​ക​മാ​കാ​തെ കൊ​ഴി​ഞ്ഞു​വീ​ണു. ഏ​റ്റ​വും വ​ലി​യ വി​ള​വ് പ്ര​തീ​ക്ഷി​ച്ച ക​ർ​ഷ​ക​ർ​ക്ക് മോ​ശം വി​ള​വാ​യി മാ​റി. തെ​ളി​ച്ച​മു​ള്ള ഭൂ​മി​യി​ൽ മ​റ്റു കൃ​ഷി​യോ​ടൊ​പ്പം റ​മ്പൂ​ട്ടാ​നും ക​ർ​ഷ​ക​ർ പ​രീ​ക്ഷി​ച്ചു.

മൂ​ന്നു​വ​ർ​ഷം​കൊ​ണ്ട് കാ​യ്ഫ​ലം ത​രു​ന്ന കൃ​ഷി വ​ള​രെ ലാ​ഭ​ക​ര​വു​മാ​യി​രു​ന്നു. ഒ​രു മ​ര​ത്തി​ൽ​നി​ന്ന് സാ​ധാ​ര​ണ കൃ​ഷി​യി​ൽ​ത​ന്നെ 25 കി​ലോ മു​ത​ൽ 30 കി​ലോ​വ​രെ ല​ഭി​ക്കും. ഒ​രു ഏ​ക്ക​റി​ൽ 100 ചെ​ടി​ക​ൾ വ​രെ ന​ടാ​നാ​കും. വി​പ​ണി​യി​ലെ​ത്തി​യാ​ൽ 320 രൂ​പ​യാ​ണ് ഒ​രു കി​ലോ​ക്ക് ല​ഭി​ക്കു​ന്ന​ത്.