അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നമ്മുടെ വീടുകളിൽ കൊതുക് ശല്യം വലിയ ഒരു പ്രശ്നമാണ്. കൊതുകിനെ തുരത്താൻ നമ്മൾ പല മാർഗങ്ങൾ പരീക്ഷിക്കാറുണ്ട്. എന്നിട്ടും കൊതുകുകൾ കൂടുന്നതല്ലാതെ കുറയുന്നില്ല. എന്നാൽ, വീടിന്റെ പരിസരത്ത് ഈ ചെടികൾ വളർത്തി നോക്കൂ. കൊതുക് വരുന്നത് തടയുന്ന ആ ചെടികൾ ഇവയാണ്;
ഇഞ്ചിപ്പുല്ല്: ഇഞ്ചിപ്പുല്ലിന്റെ ഗന്ധം കൊതുകുകൾക്ക് മറികടക്കാൻ സാധിക്കില്ല. ഈ ചെടി നല്ല സൂര്യപ്രകാശം ലഭിക്കുന്ന സ്ഥലത്താണ് വളർത്തേണ്ടത്. ജനാലയുടെ വശങ്ങളിലും, ബാൽക്കണിയിലുമൊക്കെ ഇത് എളുപ്പത്തിൽ വളർത്താൻ സാധിക്കും.
പുതിന: പുതിനയുടെ ഗന്ധം കൊതുകുകൾക്ക് പറ്റാത്തവയാണ്. അതിനാൽ തന്നെ ഇത് വളർത്തിയാൽ ആ പരിസരത്ത് കൊതുകുകൾ വരില്ല. അടുക്കള പ്രതലങ്ങളും വീടും പുതിന എണ്ണ ഉപയോഗിച്ച് തുടച്ച് വൃത്തിയാക്കാനും സാധിക്കും. ഇത് കൊതുക് വരുന്നതിനെ തടയുന്നു.
റോസ്മേരി: കൊതുകിനെ തുരത്താൻ റോസ്മേരി ചെടി നല്ലതാണ്. ഇത് നല്ല സൂര്യപ്രകാശം ലഭിക്കുന്ന നീർവാഴ്ചയുള്ള മണ്ണിലാണ് വളർത്തേണ്ടത്. ഇടയ്ക്കിടെ വെള്ളമൊഴിച്ച് കൊടുക്കുകയും വേണം.
യൂക്കാലിപ്റ്റസ്: വീടിനകത്തും യൂക്കാലിപ്റ്റസ് ചെടി വളർത്താൻ സാധിക്കും. ബാൽക്കണി അല്ലെങ്കിൽ വെളിച്ചം കൂടുതൽ ലഭിക്കുന്ന സ്ഥലത്ത് യൂക്കാലിപ്റ്റസ് നട്ടുവളർത്താം. ഇതിന്റെ ഗന്ധം സഹിക്കവയ്യാതെ കൊതുകുകൾ വരില്ല.
ജമന്തി: ജമന്തിയുടെ ഗന്ധം കൊതുകുകൾക്ക് അതിജീവിക്കാൻ സാധിക്കില്ല. അതിനാൽ തന്നെ ജമന്തി വീട്ടിലുണ്ടെങ്കിൽ കൊതുകിന്റെയും പ്രാണികളുടെയും ശല്യം ഉണ്ടാവില്ല.
ഭ്രിംഗരാജ്: കൊതുകിനെ തുരത്താൻ ഈ ചെടി നല്ലതാണ്. ഗ്ലാസ് വെയ്‌സിലോ, ജാറിലോ ഭ്രിംഗരാജ് വളർത്താൻ സാധിക്കും. പൂച്ചകൾക്ക് ഇഷ്ടമുള്ള ചെടിയാണ് ഭ്രിംഗരാജ്.
