‘ഞങ്ങള്‍ പ്രതീക്ഷിച്ചതിനേക്കാള്‍ റീച്ച് ആണ് ലോക ടീസറിന് ലഭിച്ചത്’; കല്യാണി പ്രിയദര്‍ശന്‍

കല്യാണി പ്രിയദര്‍ശന്‍, നസ്ലെന്‍ എന്നിവര്‍ പ്രധാന വേഷങ്ങളിലെത്തുന്ന ചിത്രമാണ് ലോക – ചാപ്റ്റര്‍ വണ്‍:ചന്ദ്ര. ദുല്‍ഖര്‍ സല്‍മാന്റെ വേഫെറര്‍ ഫിലിംസ് ആണ് സിനിമയുടെ നിര്‍മാണം. സിനിമയുടെ അപ്‌ഡേറ്റുകള്‍ക്കെല്ലാം വമ്പന്‍ പ്രതികരണമാണ് ലഭിക്കുന്നത്. ഇപ്പോഴിതാ സിനിമയെക്കുറിച്ച് മനസുതുറക്കുകയാണ് നടി കല്യാണി പ്രിയദര്‍ശന്‍.

കല്യാണിയുടെ വാക്കുകള്‍……

‘ഞങ്ങള്‍ പ്രതീക്ഷിച്ചതിനേക്കാള്‍ റീച്ച് ആണ് ലോക ടീസറിന് ലഭിച്ചത്. ഒരു മാര്‍വെല്‍, ഡ്യൂണ്‍ പോലെ ഉള്ള ഒരു സിനിമയുടെ ലെവലിലേക്ക് ഉള്ള ഒരു അനാവശ്യ ഹൈപ്പ് അത് ലോകയ്ക്ക് ഉണ്ടാക്കി കൊടുത്തോ എന്ന് പേടിയുണ്ട്. പക്ഷെ ലോക ഒരു മലയാളം സിനിമയാണെന്ന ബോധ്യം ചിത്രം കാണാന്‍ വരുന്ന പ്രേക്ഷകര്‍ക്ക് ഉണ്ടാകണം. നമ്മുടെ ഇന്‍ഡസ്ട്രിയുടെ സ്‌റ്റൈലില്‍ നിന്ന് തന്നെയാണ് ലോകയുടെ കഥ ഞങ്ങള്‍ പറയുന്നത്. മലയാളികള്‍ക്ക് പരിചിതമായ സാഹചര്യങ്ങളില്‍ നിന്ന് ഒരു സൂപ്പര്‍ഹീറോ കഥ പറയാനാണ് ഞങ്ങള്‍ ശ്രമിക്കുന്നത്’.

#Lokah teaser got more attention than we thought. We’re a bit worried people may expect it to be like Marvel or Dune.

We just want everyone to know it’s a Malayalam film.#KalyaniPriyadarshan pic.twitter.com/kGGPbK12B1

— 几丨ᐯ乇ᗪ (@realNiveD) August 23, 2025

ഓണം റിലീസായി ആഗസ്റ്റ് 28 ന് സിനിമ ആഗോള തലത്തില്‍ റിലീസ് ചെയ്യും. ഒരു സൂപ്പര്‍ ഹീറോ കഥാപാത്രം ആയാണ് കല്യാണി ഈ ചിത്രത്തില്‍ വേഷമിട്ടിരിക്കുന്നത്. ഡൊമിനിക് അരുണ്‍ രചിച്ച് സംവിധാനം ചെയ്ത ചിത്രം വമ്പന്‍ ബജറ്റിലാണ് ഒരുങ്ങുന്നത്. ലോക എന്ന് പേരുള്ള ഒരു സൂപ്പര്‍ ഹീറോ സിനിമാറ്റിക് യൂണിവേഴ്സിലെ ആദ്യ ചിത്രമാണ് ‘ചന്ദ്ര’. നേരത്തെ പുറത്തിറങ്ങിയ ഫസ്റ്റ് ലുക്ക് പോസ്റ്റര്‍ ഒരുപാട് ചര്‍ച്ചയായിരുന്നു. ടീസറിനും മികച്ച അഭിപ്രായമാണ് ആരാധകരില്‍ നിന്നും ലഭിച്ചിരിക്കുന്നത്. കല്ല്യാണി പ്രിയദര്‍ശനും നസ്ലെനും പുറമെ, ചന്ദു സലിം കുമാര്‍, അരുണ്‍ കുര്യന്‍, ശാന്തി ബാലചന്ദ്രന്‍ എന്നിവരും സിനിമയില്‍ നിര്‍ണ്ണായക വേഷത്തില്‍ എത്തുന്നുണ്ട്.

ഛായാഗ്രഹണം -നിമിഷ് രവി, സംഗീതം – ജേക്‌സ് ബിജോയ്, എഡിറ്റര്‍ – ചമന്‍ ചാക്കോ, എക്സിക്യൂട്ടീവ് പ്രൊഡ്യൂസേഴ്സ്-ജോം വര്‍ഗീസ്, ബിബിന്‍ പെരുമ്പള്ളി, അഡീഷണല്‍ തിരക്കഥ-ശാന്തി ബാലചന്ദ്രന്‍, പ്രൊഡക്ഷന്‍ ഡിസൈനര്‍-ബംഗ്ലാന്‍ , കലാസംവിധായകന്‍-ജിത്തു സെബാസ്റ്റ്യന്‍, മേക്കപ്പ് – റൊണക്സ് സേവ്യര്‍, കോസ്റ്റ്യൂം ഡിസൈനര്‍-മെല്‍വി ജെ, അര്‍ച്ചന റാവു, സ്റ്റില്‍സ്- രോഹിത് കെ സുരേഷ്, അമല്‍ കെ സദര്‍, ആക്ഷന്‍ കൊറിയോഗ്രാഫര്‍- യാനിക്ക് ബെന്‍, പ്രൊഡക്ഷന്‍ കണ്‍ട്രോളര്‍ – റിനി ദിവാകര്‍, വിനോഷ് കൈമള്‍, ചീഫ് അസോസിയേറ്റ്-സുജിത്ത് സുരേഷ് തുടങ്ങിയവരാണ് സിനിമയുടെ അണിയറപ്രവര്‍ത്തകര്‍.