അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ശിവകാര്‍ത്തികേയനെ നായകനാക്കി എ ആര്‍ മുരുഗദോസ് സംവിധാനം ചെയ്യുന്ന സിനിമയാണ് മദ്രാസി. മികച്ച പ്രതികരണമാണ് ചിത്രത്തിന്റെ ട്രെയ്ലറിന് ലഭിക്കുന്നത്. ഇപ്പോഴിതാ സിനിമയുടെ ട്രെയ്ലര്‍ ലോഞ്ചില്‍ സംഗീത സംവിധായകന്‍ അനിരുദ്ധ് പറഞ്ഞ വാക്കുകളാണ് സോഷ്യല്‍ മീഡിയയില്‍ ശ്രദ്ധ നേടുന്നത്.
‘താന്‍ ഒരിക്കല്‍ ഫീല്‍ഡ് ഔട്ട് ആകുമെന്നും എന്നാല്‍ അന്ന് ശിവകാര്‍ത്തികേയന്‍ വിജയിച്ചാല്‍ തന്റെ ഹൃദയം താന്‍ ജയിച്ചതായി ഓര്‍ത്ത് സന്തോഷിക്കും’.- അനിരുദ്ധിന്റെ വാക്കുകള്‍
ഇത് കേട്ട് വികാരഭരിതമാകുന്ന ശിവകാര്‍ത്തികേയന്റെ വീഡിയോ സോഷ്യല്‍ മീഡിയയില്‍ വൈറലാകുന്നുണ്ട്. അതെസമയം ശിവകാര്‍ത്തികേയന്റെ ഇതുവരെ കാണാത്ത പവര്‍ ഫുള്‍ പെര്‍ഫോമന്‍സ് ആണ് മദ്രാസി ട്രെയ്ലറില്‍ ഒരുക്കിയിരിക്കുന്നത്. ചിത്രത്തില്‍ മലയാളികളുടെ പ്രിയപ്പെട്ട താരം ബിജു മേനോനും പ്രധാന കേന്ദ്ര കഥാപാത്രമായി എത്തുന്നുണ്ട്. പോലീസ് വേഷത്തിലാണ് ബിജു മേനോന്‍ സിനിമയില്‍ എത്തുന്നത്. ട്രെയിലറിലെ അനിരുദ്ധിന്റെ ബാക്ക്ഗ്രൗണ്ട് സ്‌കോറിന് മികച്ച അഭിപ്രായമാണ് ലഭിക്കുന്നത്.
#Anirudh: One day even i will become a field out, if I became a field out,..And If #Sivakarthikeyan wins, My Heart will feel like Myself has won it🫶💯
A lovely Emotional moment from SK & Ani🥹♥️ https://t.co/mfRB5zMwJS
— AmuthaBharathi (@CinemaWithAB) August 25, 2025
ശിവകാര്‍ത്തികേയന്റെ കരിയറിലെ ഏറ്റവും ഉയര്‍ന്ന ബജറ്റിലാണ് സിനിമയൊരുങ്ങുന്നത്. ഇത് ആദ്യമായാണ് എ ആര്‍ മുരുഗദോസ്സ് സംവിധാനം ചെയ്യുന്ന ചിത്രത്തില്‍ ശിവകാര്‍ത്തികേയന്‍ അഭിനയിക്കുന്നത്. വിധ്യുത് ജമാല്‍, വിക്രാന്ത്, രുക്മിണി വസന്ത് എന്നിവരാണ് ചിത്രത്തിലെ മറ്റു പ്രധാന താരങ്ങള്‍. ചിത്രം സെപ്റ്റംബര്‍ അഞ്ചിന് തിയേറ്ററുകളിലെത്തും.
