അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നിങ്ങളൊരു മധുരപ്രിയനാണോ? എങ്കിൽ ഈ പായസം ഒന്ന് ട്രൈ ചെയ്തുനോക്കൂ.. നല്ല കിടിലൻ സ്വാദിൽ എളുപ്പത്തിൽ തയ്യാറാക്കിയെടുക്കാവുന്ന ഒരു പായസം. വെർമിസെല്ലിയും കാരറ്റും കൊണ്ട് രുചികരമായ പായസം തയ്യാറാക്കാം.
ആവശ്യമായ ചേരുവകൾ
- നെയ്യ് – 1 ടീസ്പൂൺ
- നേർത്ത വെർമിസെല്ലി – 1 കപ്പ്‌
- കാരറ്റ് -3 എണ്ണം
- പാൽ – 1 ലിറ്റർ
- പഞ്ചസാര – 3/4 കപ്പ്‌
- മിൽക്ക് മെയ്ഡ് – 1/2 കപ്പ്‌
- ഉണക്ക മുന്തിരി നെയ്യിൽ വറുത്തത് – 1 ടീ സ്പൂൺ
- കശുവണ്ടി നെയ്യിൽ വറുത്തത് – 1 ടേബിൾ സ്പൂൺ
തയാറാക്കുന്ന വിധം
ചുവട് കട്ടിയുള്ള പാത്രത്തിൽ 1 ടീ സ്പൂൺ നെയ്യൊഴിച്ചു സ്വർണ നിറമാകുന്ന വരെ വെർമിസെല്ലി വറുക്കുക. ഒരു പാനിൽ 1 ലിറ്റർ പാൽ തിളപ്പിക്കുക. നന്നായി തിളച്ചു വരുമ്പോൾ പഞ്ചസാര ചേർത്ത് ഇളക്കുക. പാലിന്‍റെ നിറം ചെറുതായി മാറുന്നത് വരെ ഇളക്കുക.
അതിന് ശേഷം വറുത്തു വെച്ചിരിക്കുന്ന സേമിയ ചേർത്ത് നന്നായി ഇളക്കുക. 2-3 മിനിറ്റ് വരെ തിളപ്പിക്കുക.അതിലേക്ക് കാരറ്റ് തൊലി കളഞ്ഞു പുഴുങ്ങി അരച്ചത് ചേർത്തിളക്കുക. ശേഷം മിൽക്ക് മെയ്ഡ് ചേർത്തുക. തിളച്ചു വരുമ്പോൾ നെയ്യിൽ വറുത്തു വെച്ചിരിക്കുന്ന ഉണക്ക മുന്തിരിയും കശുവണ്ടിയും ചേർക്കുക.
