അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കേരളാ യൂണിവേഴ്സിറ്റിയില് സംസ്കൃതത്തില് പി.എച്ച്.ഡി. നേടിയ ദളിത് വിദ്യാര്ത്ഥി വിപിനെ ജാതി അധിക്ഷേപം നടത്തി അപമാനിച്ച അധ്യാപിക വിജയകുമാരി ചെയ്തത് സാമൂഹിക കുറ്റകൃത്യം. അവരെ തല്സ്ഥാനത്ത് തുടരാനോ, ഏതെങ്കിലും വിദ്യാഭ്യാസ സ്ഥാപനത്തില് പഠിപ്പിക്കാനോ അനുവദിക്കരുതെന്നാണ് ദളിത്-പുരോഗമന സംഘടനകള് ആവശ്യപ്പെടുന്നത്. വിജയകുമാരിക്ക് ജാതി ഭ്രാന്താണ്. പട്ടികജാതി പട്ടിക വര്ഗ നിയമ പ്രകാരം അഴര് അണ്ടച്ചബിളിറ്റി പ്രാക്ടീസ് ചെയ്യുകയാണ്. യൂണിവേഴ്സിറ്റിയില് വിപിനെതിരേ നടത്തിയ ജാതി അധിക്ഷേപത്തെ ന്യായീകരിക്കാന് അവര് പറഞ്ഞത്, വീട്ടില് ദളിതരാണ് ഭക്ഷണം ഉണ്ടാക്കി തരുന്നതെന്ന്.
രണ്ടും തൊട്ടുകൂടായ്മയെയും ദളിത് പീഡനത്തെയും പ്രത്യക്ഷമായും പരോക്ഷമായും തൊടുന്നുണ്ട്. പി.എച്ച്.ഡി. കൊടുക്കാന് മടിക്കുന്നതും, ദേവ ഭാഷയെ അപമാനിക്കുന്ന ദളിതനെന്നും പറഞ്ഞ് ആക്ഷേപിക്കുന്നതും, എന്നാല്, ദളിതരാണ് വീട്ടില് ഭക്ഷണം പാകം ചെയ്തു തരുന്നതെന്നും പറയുന്നതില് വിജയകുമാരിയുടെ ജാതി ഭ്രാന്തിന്റെ മൂത്തരൂപം കാണാനാകും. സംസ്കൃത ഭാഷ പഠിക്കാന് പോയിട്ട്, കേള്ക്കാന് പോലും അവകാശമില്ലെന്ന ജാതി കേന്ദ്രീകൃത വിദ്യാഭ്യാസ ചിന്തയാണ് അവരില് ഉണ്ടായത്. പകരം അവര് പറഞ്ഞ ഉദാഹരണത്തിലൂടെ വെളിവാക്കിയ മറ്റൊന്ന്, പി.എച്ച്.ഡിയും പഠനവുമൊന്നും നിനക്കൊന്നും പറഞ്ഞിട്ടില്ലെന്നും, എന്റെ വീട്ടിലെ വടക്കേപ്പുറത്ത് അടുക്കളയില് ഭക്ഷണം ഉണ്ടാക്കിയാല് മതിയെന്നുമാണ്.
വിദ്യാഭ്യാസമല്ല, അടുക്കളയിലാണ് നിങ്ങലുടെ ഇടമെന്നു കൂടെ പറഞ്ഞു വെയ്ക്കുന്നുണ്ട്. ഈ കാലഘട്ടത്തിലും ദളിതര് യൂണിവേഴ്സിറ്റികളില് പഠിക്കാനോ, അഥവാ പഠിച്ചാല്, ദേവ ഭാഷ പഠിക്കാനോ യോഗ്യരായിട്ടില്ല എന്നാണ് ഉദ്ദേശിക്കുന്നത്. ദളിതര് എന്റെ വീടിന്റെ അടുക്കളയില് ഭക്ഷണം പാകം ചെയ്തു തരുന്ന നിലവാരത്തില് എത്തിയിട്ടേ ഉല്ളൂവെന്നിരിക്കെ, വിപിന് ദേവഭാഷയില് പി.എച്ച്.ഡി. കൊടുക്കാന് പറ്റുന്നതെങ്ങനെ. ഇതാണ് വിജയകുമാരിയുടെ മതഭ്രാന്തിന്റെ പൂര്ണ്ണത. അധ്യാപിക എന്ന നിലയില് അല്ല വിജയകുമാരി അവിടെ നടത്തിയ ഗുരുതരമായ കുറ്റകൃത്യം. എന്നെ ഉപദ്രവിക്കരുത് എന്ന് വിപിന് പറഞ്ഞ ശേഷം, നിന്നെപ്പോലുള്ളവര്ക്ക് പഠിക്കാനുള്ളതല്ല സംസ്കൃതം. നിങ്ങള് സംസ്കൃതത്തെ മലിനമാക്കുന്നു. വിജയകുമാരിയുടെ വാക്കുകളില് നിന്നും ജാതി പറയുന്നില്ല എങ്കിലും, അവര് പ്രയോഗിക്കുന്ന ‘നിങ്ങള്’ എന്ന വാക്ക് ജാതിയാണ്.
നിങ്ങളൊക്കെ എന്ന് ഡീന് ഉദ്ദേശിക്കുന്നത് ആരെയാണ്. ആരെ നോക്കിയാണോ അവര് അത് പറഞ്ഞത്, അവരുടെ ജാതിയെ ഉദ്ദേശിച്ചാണ് നിങ്ങള് എന്ന വാക്ക് ഉപയോഗിക്കുന്നതെന്ന് മനസ്സിലാക്കാം. അതിനര്ത്ഥം, അവര് തൊട്ടു കൂടായ്മയെ പ്രാക്ടീസ് ചെയ്യുന്ന ആളാണെന്നാണ്. അതിന് പലരൂപങ്ങളുമുണ്ട്. അതിന് ഉദാഹരണമായി പറഞ്ഞത്, എന്റെ വീട്ടില് ഭക്ഷണം വിളമ്പുന്നത് ദളിതരാണ് എന്നാണ്. അതുകൊണ്ട് എന്താണ് പ്രശ്നം. അതുകൊണ്ട് ദളിതര്ക്കെന്ത് അയോഗ്യതയാണെന്നാണ് വിചാരിക്കുന്നത്. അവര് ഭക്ഷണം പാചകം ചെയ്യുന്നവരാണെങ്കില്, രുചികരമായ ഭക്ഷണം പാചകം ചെയ്ത് അത് വിതരണം ചെയ്യുന്നതായിരിക്കും. അത് വിജയകുമാരിയുടെ വലിയ ഉദാരതയും അവരുടെ മാനവികതയും ആകുന്നതെങ്ങനെ. അതൊക്കെ പറയുന്നത് പണ്ടു കാലത്ത്.
കേരളത്തിലെ ലക്ഷക്കണക്കിനു വരുന്ന ദളിതരെ അപമാനിക്കുകയാണ് ഇതിലൂടെ ചെയ്യുന്നത്. എന്റെ വീട്ടില് ഭക്ഷണം പാചകം ചെയ്യുന്നത് ദളിതരാണ് എന്നതാണ് വിജയകുമാരിയുടെ അധിക യോഗ്യതത. വിജയകുമാരി ജാതി പറഞ്ഞോ ഇല്ലയോ എന്നത് മാനദണ്ഡമല്ല. നിങ്ങളെപ്പോലുള്ളവര് മലിനമാക്കുന്നു. അവാര്ഡ് കിട്ടിയ വിദ്യാര്ത്ഥിയോടാണ് പറയുന്നത്. മലിനമാക്കുന്നു എന്നു പറഞ്ഞാല്, സംസ്കൃതം എന്നു പറയുന്ന ദേവഭാഷയെ അയിത്തജാതിക്കാര് വന്ന് മലിനമാക്കുന്നു എന്നുതന്നെയാണ് പറയുന്നത്. എസ്.സി.എസ്.ടി അട്രോസിറ്റീസ് ആക്ടില് മൂന്നാം വകുപ്പില് പറയുന്ന കാര്യം, ഒരാള് പരസ്യമായി അപമാനിക്കപ്പെട്ടാല് അത് അട്രോസിറ്റിയാണ്. വിപിന് അധ്യാപകരെയും വിദ്യാര്ത്ഥികളുടെയും മുന്നില്വെച്ചാണ് അപമാനിക്കപ്പെട്ടത്.
അപമാനിക്കപ്പെടുമ്പോള് ജാതീയമായ താല്പ്പര്യം വിജയകുമാരിക്കുണ്ടോ എന്നത് ഒരു ഘടകമല്ല. ഏതു സമയത്തും, ഏത് പിന്നോക്ക വിഭാഗത്തിലുള്ള ജാതിയില്പ്പെട്ടവരായാലും ഇവരാല് ആക്രമിക്കപ്പെടാനും, അപമാനിക്കപ്പെടാനും, കൊല്ലപ്പെടാനും, ബലാത്സംഘം ചെയ്യപ്പെടാനും സാധ്യതയുണ്ടെന്നു കണ്ടാണ് സി.ആര്.പി.സിയില് നിന്നും ഭിന്നമായി മറ്റൊരു ആക്ട് രൂപപ്പെടുത്തിയിരിക്കുന്നത്. അവിടെ അണ്ടച്ചബിളിറ്റിയെയും ഇത്തരം നടപടികളെയും പേഴ്സണല് കുറ്റമായിട്ടല്ല കാണുന്നത്. സോഷ്യല് ക്രൈം ആയിട്ടാണ് കാണുന്നത്. അതുകൊണ്ട് വിജയകുമാരി ചെയ്തിരിക്കുന്നത് സോഷ്യല് ക്രൈമാണ്. സാമൂഹിക ഒരു കുറ്റകൃത്യമാണ്. ഇങ്ങനെയാണ് ഇതിനെ കാണേണ്ടത്.
അവര് അധ്യാപിക എന്ന നിലയില് പാലിക്കേണ്ട ചുമതലകള് പാലിക്കാതിരിക്കുക, ഒരു വിദ്യാര്ത്ഥിക്ക് പി.എച്ച്.ഡി അഡ്മിഷന് കൊടുക്കണമെന്നു പറയുമ്പോള്ത്തന്നെ ഒരു വര്ഷമാണ് ഇവര് ഇടപെട്ട് മരവിപ്പിച്ചത്. എന്നിട്ടും, ആ വിദ്യാര്ത്ഥി വിജയകരമായി പി.എച്ച്.ഡി. എടുക്കുന്നു. അതിനെ മറ്റുള്ളവര് അംഗീകരിച്ചിട്ടും മതിവരാത്ത ഭ്രാന്താണ് ജാതി ഭ്രാന്താണ് വിജയകുമാരി കാണിച്ചത്. അതിനെ ന്യായീകരിക്കാന് എന്റെ വീട്ടില് അന്നം വിളമ്പുന്നത് ദളിതരാണെന്ന് പറയുന്നത്, മതഭ്രാന്തിന്റെ അങ്ങേത്തലമാണ്.
CONTENT HIGH LIGHTS; Is Vijayakumari caste-crazy?: She is practicing untouchability under the SC-ST ACT; she also said where Dalits should stand?: Is this a social crime?
