അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.എറണാകുളത്ത് കണ്ണാടിക്കാട് ജെ.വി.കെ ബാറില് മാരകായുധങ്ങളുമായി അക്രമം നടത്തിയ സംഭവത്തില് മരട് പോലീസ് അറസ്റ്റുചെയ്തവരില് ഒരു പെണ്കുട്ടിയും ഉണ്ടെന്ന് അറിഞ്ഞതോടെ സോഷ്യല് മീഡിയ പരതിയത് അതാര് എന്നാണ്. മലയാളം സീരിയലുകളില് സൈഡ് റോളുകളും, തലകാണിക്കലും മാത്രമേ ുണ്ടായിട്ടുള്ളൂ എന്നാണ് സീരിയല് രംഗത്ത് വര്ഷങ്ങളായി പ്രവര്ത്തിക്കുന്നവര് പറയുന്നത്. പ്രപതികളെ പിടിച്ചപ്പോള്, സീരിയല് നടി ഉള്പ്പെടെ 3 പേര് പിടിയിലായി എന്നാണ് വാര്ത്തകള് വന്നത്. ഇതോടെയാണ് സീരിയല് നടി ആരാണെന്ന അന്വേഷണം ഊര്ജ്ജിതമായി നടന്നത്. സോഷ്യല് മീഡിയകളിലെല്ലാം ഇവരെ കുറിച്ച് കൂടുതല് അറിയാനുള്ള പരതല് നടന്നിട്ടുണ്ട്.
എന്നാല്, സീരിയല് മേഖലയില് ഇങ്ങനെ പേരുള്ള ഒരു നടിയെ കുറിച്ച് കേട്ടു കേള്വി പോലുമില്ലെന്നാണ് ലഭിക്കുന്ന വിവരം. ചില മലയാളം സീരിയലുകളില് മുഖം കാണിച്ചിട്ടുണ്ട് എന്നതിനപ്പുറം, ഓര്മ്മിച്ചു വെയ്ക്കാന് പാകത്തിലുള്ള റോളുകള് ഇവര് ചെയ്തിട്ടില്ല. ഒരുപ സീരിയലിലും നായികാ പ്രാധാന്യമുള്ള റോളും ചെയ്തിട്ടില്ല. തിരുവനന്തപുരം ജില്ലയില് തെക്കുള്ള നെയ്യാറ്റിന്കരയിലാണ് അലീനയുടെ ശരിക്കുള്ള വീട്. ആലുവയില് വാടകയ്ക്കു താമസിക്കുകയാണ്. സീരിയല് നടി എന്ന ലേബലിലാണ് ഒരു സെലിബ്രിട്ടി സ്റ്റാറ്റസോടെ 23 വയസ്സുകാരിയായ അലീന എബ്രഹാം താമസിച്ചിരുന്നത്. ബാറിലെ മാരകായുധങ്ങളുമായുള്ള ആക്രമണത്തിനു പിന്നാലെ മരട് പോലീസ് പിടികൂടിയതിനു ശേഷം അലീന തന്റെ ഇന്സ്റ്റാഗ്രാം പേജില് ഒരു സ്റ്റോറി ഇട്ടിരുന്നു. അത് ഇങ്ങനെയാണ്.
- ഇന്സ്റ്റാഗ്രാം സ്റ്റോറി ഇങ്ങനെയാണ്
” എല്ലാവരും ആദ്യം എന്താണ് ഇണ്ടായേ എന്ന് അറിയണം. നിങ്ങള് എല്ലാവരും കേട്ടത് ന്യൂസുകാര്ക്ക് വായില് തോന്നുന്ന ഓരോ കാര്യങ്ങള്. കുറേ മീഡിയാക്കാര് അവര്ക്ക് തോന്നുന്നത് ഒക്കെ വിളിച്ചു പറയും. അത് കേട്ട് കൈയ്യടിക്കാന് കുറേ മെ@$$$$. ന്താ ഉണ്ടായേ എന്ന് മോര്ണിംഗ് വിശദീകരിച്ച് പറഞ്ഞു തരാം ഞങ്ങള്…. അതുവരെ നീ ഒക്കെ തെളപ്പിച്ചോണ്ടി ഇരി.. ഇവിടെ പൊള്ളത്തില്ല..”
പോലീസ് കസ്റ്റഡിയില് അലീന ഫോണ് ഉപയോഗിച്ചതിന് തെളിവു കൂടിയാണിത്. പിന്നീട് അവര് റിമാന്ഡിലാവുകയായിരുന്നു. മംഗളം പത്രത്തിന്റെ വാരികയായ മഹിളാരത്നത്തില് കവര് പേജില് അലീനയുടെ ഫോട്ടോ പബ്ലിഷ് ചെയ്തു വന്നിട്ടുണ്ട്. ഫാഷന് ലോകത്തും, പരസ്യങ്ങളിലുമൊക്കെ ഇവര് അഭിനയിച്ചിട്ടുണ്ടെന്നും സൂചനകളുണ്ട്. ഫാഷന് ഷോകളില്, ഡി.ജെ. പാര്ട്ടികളിലൊക്കെ കൊച്ചിയിലെ സ്ഥിരം മാഖമാണ് അലീനയെന്നാണ് അറിയാന് കഴിയുന്നത്. എന്നാല്, ഇവരുമായി ബന്ധപ്പെട്ട് മയക്കുമരുന്ന് കേസുകളോ, അതുമായി ബന്ധപ്പെട്ട വിഷയങ്ങളോ ഉണ്ടായിട്ടില്ല. എന്നാല്, ഇങ്ങനെയൊരു സംശയം പോലീസ് തള്ളിക്കളഞ്ഞിട്ടില്ല. കഴിഞ്ഞ 16ന് രാത്രി ആയിരുന്നു ബാറിലെ സംഭവം. ഇവര് മദ്യപിച്ചുകൊണ്ടിരിക്കെ ബാറില് മദ്യപിക്കാനെത്തിയ ഒരാളുമായി തര്ക്കത്തിലേര്പ്പെട്ടു.
ബാര് ജീവനക്കാരന് പ്രശ്നം പരിഹരിക്കാന് ശ്രമിച്ചതോടെ അദ്ദേഹത്തെ ആക്രമിക്കുകയായിരുന്നു. ബാര് ജീവനക്കാര് ഇതു ചോദ്യം ചെയ്തു. തുടര്ന്ന് അങ്ങോട്ടുമിങ്ങോട്ടും വലിയ സംഘര്ഷമായി. ഇതിനിടയില് പുറത്തുപോയ അലീനയും സുഹൃത്തുക്കളും രാത്രി പത്തു മണിയോടെ തിരിച്ചെത്തി. കാറിലും സ്കൂട്ടറിലുമായാണ് എത്തിയത്. മാരകായുധങ്ങളായ വടിവാള് കത്തി, കമ്പിവടി എല്ലാമായണ് എത്തിയത്. ബാാറിനുള്ളില് കയറി ആക്രമണവും തുടങ്ങി. പല തവണ പ്രതികള് ആക്രമണം നടത്തുകയും ചെയ്തു. ജീവനക്കാരെ മര്ദ്ദിച്ചെന്ന ബാര് ഉടമയുടെ പരാതിയാണ് അറസ്റ്റിനു നിര്ണ്ണായകമായത്. അലീനയുടെ കൈക്കും ഷഹിന് ഷായുടെ മൂക്കിനും സംഘര്ഷത്തില് പരുക്കേറ്റിരുന്നു. തുടര്ന്ന് അക്രമി സംഘം ജനറല് ആശുപത്രിയില് ചികിത്സ തേടി. എന്നാല്, വിദഗ്ദ്ധ ചികിത്സയ്ക്കായി എറണാകുളം മെഡിക്കല് കോളജ് ആശുപത്രിയിലേക്ക് റഫര് ചെയ്യുകയായിരുന്നു.
പക്ഷെ, ഇവര് മെഡിക്കല് കോളജിലേക്കു പോകാതെ തിരുവനന്തപുരത്തേക്കു മുങ്ങാന് തീരുമാനിച്ചു. വഴിയില് മരട് പി.എസ് മിഷന് ആശുപത്രിയില് ചികിത്സ തേടുകയായിരുന്നു. ഇവിടെ നിന്നാണ് പൊലീസ് സംഘത്തെ പിടികൂടിയത്. അലീനയും സംഘവും ബാറില് എത്തുന്നതിന്റെ സിസിടിവി ദൃശ്യങ്ങള് തെളിവായി ശേഖരിച്ചിട്ടുണ്ട്. കാറില്നിന്നും വടിവാളുമെടുത്ത് ബാറിലേക്ക് പോകുന്ന ദൃശ്യങ്ങളാണ് പുറത്തുവന്നത്. പൊതുജനങ്ങള്ക്ക് ശല്യമുണ്ടാക്കുന്ന രീതിയില് ബഹളമുണ്ടാക്കുകയും ബാറിന്റെ പ്രവര്ത്തനങ്ങള്ക്ക് തടസ്സമുണ്ടാക്കുകയും ചെയ്തതിനാണ് ഇവര്ക്കെതിരെയുള്ള കേസ്. കൊച്ചിയിലെ തിരക്കേറിയ പ്രദേശങ്ങളിലൊന്നായ വൈറ്റിലയില് രാത്രികാലങ്ങളില് ഇത്തരം സംഭവങ്ങള് വര്ദ്ധിക്കുന്നത് ആശങ്കയ്ക്ക് ഇടയാക്കിയിട്ടുണ്ട്. അലീനയ്ക്കൊപ്പം കൊല്ലം സ്വദേശികളായ ഷഹിന് ഷാ(22), അല് അമീന്(25) എന്നിവരെയാണ് മരട് പൊലീസ് അറസ്റ്റ് ചെയ്തത്. വടിവാള് കൊണ്ടുവന്ന തിരുവനന്തപുരം സ്വദേശി വൈഷ്ണവും(23) സംഘത്തില് സ്കൂട്ടറില് എത്തിയ ആളും ഒളിവിലാണ്.
CONTENT HIGH LIGHTS; “You’re just sitting there, pretending to be a liar.. There’s nothing wrong with that”: Aleena Abraham’s Instagram story? ; Who is this female celebrity?
