അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ശബരിമലയിലും പരിസരങ്ങളിലുമായി ഷൂട്ടിംഗ് പൂർത്തീകരിച്ച സിനിമ “ശ്രീ അയ്യപ്പൻ “ ഡിസംബർ ആദ്യവാരം പുറത്ത് ഇറങ്ങും. ആദി മീഡിയ, നിഷാ പ്രൊഡക്ഷൻസ് എന്നീ ബാനറുകളിൽ യുഎഇ യിലെ പ്രമുഖ വ്യവസായ പ്രമുഖനും സംഘാടകനുമായ ഡോ. ശ്രീകുമാർ (എസ്.കെ. മുംബൈ), ഷാജി പുനലാൽ എന്നിവരാണ് ഈ ചിത്രം നിർമ്മിക്കുന്നത്. തിരക്കഥ സംവിധാനം വിഷ്ണു വെഞ്ഞാറമൂട് പൂർണ്ണമായും ത്രില്ലർ മൂഡില് അവതരിപ്പിക്കപ്പെടുന്ന ചിത്രമാണ്. ഹിന്ദി അടക്കം അഞ്ച് ഭാഷകളിൽ ചിത്രം പ്രദര്ശനത്തിനെത്തുമെന്ന് അണിയറക്കാര് പറയുന്നു.
അനീഷ് രവി നായകനാവുന്ന ചിത്രത്തിൽ റിയാസ് ഖാൻ,സുധീർ സുകുമാരൻ,കോട്ടയം രമേഷ്, , ദിനേശ് പണിക്കർ, കൊല്ലം തുളസി, പൂജപ്പുര രാധാകൃഷ്ണൻ, കുടശ്ശനാട് കനകം, ശ്രീജിത് ബാലരാമപുരം, രതീഷ് ഗിന്നസ്, എന്നിവർക്കൊപ്പം ബോളിവുഡ് താരം അൻസർ മുംബൈ അടക്കമുള്ള താരങ്ങളും ഈ ചിത്രത്തിൽ അണിനിരക്കുന്നു. കിഷോർ , ജഗദീഷ് എന്നിവരാണ് ഛായാഗ്രഹണം നിർവ്വഹിക്കുന്നത്. പശ്ചാത്തല സംഗീതം ഷെറി. ശബരിമല, മുംബൈ, രാജസ്ഥാൻ എന്നിവിടങ്ങളിലായിരുന്നു ചിത്രീകരണം. പിആര്ഒ ഐശ്വര്യ രാജ്.
CONTENT HIGH LIGHTS; “Sri Ayyappan” will release in the first week of December: Hero Aneesh Ravi
