അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ആലപ്പുഴ: ആലപ്പുഴയിൽ പോസ്റ്റർ ഒട്ടിക്കൽ വലിയ സംഘർഷത്തിലേക്ക് വഴിമാറി. സിപിഎം-കോൺഗ്രസ് പ്രവർത്തകർ തമ്മിൽ ഉണ്ടായ ഏറ്റുമുട്ടലിൽ കോൺഗ്രസ് യുവപ്രവർത്തകനായ മാളികപ്പറമ്പിൽ സിനാജ് (22) കഴുത്തിൽ കുത്തേറ്റ് ഗുരുതരമായി. ആദ്യം സ്വകാര്യ ആശുപത്രിയിലും തുടർന്ന് മെഡിക്കൽ കോളജ് ആശുപത്രിയിലും ചികിത്സയ്ക്ക് പ്രവേശിപ്പിച്ചു.
ബുധനാഴ്ച വൈകിട്ട് ആറരയോടെയായിരുന്നു ഗുരുമന്ദിരം റോഡിൽ സംഭവം. യുഡിഎഫ് പ്രവർത്തകർ പോസ്റ്റർ പതിപ്പിക്കവെ സിപിഎം പ്രവർത്തകർ സ്ഥലത്ത് എത്തുകയും വാക്കുതർക്കം രൂക്ഷമാവുകയും ചെയ്തു. കുറച്ച് നിമിഷങ്ങൾക്കുള്ളിൽ അവിടെ കലഹം പൊട്ടിപ്പുറപ്പെട്ടു. അതിനിടെയാണ് സിനാജിന് കുത്തേറ്റ് പരിക്കേറ്റതെന്ന് പോലീസ് പറയുന്നു.
സംഭവവുമായി ബന്ധപ്പെട്ട് ഒരാളെ കസ്റ്റഡിയിൽ എടുത്തു. പ്രദേശത്ത് കൂടുതൽ സംഘർഷ സാധ്യത കണക്കിലെടുത്ത് സുരക്ഷ കർശനമാക്കിയിട്ടുണ്ട്.
