അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പാലക്കാട് നഗരമധ്യത്തിലെ മാതാ കോവില്പള്ളിക്ക് മുന്വശത്തെ തുറസ്സായ സ്ഥലത്ത് മാലിന്യക്കൂമ്പാരത്തിന് സമീപം മനുഷ്യന്റെ തലയോട്ടിയും അസ്ഥികളും പ്ലാസ്റ്റിക് കവറില് പൊതിഞ്ഞ് ഉപേക്ഷിച്ചനിലയില് കണ്ടെത്തി. വ്യാഴാഴ്ച നഗരസഭയിലെ ശുചീകരണത്തൊഴിലാളികളാണ് തലയോട്ടി അടക്കമുള്ള ഭാഗങ്ങള് ആദ്യം കണ്ടത്.
രണ്ടു ദിവസം ആയിട്ട് മനുഷ്യ ശരീരങ്ങൾ കിടന്ന ഭാഗത്തു നിന്ന് രൂക്ഷമായ ദുർഗന്ധം വരുന്നുണ്ടായിരുന്നു എന്ന തൊഴിലാളികൾ പറഞ്ഞു. തുടര്ന്ന് രാവിലെ പരിശോധിച്ചപ്പോഴാണ് തലയോട്ടിയും എല്ലുകളും കണ്ടെത്തിയത്.
തലമുടിയടക്കം ശരീരഭാഗങ്ങള് പൂര്ണമായി അഴുകാത്തനിലയിലാണ് കണ്ടെത്തിയത്. ഉന്നത പോലീസ് ഉദ്യോഗസ്ഥരും വിരലടയാള-ഫൊറന്സിക് വിദഗ്ധരും സ്ഥലത്ത് എത്തി പരിശോധന നടത്തി. വിശദമായ ശാസ്ത്രീയപരിശോധനയ്ക്കായി കണ്ടെടുത്ത ശരീരഭാഗങ്ങള് മോര്ച്ചറിയിലേക്ക് മാറ്റിയിരിക്കുകയാണ്.
