അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കേരളത്തിലെ വോട്ടര്പട്ടിക തീവ്ര പരിഷ്കരണത്തിനെതിരായ ഹര്ജികള് സുപ്രീം കോടതി ഇന്ന് പരിഗണിക്കും. ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ചാണ് ഹര്ജി പരിഗണിക്കുക.
തദ്ദേശ തിരഞ്ഞെടുപ്പ് പരിഗണിച്ച് എസ്ഐആര് നടപടികളുടെ സമയ പരിധി ഒരാഴ്ചകൂടി നീട്ടിയ വിവരം മുഖ്യ തിരഞ്ഞെടുപ്പ് കമ്മിഷന് ഇന്ന് സുപ്രീംകോടതിയെ അറിയിക്കും. കൂടുതല് സമയം വേണമെന്ന് സര്ക്കാരും രാഷ്ട്രീയ പാര്ട്ടികളും ആവശ്യപ്പെട്ടേക്കും. നിലവില് ഈ മാസം 18 വരെയാണ് എന്യൂമറേഷന് ഫോമുകള് നല്കാനുള്ള സമയം.
തദ്ദേശ തിരഞ്ഞെടുപ്പിനിടെ എസ്.ഐ.ആര് നടത്തുന്നത് ഭരണപരമായ പ്രതിസന്ധിയുണ്ടാക്കുന്നുവെന്നാണ് സര്ക്കാരിന്റെ വാദം. സംസ്ഥാന സര്ക്കാരിന്റെ പുറമേ സിപിഐഎം, സിപിഐ, കോണ്ഗ്രസ്, മുസ്ലിം ലീഗ്, ചാണ്ടി ഉമ്മന് തുടങ്ങിയവരാണ് എസ്ഐആറിനെതിരെ സുപ്രീംകോടതിയെ സമീപിച്ചത്.
