സുധാ ചന്ദ്രന് ബാധ കയറിയോ ?: ഭജനയ്ക്കിടെ തീവ്രമായ വൈകാരികമായി പെരുമാറുന്ന താരത്തിന്റെ വീഡിയോ വൈറലായി; സമാധാനിപ്പിക്കാനെത്തിയ ആളെ കടിക്കാനും നോക്കുന്നു

നാഗിന്‍ നടി സുധ ചന്ദ്രന്‍ മാതാ കി ചൗക്കിയില്‍ വെച്ച് നടത്തിയ അസ്വാഭാവിക സംഭവം കണ്ട് ഞെട്ടിയിരിക്കുകയാണ് ആരാധകരും സിനിമാ ലോകവും. എന്താണ് ഇവര്‍ക്ക് പെട്ടെന്ന് സംഭവിച്ചതെന്ന് ആര്‍ക്കും അറിയില്ല. ഭക്തിസാന്ദ്രമായ ഇടത്തില്‍ അവര്‍ പെട്ടെന്നു കാണിക്കുന്നത് ബാധ കയറിയതു പോലെയുള്ള ഭാവമാണ്. ഈ വീഡിയോ ഇപ്പള്‍ സോഷ്യല്‍ മീഡിയയില്‍ വൈറലായിരിക്കുകയാണ്. പ്രാര്‍ഥന തുടങ്ങിയ സമയത്ത് ശാന്തമായ ഭാവത്തിലായിരുന്നു സുധ. അവര്‍ പ്രാര്‍ഥനയില്‍ മുഴുകിയിരിക്കുന്നതും വീഡിയോയില്‍ കാണാം. കുറച്ചുകഴിഞ്ഞപ്പോള്‍ തന്നെ അവരുടെ മുഖഭാവം മാറാന്‍ തുടങ്ങിയിരുന്നു.

പിന്നീട് അവര്‍ കസേരയില്‍നിന്ന് ചാടി എണീക്കുകയും അലറിക്കരയുകയും ചെയ്യുന്നതും കാണാം. ചുറ്റുമുള്ളവര്‍ ചേര്‍ന്ന് അവരെ സമാധാനിപ്പിക്കാന്‍ ശ്രമിക്കുന്നുണ്ട്. എണീക്കാന്‍ നോക്കുന്ന അവരെ ആളുകള്‍ ചേര്‍ന്ന് പിടിച്ചുവെക്കുന്നതും വീഡിയോയിലുണ്ട്. ഇതിനിടെ സമാധാനിപ്പിക്കാന്‍ ശ്രമിക്കുന്ന ഒരാളുടെ കൈയില്‍ പല തവണ അവര്‍ കടിക്കാന്‍ ശ്രമിക്കുകയും ചെയ്യുന്നുണ്ട്.

ഈ വീഡിയോ കണ്ടപ്പോള്‍ ഏതെങ്കിലും സീരിയലിന്റെ ചിത്രീകരണവീഡിയോ ആണെന്നാണ് ആളുകള്‍ കരുതിയത്. എന്നാല്‍ പിന്നീടാണ് ഒരു പ്രാര്‍ഥനാചടങ്ങില്‍ നിന്നുള്ളതാണെന്ന് തിരിച്ചറിഞ്ഞത്. അതോടെ സുധയ്ക്ക് എന്താണ് പറ്റിയതെന്നതിനെക്കുറിച്ചുള്ള ചര്‍ച്ചകളായി. പിന്നാലെ ആളുകള്‍ ഈ വീഡിയോയ്ക്ക് കമന്റുകളുമായെത്തി. ‘അവര്‍ വൈകാരികമായി വളരെ അസ്വസ്ഥയാണെന്ന് തോന്നുന്നു, അതുകൊണ്ടാണ് ഇങ്ങനെ പെരുമാറുന്നത്, ക്യാമറയ്ക്കുപിന്നിലും സുധ അഭിനയിക്കുന്നു, പ്രശസ്തിക്ക് വേണ്ടി അവര്‍ ഓരോന്ന് കാണിച്ചുകൂട്ടുന്നു, അവരില്‍ ആത്മീയത സന്നിവേശിച്ചിരിക്കുകയാണ്. അത് വിട്ടുപോകുമ്പോള്‍ അവര്‍ ശരിയാവും’…കമന്റുകള്‍ നിറയുന്നു.

പ്രശസ്ത ഭരതനാട്യം നര്‍ത്തകിയായ സുധാ ചന്ദ്രന്‍, ഹിന്ദി, തമിഴ്, തെലുഗു, മലയാളം, കന്നഡ, മറാത്തി സിനിമകളിലും അതിനൊപ്പം സീരിയലുകളിലും അഭിനയിച്ചിട്ടുണ്ട്. 1985ല്‍ പുറത്തിറങ്ങിയ ‘മയൂരി’യില്‍ അഭിനയിച്ചതിന് ദേശീയപുരസ്‌കാരത്തില്‍ പ്രത്യേകപരാമര്‍ശവും അവര്‍ക്ക് ലഭിച്ചിരുന്നു. സുധയുടെ ജീവിതകഥ തന്നെയാണ് ‘മയൂരി’ എന്ന സിനിമയുടെ കഥയായത്. അപകടത്തില്‍ ഒരുകാല്‍ നഷ്ടപ്പെട്ട മയൂരി, പിന്നീട് നൃത്തത്തിലേക്ക് തിരിച്ചുവരുന്ന കഥയാണ് ‘മയൂരി’. ഇപ്പോഴും അഭിനയത്തില്‍ സജീവമാണ് സുധ. ‘നയന്‍താര’ എന്ന ഹിന്ദി സീരീസിലാണ് അവരിപ്പോള്‍ അഭിനയിക്കുന്നത്. നാഗിന്റെ ആദ്യ രണ്ട് സീസണുകളില്‍ യാമിനി രഹേജയെ അവതരിപ്പിച്ചതിലൂടെയാണ് നടി വ്യാപകമായി അറിയപ്പെടുന്നത്. യേ ഹെ മൊഹബ്ബത്തേന്‍, ക്യൂങ്കി സാസ് ഭി കഭി ബഹു തി എന്നിവയുള്‍പ്പെടെ നിരവധി ഐക്കണിക് ടെലിവിഷന്‍ ഷോകളുടെയും ഭാഗമായിട്ടുണ്ട്.

CONTENT HIGH LIGHTS; Sudha Chandran is possessed?: Video of the star behaving extremely emotionally during a bhajan goes viral; She even tries to bite the person who came to calm her down