അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.സംസ്ഥാനത്ത് കോഴിയിറച്ചി വില കുതിച്ചുയരുന്നു. ഒരു കിലോ കോഴിയിറച്ചിക്ക് 250 മുതല് 300 രൂപ വരെയാണ് വില. ഇതോടെ സാധാരണക്കാരും ഹോട്ടൽ ഉടമകളും ഒരുപോലെ വെട്ടിലായിരിക്കുകയാണ്.
ഇറച്ചിക്ക് വില വർധിക്കുമ്പോഴും ചിക്കൻ വിഭവങ്ങളുടെ വില കൂട്ടണമോ എന്ന ആശയക്കുഴപ്പത്തിലാണ് ഹോട്ടൽ ഉടമകൾ.
രണ്ടാഴ്ച മുമ്പ് കോഴിക്കോട് ബ്രോയിലര് കോഴിയിറച്ചിക്ക് കിലോയ്ക്ക് 200 രൂപ ആയിരുന്നു വിലയെങ്കില് ഇപ്പോഴത് 290 ആയി ഉയർന്നു. ലഗോണ് കോഴി ഇറച്ചിക്ക് കിലോയ്ക്ക് 230 രൂപയായി. സ്പ്രിങിന് കിലോയ്ക്ക് 340 രൂപയായി വര്ധിച്ചു.
ക്രിസ്മസ്, ന്യൂ ഇയര്, ആഘോഷങ്ങള്ക്ക് ശേഷവും സംസ്ഥാനത്തിനകത്തും പുറത്തുമുള്ള വന്കിട ഫാമുടമകള് കൃത്രിമ ക്ഷാമം സൃഷ്ടിച്ച് വില വര്ധിപ്പിക്കുകയാണെന്നാണ് വ്യാപാരികള് പറയുന്നത്.
