അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കരമന-കളിയിക്കാവിള റോഡില് പ്രാവച്ചമ്പലം, വെള്ളായണി, നേമം ജംഗ്ഷനുകളിലെ ട്രാഫിക് സിഗ്നല് ലൈറ്റുകള് പ്രവര്ത്തനരഹിതമായതിനെകുറിച്ച് ട്രാഫിക് അസിസ്റ്റന്റ് കമ്മീഷണറെ നിയോഗിച്ച് ജില്ലാ കളക്ടര് അന്വേഷിക്കണമെന്ന് മനുഷ്യാവകാശ കമ്മീഷന് ചെയര്പേഴ്സണ് ജസ്റ്റിസ് അലക്സാണ്ടര് തോമസ്. ട്രാഫിക് സിഗ്നല് ലൈറ്റുകള് ദീര്ഘകാലം പ്രവര്ത്തനരഹിതമായതിന്റെ ഉത്തരവാദികളെ കണ്ടെത്തണം. ഇവ പ്രവര്ത്തനരഹിതമാകാതിരിക്കാനുള്ള നടപടികള് സ്വീകരിക്കാന് ജില്ലാ കളക്ടര് ബന്ധപ്പെട്ട ഉദ്യോഗസ്ഥര്ക്ക് നിര്ദ്ദേശം നല്കണം.
റോഡിലെ സീബ്രാലൈനുകള് വ്യക്തമാണോ എന്ന് അസിസ്റ്റന്റ് കമ്മീഷണര് കണ്ടെത്തണം. അപകടങ്ങള് പതിവായ സ്ഥലങ്ങളില് ബ്ലാക്ക് സ്പോട്ടുകള് കണ്ടെത്തി അപകടങ്ങള് ആവര്ത്തിക്കാതിരിക്കാനുള്ള മുന്കരുതല് നടപടികള് സ്വീകരിക്കാന് ജില്ലാ കളക്ടര് ബന്ധപ്പെട്ടവര്ക്ക് നിര്ദ്ദേശം നല്കണം. ഉത്തരവിന്റെ അടിസ്ഥാനത്തില് സ്വീകരിച്ച നടപടികളെക്കുറിച്ചുള്ള ട്രാഫിക് അസിസ്റ്റന്റ് കമ്മീഷണറുടെ റിപ്പോര്ട്ട്, ജില്ലാ പോലീസ് മേധാവി (സിറ്റി) കമ്മീഷനില് സമര്പ്പിക്കണം. സിഗ്നല് ലൈറ്റ് സംബന്ധിച്ച് കെല്ട്രോണ് പ്രത്യേകം റിപ്പോര്ട്ട് സമര്പ്പിക്കണം.
ജില്ലാ കളക്ടര്, ജില്ലാ പോലീസ് മേധാവി, കെല്ട്രോണ് എം.ഡി. എന്നിവര്ക്ക് വേണ്ടി മുതിര്ന്ന ഉദ്യോഗസ്ഥരും ട്രാഫിക് അസിസ്റ്റന്റ് കമ്മീഷണറും ഫെബ്രുവരി 5 ന് ജസ്റ്റിസ് അലക്സാണ്ടര് തോമസ് കമ്മീഷന് ഓഫീസില് നടത്തുന്ന സിറ്റിംഗില് നേരിട്ട് ഹാജരാകണമെന്ന് ഉത്തരവില് പറഞ്ഞു. കരമന-കളിയിക്കാവിള റോഡില് ട്രാഫിക് ലൈറ്റുകള് കത്താത്തതു കാരണം അപകടങ്ങള് പതിവാകുന്നതിനെ കുറിച്ചുള്ള പത്രവാര്ത്തയുടെ അടിസ്ഥാനത്തില് കമ്മീഷന് സ്വമേധയാ രജിസ്റ്റര് ചെയ്ത കേസിലാണ് ഉത്തരവ്
CONTENT HIGH LIGHTS; Human Rights Commission should investigate the non-functioning traffic signal lights on the Karamana-Kaliikkavila road
