അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഇന്ത്യയുടെ 77-ാമത് റിപ്പബ്ലിക് ദിനം ആഘോഷിച്ച് ഒമാനിലെ ഇന്ത്യൻ എംബസി. ദേശീയ പതാക ഉയർത്തിയും ഇന്ത്യൻ സ്കൂൾ മസ്കത്തിലെ വിദ്യാർഥികൾ ദേശീയഗാനം ആലപിച്ചും പരുപാടി ആഘോഷിച്ചത്.
ഇന്ത്യൻ എംബസി ചാർജ് ഡി അഫയേഴ്സ് താവിഷി ബഹാൽ പാണ്ഡേ മഹാത്മാ ഗാന്ധിയുടെ പ്രതിമയിൽ പുഷ്പാർച്ചന നടത്തുകയും ചെയ്തു. ഒമാനിലെ ഇന്ത്യൻ സമൂഹത്തിലെ അംഗങ്ങളും ഇന്ത്യയുടെ സുഹൃത്തുക്കളും ഉൾപ്പെടെ വലിയ ജനപങ്കാളിത്തമാണ് ചടങ്ങിൽ ഉണ്ടായിരുന്നത്.
ഇന്ത്യൻ നാവികസേനയുടെ പൈതൃക കപ്പലായ ഐ.എൻ.എസ്.വി കൗണ്ടിന്യ പോർബന്ദറിൽ നിന്ന് മസ്കറ്റിലേക്കുള്ള ആദ്യ യാത്ര വിജയകരമായി പൂർത്തിയാക്കിയതിന്റെ പശ്ചാത്തലത്തിൽ, കപ്പലിന്റെ കമാൻഡർമാരായ വൈ. ഹെമന്തും വികാസ് ഷിയോരനും ചടങ്ങിൽ സാന്നിധ്യമറിയിച്ചു. നാവിക ഉദ്യോഗസ്ഥരുടെ സാന്നിധ്യവും പരിപാടിയിൽ ഉണ്ടായിരുന്നു. ഇന്ത്യയുടെ ഐക്യവും വൈവിധ്യവും ഓർമ്മിപ്പിക്കുന്ന ചടങ്ങുകളാണ് മസ്കറ്റിലെ ഇന്ത്യൻ എംബസി സംഘടിപ്പിച്ചത്.
