അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പൊതുഗതാഗത രംഗത്തെ തർക്കങ്ങൾ അക്രമത്തിലേക്ക് വഴിമാറുന്നു. മാവേലിക്കര ഡിപ്പോയിലെ കെഎസ്ആർടിസി ഡ്രൈവറെയും കണ്ടക്ടറെയും വഴിയിൽ തടഞ്ഞുനിർത്തി മർദ്ദിച്ച സംഭവത്തിൽ സ്വകാര്യ ബസ് ജീവനക്കാരെ മാന്നാർ പോലീസ് അറസ്റ്റ് ചെയ്തു.
തിരുവല്ല കുറ്റപ്പുഴ സ്വദേശി മിഥുൻമോൻ (35), മാവേലിക്കര ചെറുകോൽ സ്വദേശി ദേവപ്രസാദ് (26) എന്നിവരാണ് പോലീസിന്റെ പിടിയിലായത്. സ്വകാര്യ ബസ്സിലെ ഡ്രൈവറും കണ്ടക്ടറുമാണ് ഇരുവരും. ശനിയാഴ്ച ഉച്ചയ്ക്ക് ശേഷം മാന്നാർ-മാവേലിക്കര സംസ്ഥാന പാതയിലായിരുന്നു കേസിനാസ്പദമായ സംഭവം നടന്നത്.
കാരാഴ്മ ബസ് സ്റ്റോപ്പിന് സമീപം വെച്ചാണ് സംഘർഷമുണ്ടായത്. സർവീസ് നടത്തുന്നതിനിടെയുണ്ടായ തർക്കമാണ് അക്രമത്തിൽ കലാശിച്ചതെന്നാണ് പ്രാഥമിക വിവരം. കെഎസ്ആർടിസി ബസ് തടഞ്ഞുനിർത്തിയ പ്രതികൾ, ജീവനക്കാരെ അസഭ്യം പറയുകയും ശാരീരികമായി ഉപദ്രവിക്കുകയും ചെയ്തു. യാത്രക്കാർ നോക്കിനിൽക്കെയായിരുന്നു ഈ അതിക്രമം.
മർദ്ദനമേറ്റ കെഎസ്ആർടിസി ജീവനക്കാരുടെ പരാതിയിൽ കേസെടുത്ത മാന്നാർ പോലീസ് ഉടൻ തന്നെ പ്രതികളെ അറസ്റ്റ് ചെയ്യുകയായിരുന്നു
