അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ആറ്റുകാല് പൊങ്കാലയ്ക്ക് ശേഷമുള്ള ശുചീകരണ പ്രവര്ത്തനങ്ങള് നഗരത്തിന്റെ വിവിധ ഭാഗങ്ങളില് പുരോഗമിച്ചിരുന്നു. എന്നാല്, ചിലയിടങ്ങളില് മാലിന്യനീക്കം വൈകുന്നതായും ശുചീകരണത്തില് വീഴ്ചകള് സംഭവിക്കുന്നതായും വിവിധ മാധ്യമങ്ങള് റിപ്പോര്ട്ട് ചെയ്തത് ശ്രദ്ധയില്പ്പെട്ടിട്ടുണ്ട്.
ഭക്തജനലക്ഷങ്ങള് എത്തിയ ഉത്സവത്തിന് ശേഷം നഗരം എത്രയും വേഗം വൃത്തിയാക്കേണ്ടത് ആരോഗ്യ സുരക്ഷയ്ക്കും സുഗമമായ ഗതാഗതത്തിനും അത്യാവശ്യമാണ്. ഈ സാഹചര്യത്തില്, ശുചീകരണ പ്രവര്ത്തനങ്ങളില് എവിടെയെങ്കിലും വീഴ്ചയുണ്ടോ എന്ന് നേരിട്ട് പരിശോധിച്ച് അടിയന്തര റിപ്പോര്ട്ട് നല്കാന് തിരുവനന്തപുരം ആര്.ഡി.ഒ – യെ ചുമതലപ്പെടുത്തി.
തിരുവനന്തപുരം കോര്പ്പറേഷനാണ് ശുചീകരണ ചുമതല. എവിടെയെങ്കിലും പോരായ്മകള് ഉണ്ടെങ്കില് അവ പരിഹരിക്കാന് കര്ശനമായ ഇടപെടലുകള് ഉണ്ടാകും. ജനങ്ങളുടെ ബുദ്ധിമുട്ടുകള് പരിഹരിക്കാനും നഗരത്തെ പൂര്വ്വസ്ഥിതിയിലാക്കാനും സര്ക്കാര് പ്രതിജ്ഞാബദ്ധമാണ്.
