അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഇരുചക്ര വാഹന യാത്രക്കാരുടെ ജീവന് സുരക്ഷയൊരുക്കുന്നതിൽ ഹെൽമറ്റിനുള്ള പങ്ക് ഏറെവലുതാണ് . എന്നാൽ പലപ്പോഴും ഹെൽമറ്റ് ധരിക്കുന്നത് മുടി കൊഴിച്ചിലിനും തലയോട്ടിയിലെ പ്രശ്നങ്ങൾക്കും കാരണമാകുമെന്ന് പറഞ്ഞ് ഇത് ഒഴിവാക്കുന്നവരുണ്ട്.
പ്രത്യേകിച്ച് നനഞ്ഞ മുടിയോടെ ഹെൽമറ്റ് ധരിക്കുന്നത് മുടിയുടെ ആരോഗ്യത്തെ ഗുരുതരമായി ബാധിക്കുമെന്നാണ് വിദഗ്ധർ ചൂണ്ടിക്കാട്ടുന്നത്. കൃത്യമായ മുൻകരുതലുകൾ എടുത്താൽ മുടിയുടെ ഭംഗി നിലനിർത്തിക്കൊണ്ടുതന്നെ സുരക്ഷിതമായി യാത്ര ചെയ്യാൻ സാധിക്കും.
നനഞ്ഞ മുടിയോടെ ഹെൽമറ്റ് ധരിക്കുമ്പോൾ തലയ്ക്കുള്ളിൽ ഈർപ്പവും വിയർപ്പും തങ്ങിനിൽക്കാൻ ഇടയാക്കുന്നു. ഇത് മുടിയുടെ വേരുകളെ ദുർബലപ്പെടുത്തുകയും മുടി പൊട്ടിപ്പോകാൻ കാരണമാവുകയും ചെയ്യും. കൂടാതെ, ഈർപ്പമുള്ള അന്തരീക്ഷത്തിൽ ബാക്ടീരിയകളും ഫംഗസും അതിവേഗം വളരുന്നത് തലയോട്ടിയിൽ അണുബാധയ്ക്കും കടുത്ത താരനും വഴിവെക്കും.
തലയുടെ വലിപ്പത്തിന് അനുയോജ്യമല്ലാത്ത, അമിതമായി ഇറുകിയിരിക്കുന്ന ഹെൽമറ്റുകൾ ഉപയോഗിക്കുന്നതും മുടിവേരുകൾക്ക് സമ്മർദ്ദമുണ്ടാക്കി കൊഴിച്ചിൽ വർദ്ധിപ്പിക്കും.
