അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ബേക്കറികളിലും മറ്റും കിട്ടുന്ന ക്രിസ്പി സമൂസ എല്ലാവർക്കും ഇഷ്ടമാണ്. സാധാരണ സമൂസ തയ്യാറാക്കാൻ പ്രത്യേകം ഷീറ്റ് ആവശ്യമാണ്. എന്നാൽ എപ്പോഴും അത് വാങ്ങി സൂക്ഷിക്കാൻ സാധിക്കാതെ വരാം, അങ്ങനെയെങ്കിൽ പപ്പടം കൊണ്ട് സമൂസ റെഡിയാക്കാം.
ചേരുവകൾ
സവാള
കറിവേപ്പില
മുളകുപൊടി
മഞ്ഞൾപ്പൊടി
ഗരംമസാല
ഉപ്പ്
മൈദ
വെള്ളം
തയ്യാറാക്കുന്ന വിധം
ഇടത്തരം വലിപ്പമുള്ള രണ്ട് സവാള ചെറുതായി അരിഞ്ഞെടുക്കാം. അതിലേയ്ക്ക് കറിവേപ്പില അരിഞ്ഞു ചേർക്കാം. ആവശ്യത്തിന് മുളകുപൊടി, മഞ്ഞൾപ്പൊടി, ഉപ്പ്, ഗരംമസാല എന്നിവ ചേർത്തിളക്കി യോജിപ്പിക്കാം. ഒരു ചെറിയ ബൗളിൽ മൈദപ്പൊടിയെടുത്ത് വെള്ളം ഒഴിച്ചു കലക്കാം. മറ്റൊരു പാത്രത്തിൽ ചെറുചൂടുള്ള വെള്ളം ഒഴിച്ച് പപ്പടം അതിൽ മുക്കി കുതിർത്തെടുക്കാം. പപ്പടത്തിനുള്ളിലേയ്ക്ക് മസാലകൾ ചേർത്ത് റോൾ ചെയ്തെടുക്കാം. അരികുകൾ മൈദ ഉപയോഗിച്ച് ഒട്ടിക്കാം. അടി കട്ടിയുള്ള ഒരു പാൻ അടുപ്പിൽ വച്ചു ചൂടാക്കി ആവശ്യത്തിന് വെളിച്ചെണ്ണ ഒഴിക്കാം. അതിലേയ്ക്ക് പപ്പടം ചേർത്തു നന്നായി വറുക്കാം. പപ്പടം സമൂസ തയ്യാറായിരിക്കുന്നു.
