അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.നിയമസഭാ തിരഞ്ഞെടുപ്പിന് ദിവസങ്ങൾ മാത്രം ബാക്കിനിൽക്കെ ആവേശം വിതറാൻ മുഖ്യമന്ത്രി പിണറായി വിജയൻ ഇന്ന് തിരുവനന്തപുരത്ത് എത്തും. രാവിലെ 11 മണിക്ക് അരുവിക്കരയിൽ ആണ് ആദ്യ പൊതുയോഗം.
വൈകിട്ട് ശക്തമായ ത്രികോണ മത്സരം നടക്കുന്ന നേമം, വട്ടിയൂർക്കാവ്, കഴക്കൂട്ടം മണ്ഡലങ്ങളിലും പിണറായി വിജയൻ പ്രചാരണത്തിന് എത്തും . രാവിലെ 10 മണിക്ക് എകെജി സെൻ്ററിൽ മുഖ്യമന്ത്രി മാധ്യമങ്ങളെ കാണും.
ബിജെപി-സിപിഐഎം ഡീൽ ആരോപണം ആവർത്തിച്ച രാഹുൽ ഗാന്ധിക്ക് മുഖ്യമന്ത്രി ഇന്നെന്ത് മറുപടി നൽകുമെന്നതിലാണ് ആകാംക്ഷ.
കൂടാതെ എസ്ഡിപിഐ ബന്ധത്തെച്ചൊല്ലിയുള്ള ആരോപണങ്ങളും വാർത്താ സമ്മേളനങ്ങളിലെ വിവാദങ്ങളും സജീവ ചർച്ചയാകുന്ന സാഹചര്യത്തിൽ, ഈ വിഷയങ്ങളിലും മുഖ്യമന്ത്രിയുടെ ഭാഗത്തുനിന്നുണ്ടാകുന്ന പ്രതികരണങ്ങൾ രാഷ്ട്രീയ കേന്ദ്രങ്ങൾ ഉറ്റുനോക്കുകയാണ്.
ഇതോടൊപ്പം എല്ഡിഎഫിന് വോട്ടു തേടി സിപിഎം പി ബി അംഗം മറിയം ധാവ്ളെ ഇന്ന് മലബാറിലെത്തും.
