അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.എഫ്സിആര്എ ഭേദഗതി ബില് ഇന്ന് വീണ്ടും ലോക്സഭയില്. ഭേദഗതി നീക്കത്തിനെതിരെ വിവിധ ക്രൈസ്തവ സഭകളും രാഷ്ട്രീയ പാര്ട്ടികളും പ്രതിഷേധം ശക്തമാക്കിയിരിക്കേയാണ് ബില് ഇന്ന് വീണ്ടും സഭയിലെത്തുന്നത്. കേരളത്തില് നിന്നുള്ള യുഡിഎഫ്, എല്ഡിഎഫ് എംപിമാര് ഡല്ഹിയിലെത്തിയിട്ടുണ്ട്.
ബില്ലിനെതിരെ ശക്തമായ പ്രതിഷേധം തീര്ക്കാനാണ് പ്രതിപക്ഷ പാര്ട്ടികളുടെ നീക്കം. യുഡിഎഫ് എംപിമാരായ കൊടിക്കുന്നിൽ സുരേഷ് എംപി, ബെന്നി ബഹനാൻ, ഹൈബി ഈഡൻ, ഫ്രാൻസിസ് ജോർജ് എന്നിവർ നിയമഭേദഗതിയില് ലോക്സഭയിൽ അടിയന്തര പ്രമേയ നോട്ടീസ് നൽകി.
കേരളത്തിലും അസമിലും നിയമസഭ തെരഞ്ഞെടുപ്പ് നടക്കാനിരിക്കേ എഫ്സിആര്എ ഭേദഗതി ബില് ബിജെപിയെ വെട്ടിലാക്കിയിട്ടുണ്ട്. അതിനാല് തന്നെ വിവാദത്തില് നിന്ന് തലയൂരാന് ബിജെപിയും വീശദീകരണവുമായി രംഗത്തെത്തിയിട്ടുണ്ട്.
