അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരത്ത് സംഘർഷത്തിൽ പതിനേഴുകാരൻ കൊല്ലപ്പെട്ടു. പെരിങ്ങമല സ്വദേശി ശിവസൂര്യയാണ് മരിച്ചത്. രണ്ട് സുഹൃത്തുക്കൾ പോലീസ് കസ്റ്റഡിയിൽ. അജിത്, കാർത്തിക് എന്നിവരെയാണ് കസ്റ്റഡിയിലെടുത്തത്. ഇരുവരും ചേർന്ന് ആണ് പരിക്കേറ്റ ശിവസുര്യയെ ആശുപത്രിയിൽ എത്തിച്ചത്. ശരീരമാസകലം പരിക്കേറ്റ നിലയിലാണ് യുവാവിനെ ആശുപത്രിയിൽ കൊണ്ടുവന്നത്. മെഡിക്കൽ കോളേജിലേക്ക് മാറ്റുമ്പോഴേക്കും മരണം സംഭവിച്ചു.
ലഹരിപ്പുറത്തുണ്ടായ സംഘർഷത്തിനിടെയാണ് 17കാരൻ കൊല്ലപ്പെട്ടതെന്നാണ് പ്രാഥമിക വിവരം. പുന്നമൂട് ജംഗ്ഷനിൽവെച്ച് ഇവർ സംഘർഷത്തിൽ ഏർപ്പെടുകയായിരുന്നു. ഇതിനിടെ ശിവസൂര്യ ചില്ല് ഗ്ലാസിന് പുറത്തേക്ക് വീഴുകയായിരുന്നു. ചില്ലുകൾ ശരീരത്തിൽ കുത്തിക്കയറിയാണ് മരണം സംഭവിച്ചതെന്നാണ് വിവരം. കൊലപാതകമാണോയെന്ന് പൊലീസ് പരിശോധിച്ചുവരികയാണ്. സമീപത്തെ സിസിടിവി ദൃശ്യങ്ങളും പരിശോധിക്കുന്നുണ്ട്.
Story Highlights : Seventeen-year-old killed in clash in Thiruvananthapuram; two in custody
