അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നിക്ഷേപ തട്ടിപ്പിന്റെ കഥയാണ് കോഴിക്കോടു നിന്നും വരുന്നത്. നിക്ഷേപകരെല്ലാം കബളിപ്പിക്കപ്പെട്ടതോടെ നിക്ഷേപം നടത്താന്‍ വാദ്ഗാനം ചെയ്ത മൂസ ഹാജി എന്ന തട്ടിപ്പുകാരനെതിരേ ഒന്നിച്ചിരിക്കുകയാണ്. കെ.എം ബഷീര്‍ എന്നയാളുടെ ഫേസ്ബുക്ക് പോസ്റ്റില്‍ നിക്ഷേപകരുടെ ഒത്തു ചേരലിന്റെ വീഡിയോയും പോസ്റ്റും ഇട്ടിട്ടുണ്ട്. കോടികളുടെ നിക്ഷേപവുമായാണ് മൂസഹാജി മുങ്ങിയതെന്നാണ് ആക്ഷേപം. നിക്ഷേപം നടത്തിയവരുടെ വലിയൊരു കൂട്ടമാണ് വീഡിയോയില്‍ കാണാനാകുന്നത്. പലപല കമ്പനികളുടെ പേരിലാണ് നിക്ഷേപം സ്വീകരിച്ചിരിക്കുന്നത്. പണം നിക്ഷേപിക്കുന്നവര്‍ക്ക് ആ പണം ഇരട്ടിപ്പിച്ചു നല്‍കുമെന്ന വാദ്ഗാനം നല്‍കിയാണ് നിക്ഷേപം നടത്തിച്ചിരിക്കുന്നത്. അപ്പോളോ ഗോള്‍ഡ്, അപ്പോളോ ഡിമോറ, മഞ്ചേരിയില്‍ ഉള്ള സമാന ബിസിനസ് ഗ്രൂപ്പ്, ഹാപ്പിനസ് ആശുപത്രി പ്രൊജക്റ്റ് എന്നിവയിലാണ് നിക്ഷേപം നടത്തിച്ചിരിക്കുന്നത്.
ഇതില്‍ അപ്പോളോ ജ്വല്ലറിയില്‍ നിക്ഷേപം നടത്തിച്ചയാളാണ് മൂസഹാജി. ഇയാള്‍ പറഞ്ഞതിന്റെ അടിസ്ഥാനത്തില്‍ ലക്ഷങ്ങള്‍ നിക്ഷേപിച്ചവരുണ്ട്. അത്തരം ആള്‍ക്കാരാണ് പ്രതിഷേധിച്ച് ഒത്തു കൂടിയത്.
അപ്പോളോ ഗോള്‍ഡ് നിക്ഷേപകരുടെ പ്രധാന ആവശ്യങ്ങള്‍
1. നഷ്ടപ്പെട്ട നിക്ഷേപത്തുക തിരികെ ലഭിക്കുക.
2. അപ്പോളോ മൂസാഹാജിയുമായും ബന്ധപ്പെട്ടവരുമായും നിയമപരമായി ഇടപെട്ട് പണം വീണ്ടെടുക്കുക.
3. നിക്ഷേപകരുടെ പരാതികളില്‍ നിഷ്പക്ഷമായ അന്വേഷണം നടത്തുക.
4. ഉത്തരവാദികളായവര്‍ക്കെതിരെ നിയമാനുസൃത നടപടി സ്വീകരിക്കുക.
5. പാവപ്പെട്ട നിക്ഷേപകര്‍ക്ക് നീതിയും സാമ്പത്തിക സംരക്ഷണവും ഉറപ്പാക്കുക.
നിക്ഷേപകര്‍ക്ക് വേണ്ടത് വാഗ്ദാനങ്ങളല്ല, നഷ്ടപ്പെട്ട പണവും നീതിയുമാണെന്നും അവര്‍ പറയുന്നുണ്ട്. ഇതുമായി ബന്ധപ്പെട്ട് പോലീസിനെതിരേയും ആക്ഷേപം ഉന്നയിക്കുന്നുണ്ട്. നിക്ഷേപിച്ച കമ്പനികളുമായും, കമ്പനി ഉടമകളുമായും പോലീസിന് അവിശുദ്ധ ബന്ധമുണ്ടെന്നാണ് ആക്ഷേപം. കെ.എം. ബഷീറിന്റെ ഫേസ്ബുക്ക് പോസ്റ്റിലും പോലീസിന്റെ വിശ്വാസ്യതയെ ചോദ്യം ചെയ്യുന്നുണ്ട്.
ഫേസ്ബുക്ക് പോസ്റ്റ് ഇങ്ങനെ ?
അപ്പോളോ ഗോള്‍ഡ്, അപ്പോളോ ഡിമോറ, മഞ്ചേരിയില്‍ ഉള്ള സമാന ബിസിനസ് ഗ്രൂപ്പ്, ഹാപ്പിനസ് ആശുപത്രി പ്രൊജക്റ്റ് എന്നിവയുടെ കടലാസ് മുതലാളിമാരുമായി കേരളത്തിലെ പോലീസിന് എന്താണ് ഇത്രയും വലിയ ഹൃദയബന്ധം ?
ആയിരക്കണക്കിനാളുകളില്‍ നിന്നും കോടി കണക്കിന് രൂപ തന്ത്രപരമായി സമാഹരിച്ച് ദുബായിലെക്ക് ഒളിച്ചോടിയ ചേലപ്പറമ്പില്‍ മൂസഹാജി എന്ന അപ്പോളോ മൂസ ഹാജിയെയും കുടുംബത്തേയും, ചേലപറമ്പില്‍ ബഷീര്‍. സാബിത്ത് .ജാവ മൂസ്സഹാജി എന്ന കള്ളന് കഞ്ഞി വിളമ്പിയവര്‍, അതു പോലെ OMA റഷീദ് എന്നിവരുമായി കേരള പോലീസിലെ ചില കറുത്ത കരങ്ങള്‍ക്ക് മാനസി കമായി വലിയ അടുപ്പമാണത്രെ.
കോഴിക്കോട് ചിന്താവളപ്പിലുള്ള ക്രൈം ബ്രാഞ്ച് എസ്.പി.ഓഫീസിലെ ചില ഉന്നതര്‍ക്കും അപ്പോളോ കേസ്സ് അട്ടി മറിക്കുന്നതില്‍ വ്യക്തമായ പങ്കുണ്ടെന്ന് എനിക്ക് നേരിട്ട് ബോധ്യമായിട്ടുണ്ട്. വഞ്ചിക്കപ്പെട്ട ഇരകളെ നിരുത്സാ ഹപ്പെടുത്തിയും , നിരാശരാക്കിയും കേസില്‍ നിന്ന് പിന്നോട്ടടിപ്പിക്കുവാന്‍ കോഴിക്കോട് ക്രൈം ബ്രാഞ്ചിലെ സാജന്‍ അടക്കം ചില ഉദ്യോഗസ്ഥര്‍ ഇടപെട്ടതിന്റെ ദ്യക് സാക്ഷിയാണ് ഞാന്‍ -പിണറായി സര്‍ക്കാരിന്റെ കാലത്ത് അപ്പോളോ ഗ്രൂപ്പ് -അനുബന്ധ തട്ടിപ്പ് സംഘത്തിന് പോലീസ് -ക്രൈംബ്രാഞ്ചി ല്‍ നിന്നും കനത്ത സഹായംലഭ്യമായി.
അപ്പോളോ കൊള്ളക്കാര്‍ക്കെതിരെ ശബ്ദമുയര്‍ത്തുന്നവരെ ഭീഷണിപ്പെടു ത്തി ഒതുക്കിനിര്‍ത്തുന്ന ഉന്നത പോലീ സ് ഉദ്യോഗസ്ഥരെ കുറിച്ചും വിശ്വാസ യോഗ്യമായ വിവരങ്ങള്‍ കിട്ടിയിട്ടുണ്ട് – അതില്‍ ഒരു അഴിമതിക്കാരനായ ഉദ്യോഗസ്ഥന്‍ ക്രൈം ബ്രാഞ്ചില്‍ എസ്.പി. ആയി പ്രവര്‍ത്തിക്കുന്നുണ്ട്. ഇനിയും ഈ ഒത്തുകളി അനുവദിക്കു കയില്ല. മൂസ ഹാജിയും ,മകന്‍ ജുനൈ ദും മറ്റുചിലദല്ലാളുമാരുമൊത്ത് വഞ്ചി ച്ച സാധാരണക്കാരെ ഒറ്റുകൊടുക്കു വാന്‍ നമ്മുടെ നികുതി പണം കൊണ്ട് അന്നം കഴിക്കുന്ന പോലീസിലെ ചില ചതിയന്‍ ഇത്തി കണ്ണികള്‍ മുന്നോട്ടു വരികയാണെങ്കില്‍ ശക്തമായി തടയു കയും നേരിടുകയും ചെയ്യും -കോഴിക്കോട് ക്രൈംബ്രാഞ്ചിലെ സാജന്‍,സ്ഥലം മാറിപ്പോയ സുകു അടങ്ങുന്ന ഒരു സംഘത്തിന്റെ പിന്നാ മ്പുറങ്ങള്‍ അരിച്ചു പെറുക്കി അന്വേഷിക്കണം.
