അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.സമൂഹമാധ്യമത്തില്‍ പെണ്‍കുട്ടിക്കെതിരെ അശ്ലീല കമന്റിട്ട സംഭവത്തില്‍ ഒരാളെ പൊലീസ് അറസ്റ്റ് ചെയ്തു. കോഴിക്കോട് പയ്യോളി സ്വദേശിയായ വിമല്‍ കുമാറിനെയാണ് (43) കണ്ണൂര്‍ മുഴക്കുന്ന് പോലീസ് അറസ്റ്റ് ചെയ്തത്. ഇയാള്‍ക്കെതിരെ പോക്സോ വകുപ്പ് പ്രകാരമാണ് കേസെടുത്തിരിക്കുന്നത്.
കഴിഞ്ഞ 23-ാം തിയ്യതിയാണ് കേസിനാസ്പദമായ സംഭവം നടന്നത്. മുഴക്കുന്ന് സ്വദേശിയായ ഒരു രാഷ്ട്രീയ പാര്‍ട്ടി പ്രാദേശിക നേതാവ് മത്സരപരീക്ഷയില്‍ വിജയിച്ച പെണ്‍കുട്ടിയെ അഭിനന്ദിച്ചുകൊണ്ട് സമൂഹമാധ്യമത്തില്‍ ചിത്രം പങ്കുവെച്ചിരുന്നു.
ഈ പോസ്റ്റിന് താഴെയാണ് വിമല്‍ കുമാര്‍ അശ്ലീലവും വിദ്വേഷവും നിറഞ്ഞ പരാമര്‍ശം നടത്തിയത്. പെണ്‍കുട്ടിയുടെ പരാതിയില്‍ കേസെടുത്ത പോലീസ് ഇയാളെ പിടികൂടുകയായിരുന്നു. അറസ്റ്റിലായ വിമല്‍ കുമാറിനെ കോടതി 14 ദിവസത്തേക്ക് റിമാന്‍ഡ് ചെയ്തു.
