അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.സംസ്ഥാന സ്കൂൾ കായികമേളയിൽ മികച്ച പ്രകടനം കാഴ്ചവച്ച കായിക പ്രതിഭകൾക്ക് കേരളത്തിലെ കായികതാരങ്ങളുടെ ക്ഷേമത്തിനായി പ്രവർത്തിച്ചുവരുന്ന അത് ലറ്റ്സ് വെൽഫെയർ അസോസിയേഷൻ (അശ്വാ) കായിക പുരസ്ക്കാരങ്ങൾ പ്രഖ്യാപിച്ചു.
അശ്വ ബെസ്റ്റ് അത്‌ലറ്റ് അവാർഡ് (ശ്രീഹരി കാരിക്കൻ, നിവേദ്യ.കെ) എന്നിവർക്ക് 15,000 രൂപ, മികച്ച കായിക താരങ്ങൾ(അമീഷ കെ.എ, ജിൽഷ ജിനിൽ (10,000) രൂപ എന്നിങ്ങനെ ക്യാഷ് അവാർഡും , സർട്ടിഫിക്കറ്റും, ഫലകവുമാണ് പുരസ്ക്കാരം. മൂവാറ്റുപുഴ കബനി പാലസിൽ ഡിസംബർ 9ന് നടക്കുന്ന ചടങ്ങിൽ പുരസ്ക്കാരങ്ങൾ സമർപ്പിക്കുമെന്ന് അത് ലറ്റ്സ് വെൽഫെയർ അസോസിയേഷൻ (അശ്വാ) ഭാരവാഹികൾ അറിയിച്ചു. അശ്വ പ്രസിഡന്റും, കസ്‌റ്റംസ് ഡെപ്യൂട്ടി കമ്മീഷണറുമായ റോയി വർഗ്ഗീസ് ഐ ആർ എസ്, സ്പോട്സ് റിപ്പോർട്ടർ സനൽ പി തോമസ്, രാജ്യാന്തര കായിക താരങ്ങളായ, ജീഷ്, രാജാസ് തോമസ്, കെ.സുരേന്ദ്രൻ എന്നിവരടങ്ങിയ അഞ്ചംഗ കമ്മറ്റിയാണ് അവാർഡ് ജേതാക്കളെ തെരഞ്ഞെടുത്തത്.
