അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഏറെ ഗുണങ്ങൾ നിറഞ്ഞ പാനീയമാണ് കാപ്പി. ഹൃദയാരോഗ്യം മുതൽ അമിതഭാരം കുറയുന്നതിന് വരെ ഒരുപരിധി വരെ കാപ്പി സഹായിക്കുന്നു എന്ന് വേണം പറയാൻ. അതേസമയം എല്ലാവരുടേയും ശരീരത്തിന് യോജിച്ച പാനീയമല്ല കാപ്പി എന്ന് കൂടി പറയേണ്ടിവരും. ചില പ്രത്യേക ആരോഗ്യ വിഭാഗത്തിലുള്ളവർ കാപ്പി കുടിക്കുന്നതിൽ നിന്ന് വിട്ടുനിൽക്കണമെന്ന് ആരോഗ്യ വിദഗ്ധർ പറയുന്നത്.
കാപ്പി കുടിക്കുന്നത് ശരീരത്തിന് ഉണർവേകാൻ സഹായിക്കുന്നതിനൊപ്പം ഉറക്കവും കളയുന്നു. അതുകൊണ്ട് തന്നെ ഉറക്ക കുറവുള്ളവർ കാപ്പി കുടിക്കുന്നത് നിയന്ത്രിക്കണമെന്നാണ് സ്ലീപ് ഫൗണ്ടേഷൻ നിർദേശിക്കുന്നത്.ഉത്കണ്ഠ രോഗമുള്ളവരിൽ കാപ്പി കുടിക്കുന്നത് ഇത് വർധിപ്പിക്കാൻ കാരണമാകുമെന്ന് ചില പഠനങ്ങൾ ചൂണ്ടിക്കാട്ടുന്നു.
ഗ്ലൂക്കോമ രോഗമുള്ളവർ കാപ്പി കുടിക്കുന്നത് ഇൻട്രാഒക്കുലാർ സമ്മർദം വർധിപ്പിക്കുന്നതിന് കാരണമാകുമെന്ന് ഏഞ്ചൽ പ്ലാനൽ വിവിധ പഠനങ്ങൾ പറയുന്നത്.അതുപോലെ ഇറിറ്റബിൾ ബൽ സിൻഡ്രം അഥവാ ഐബിഎസ് ഉള്ളവർ കാപ്പി കുടിക്കരുതെന്നാണ് സിയാറ്റിൽ ആസ്ഥാനമായി പ്രവർത്തിക്കുന്ന ന്യൂട്രീഷണിസ്റ്റ് ഏഞ്ചൽ പ്ലാനൽ പറയുന്നത്. ഇത്തരക്കാർ കാപ്പി കുടിക്കുന്നതോടെ വയറിളക്കത്തിനും മറ്റും സാധ്യതയുണ്ട്.
കാപ്പി കുടിക്കുന്നത് രക്ത സമ്മർദം വർധിപ്പിക്കുകയും ഹൃദയമിടിപ്പ് കൂട്ടുകയും ചെയ്യും. അതുകൊണ്ട് തന്നെ അരിത്മിയ പോലെ, ഹൃദയമിടിപ്പ് വേഗത്തിലുള്ളവർ കാപ്പി കുടിക്കുന്നതിൽ നിന്ന് വിട്ട് നിൽക്കണമെന്ന് രജിസ്റ്റേർഡ് ഡയറ്റീഷ്യൻ കെല്ലി മക്ഗ്രേൻ പറയുന്നു.ഇടയ്ക്കിടെ മൂത്രമൊഴിക്കാനുള്ള പ്രവണതയുള്ളവർ കാപ്പി പരമാവധി ഒഴിവാക്കണമെന്ന് ഡയറ്റീഷ്യൻ സൂ ഹൈകിനേൻ പറയുന്നു.
