അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.സ്ത്രീകളിൽ സാധാരണയായി കാണുന്ന ഒരു അസുഖമാണ് പിസിഒഡി. ഇതൊരു ജീവിതശൈലീരോഗമാണ്. ശരീരത്തിലെ കോശങ്ങൾ ശരീരം ഉൽപാദിപ്പിക്കുന്ന ഇൻസുലിനോട് പ്രതികരിക്കാതെ ഇരിക്കുമ്പോൾ തുടർന്നുണ്ടാകുന്ന ഹോർമോണൽ വ്യതിയാനങ്ങളാണ് പിസിഒഡിക്ക് കാരണം.ആർത്തവത്തിന്റെ തുടക്കം മുതൽ ആർത്തവവിരാമം വരെ ഏതു പ്രായത്തിലുള്ള സ്ത്രീകളിലും ഇത് ഉണ്ടാകാം . ക്രമരഹിതമായ ആർത്തവചക്രം ശരീരത്തിലെ അമിതമായ രോമവളർച്ച, തലമുടി കൊഴിച്ചിൽ, മുഖക്കുരു, പൊണ്ണത്തടി, വന്ധ്യത എന്നിവയാണ് ഇതിന്റെ ചില ലക്ഷണങ്ങൾ.
ശരീരത്തിലെ പല അവയവങ്ങളെയും ഇത് ബാധിക്കാം. ഈ അവസ്ഥമൂലം ഓവുലേഷൻ കൃത്യമായി നടക്കാതിരിക്കുകയും വന്ധ്യതയിലേക്കു കൊണ്ടെത്തിക്കുകയും ചെയ്തേക്കാം. പിസിഒഡി ഉള്ളവർക്ക് ഭാവിയിൽ ഉയർന്ന രക്തസമ്മർദം, പ്രമേഹം, ഹൃദ്രോഗം, ഗർഭാശയത്തിലെ കാൻസർ എന്നീ രോഗങ്ങൾ ഉണ്ടാകാനുള്ള സാധ്യതയുണ്ട്. കൃത്യമായ ചികിത്സയിലൂടെ ഭേദപ്പെടുത്തിയെടുക്കാൻ കഴിയും . വ്യായാമത്തിലൂടെയും ക്രമീകൃത ആഹാരത്തിലൂടെയും അമിതവണ്ണം കുറയ്ക്കുക. എങ്കിലും ഓരോരുത്തരുടെയും അവസ്ഥ അനുസരിച്ചാണ് ചികിത്സ തേടുക.
ചികിത്സക്ക് അനുസരിച്ച് വ്യായാമം ചെയ്യുകയും ഭക്ഷണം ക്രമീകരിക്കുകയും ചെയ്യുക . ഇൻസുലിൻ പ്രവർത്തനം കൃത്യമാകാനുള്ള മരുന്ന്,അണ്ഡോൽപാദനം നടക്കാനുള്ള മരുന്ന് എന്നിവ ഉപയോഗിക്കുകയും വേണം. ഇതൊന്നും ശരിയായില്ലെങ്കിൽ കീഹോൾ ശസ്ത്രക്രിയ നടത്തണം.
