അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
തിരുവനന്തപുരം: മെഡിക്കല്‍ കോളേജ് ആശുപത്രിയില്‍ ചികിത്സയില്‍ കഴിയുന്ന അമ്മയ്ക്ക് കൂട്ടിരിക്കാനെത്തിയ ഭിന്നശേഷിക്കാരിയായ യുവതിയെ പീഡിപ്പിച്ച ആംബുലന്‍സ് ഡ്രൈവര്‍ അറസ്റ്റില്‍. ആറ്റിങ്ങല്‍ മടവൂര്‍ സ്വദേശി സന്ദീപാണ് പിടിയിലായത്. പോക്‌സോ കേസുകളില്‍ പ്രതിയാണ് ഇയാള്‍. ജൂലൈ 30നാണ് സംഭവം നടന്നത്.
ഭക്ഷണം വാങ്ങാനായി പുറത്തുപോയ യുവതിയെ കാറില്‍ കയറ്റി കൊണ്ടുപോയി പീഡിപ്പിക്കുകയായിരുന്നു. പിന്നീട് ആശുപത്രി പരിസരത്ത് ഇറക്കിവിട്ടു. തിരിച്ചെത്തിയ യുവതിയുടെ വസ്ത്രങ്ങള്‍ കീറയതും ശരീരത്തിലെ രക്തപാടുകളും ശ്രദ്ധിച്ച വാര്‍ഡിലുളളവര്‍ ഡോക്ടര്‍മാരെ വിവരം അറിയിക്കുകയായിരുന്നു. പിന്നീട് പൊലീസെത്തി യുവതിയെ എസ്എടിയിലേക്ക് മാറ്റി. വൈദ്യപരിശോധനയില്‍ ലൈംഗിക പീഡനം നടന്നുവെന്ന് തെളിഞ്ഞിരുന്നു.
