അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മാമാങ്കം നായിക പ്രാചി തെഹ്ലാന് വിവാഹിതയാകുന്നു. ഓഗസ്റ്റ് ഏഴിനാണ് വിവാഹം. ഡല്ഹി സ്വദേശിയായ ബിസിനസുകാരന് രോഹിത് സരോഹയാണ് പ്രാചിയുടെ വരന്. ഇരുവരും 2012 മുതല് പ്രണയത്തിലായിരുന്നു. കോവിഡ് പശ്ചാത്തലത്തില് എല്ലാ വിധ മുന്കരുതലോടെയാകും ചടങ്ങുകള് നടക്കുന്നതെന്ന് നടി വ്യക്തമാക്കി.
നിശ്ചയം രാവിലെയും വിവാഹം വൈകിട്ടുമായിരിക്കും നടക്കുക. 50 പേരെയാണ് ക്ഷണിച്ചിട്ടുള്ളത്. അതിഥികളോട് മാസ്ക് ധരിക്കാന് ആവശ്യപ്പെട്ടിട്ടുണ്ട്. വിവാഹ വേദിയിലും മാസ്കും സാനിറ്റൈസറുമുണ്ടായിരിക്കുമെന്നും പ്രാചി അറിയിച്ചു.
