പുതിയ രണ്ട്​ വാർത്തവിനിമയ ഉപഗ്രഹങ്ങള്‍ വിക്ഷേപിക്കാനൊരുങ്ങി അബൂദബി

പു​തി​യ ര​ണ്ടു വാ​ർ​ത്താ​വി​നി​മ​യ ഉ​പ​ഗ്ര​ഹ​ങ്ങ​ള്‍ വി​ക്ഷേ​പി​ക്കാ​നൊ​രു​ങ്ങി അ​ബൂ​ദ​ബി ആ​സ്ഥാ​ന​മാ​യി പ്ര​വ​ര്‍ത്തി​ക്കു​ന്ന അ​ല്‍ യാ​ഗ് സാ​റ്റ​ലൈ​റ്റ് ക​മ്യൂ​ണി​ക്കേ​ഷ​ന്‍സ് ക​മ്പ​നി​യാ​യ പി.​ജെ.​എ​സ്.​സി (യ​ഹ്‌​സാ​ത്). പ​ശ്ചി​മേ​ഷ്യ, ആ​ഫ്രി​ക്ക, യൂ​റോ​പ്പ്, ഏ​ഷ്യ എ​ന്നി​വി​ട​ങ്ങ​ളി​ലു​ട​നീ​ളം സ​ര്‍ക്കാ​ര്‍ ത​ല വാ​ർ​ത്താ​വി​നി​മ​യ ബ​ന്ധ​ങ്ങ​ൾ ഉ​റ​പ്പാ​ക്കു​ന്ന​തി​നാ​ണ്​​ ഉ​പ​ഗ്ര​ഹ​ങ്ങ​ള്‍ വി​ക്ഷേ​പി​ക്കു​ന്ന​ത്. ആ​ദ്യ ഉ​പ​ഗ്ര​ഹം 2027ലും ​ര​ണ്ടാ​മ​ത്തെ ഉ​പ​ഗ്ര​ഹം 2028ലു​മാ​ണ് വി​ക്ഷേ​പി​ക്കു​ക. അ​ല്‍ യാ​ഹ് 4 ആ​ണ് 2027ല്‍ ​വി​ക്ഷേ​പി​ക്കു​ക. അ​ല്‍ യാ​ഹ്(5) 2028ലും ​വി​ക്ഷേ​പി​ക്കും.

2011ല്‍ ​ഭ്ര​മ​ണ​പ​ഥ​ത്തി​ലെ​ത്തി​ച്ച അ​ല്‍ യാ​ഹ് 1, 2012ല്‍ ​വി​ക്ഷേ​പി​ച്ച അ​ല്‍ യാ​ഹ് 2 എ​ന്നി​വ​ക്ക് പ​ക​ര​മാ​യാ​ണ് പു​തു​താ​യി ഉ​പ​ഗ്ര​ഹ​ങ്ങ​ള്‍ വി​ക്ഷേ​പി​ക്കു​ന്ന​തെ​ന്ന് യ​ഹ്‌​സാ​ത് ഗ്രൂ​പ് സി.​ഇ.​ഒ അ​ലി അ​ല്‍ ഹാ​ഷി​മി പ​റ​ഞ്ഞു. ബ​ഹി​രാ​കാ​ശം കേ​ന്ദ്ര​മാ​യി വാ​ർ​ത്ത​വി​നി​മ​യ ശേ​ഷി ശ​ക്തി​പ്പെ​ടു​ത്തു​ന്ന​തി​നു​ള്ള ല​ക്ഷ്യ​ങ്ങ​ള്‍ക്ക് ക​രു​ത്തു​പ​ക​രു​ന്ന​താ​വും പു​തി​യ ര​ണ്ടു ഉ​പ​ഗ്ര​ഹ​ങ്ങ​ളെ​ന്നും അ​ദ്ദേ​ഹം പ​റ​ഞ്ഞു. യൂ​റോ​പ്യ​ന്‍ ക​മ്പ​നി​യാ​യ എ​യ​ര്‍ബ​സ് ആ​ണ് അ​ല്‍ യാ​ഹ് 4, 5 ഉ​പ​ഗ്ര​ഹ​ങ്ങ​ളു​ടെ രൂ​പ​ക​ല്‍പ​ന​യും നി​ര്‍മാ​ണ​വും ന​ട​ത്തു​ന്ന​ത്. 390 കോ​ടി ദി​ര്‍ഹ​മാ​ണ് ഇ​രു ഉ​പ​ഗ്ര​ഹ​ങ്ങ​ളു​ടെ​യും ആ​കെ ചെ​ല​വ് ക​ണ​ക്കാ​ക്കു​ന്ന​ത്.