അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.രാജ്‌കോട്ട്: പ്രശസ്ത നടനും ചലച്ചിത്ര സംവിധായകനുമായ പൃഥ്വിരാജ് സുകുമാരന്‍ നിയോ ഫിലിം റിപ്പബ്ലിക് കൊച്ചി ഇന്റര്‍നാഷണല്‍ ഫിലിം ഫെസ്റ്റിവല്‍ വെബ്‌സൈറ്റ് ലോഞ്ച് ചെയ്തു. ഫെസ്റ്റിവല്‍ ഡയറക്ടര്‍ ഡോ. ജെയ്ന്‍ ജോസഫ്, ഫെസ്റ്റിവല്‍ എക്‌സിക്യുട്ടീവ് ഡയറക്ടര്‍ ശ്രീ. ലിയോ തദ്ദേവൂസ് എന്നിവരും പൃഥ്വിരാജിനൊപ്പം ചടങ്ങില്‍ പങ്കെടുത്തു. അദ്ദേഹത്തിന്റെ ഏറ്റവും പുതിയ ചിത്രമായ എമ്പുരാന്റെ ഷൂട്ടിങ് സെറ്റില്‍ വെച്ചായിരുന്നു വെബ്‌സൈറ്റ് ലോഞ്ച് ചെയ്തത്. ഗുജറാത്തിലെ രാജ്‌കോട്ടിലാണ് ഇപ്പോള്‍ ചിത്രീകരണം നടക്കുന്നത്.
”ധര്‍മം, നീതി, സന്തോഷം” എന്ന തീമിലാണ് ഈ ഫിലിം ഫെസ്റ്റിവല്‍ നടക്കുന്നത്. ആശംസ പ്രസംഗത്തില്‍, പൃഥ്വിരാജ് സുകുമാരന്‍, സംരംഭത്തില്‍ പങ്കെടുക്കുന്ന എല്ലാ നവ സംവിധായകര്‍, സാങ്കേതിക വിദഗ്ധര്‍, ക്രീയേറ്റിവ് ആളുകള്‍ എന്നിവര്‍ക്ക് വിജയാശംസകള്‍ നേര്‍ന്നു. യുവ തലമുറക്കും ചലച്ചിത്രത്തെ സ്നേഹിക്കുന്ന എല്ലാവര്‍ക്കും മഹത്തായ അവസരം ആയിരിക്കും കൊച്ചി ഇന്റര്‍നാഷണല്‍ ഫിലിം ഫെസ്റ്റിവലെന്ന് ചെയര്‍മാന്‍ ശ്രീ. സിബി മലയിലില്‍ പറഞ്ഞു.
NFR കൊച്ചി ഇന്റര്‍നാഷണല്‍ ഫിലിം ഫെസ്റ്റിവല്‍, നിയോ ഫിലിം സ്‌കൂള്‍ സംഘടിപ്പിക്കുന്ന മൂന്ന് മാസം നീളുന്ന ഒരു ഇവന്റ് ആണ്. ഫെസ്റ്റിവല്‍, കൊച്ചിയിലെ താജ് വിവാന്തയില്‍ കല, സംസ്‌കാരം, സിനിമാറ്റിക് മികവ് എന്നിവയില്‍ മൂന്ന് ദിവസത്തെ ഗ്രാന്‍ഡ് സമ്മിറ്റ് ആയി സമാപിക്കുന്നതും ആണ്.
