അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കൗതുകം ഉണര്‍ത്തുന്ന പല വീഡിയോകളും ഇന്ന് നാം സോഷ്യല്‍ മീഡിയയില്‍ കാണാറുണ്ട്. ചില വീഡിയോസ് ഒക്കെ കണ്ട് നമ്മള്‍ ഞെട്ടി ഇരിക്കാറുമുണ്ട്. അത്തരത്തിലുള്ള ഒരു പുതിയ വീഡിയോ ആണ് സമൂഹ മാധ്യമങ്ങളില്‍ വലിയ ചര്‍ച്ചയായിരിക്കുന്നത്. ഒരു റസ്റ്റോറന്റിലെ വെയ്റ്റര്‍ തന്റെ രണ്ട് കൈകള്‍ കൊണ്ടും ഒരേസമയം വലിയ ട്രേയില്‍ നിറയെ ഭക്ഷണങ്ങള്‍ ചുമന്നു കൊണ്ടുവരുന്ന ഒരു വീഡിയോ ആണ് ഇപ്പോള്‍ വൈറലായി പോകുന്നത്.
ഏത് റസ്റ്റോറന്റ് ആണെന്നോ ഏത് രാജ്യമാണെന്നോ ഒന്നും തന്നെ വീഡിയോയില്‍ പറഞ്ഞിട്ടില്ല. പക്ഷേ മിനിട്ടുകള്‍ക്കുള്ളില്‍ തന്നെ വീഡിയോ വൈറല്‍ ആവുകയും മൂന്നു ലക്ഷത്തോളം ലൈക്കുകള്‍ ഈ വീഡിയോയ്ക്ക് ലഭിക്കുകയും ചെയ്തു. വെയിറ്റര്‍ ഈ രണ്ടു വലിയ ട്രേയും പിടിച്ചുകൊണ്ട് സാമാന്യം നല്ല ദൂരം തന്നെ ഹോട്ടലിന്റെ ടേബിള്‍ ഭാഗത്തേക്ക് നടക്കുന്നുണ്ട്. അതോടൊപ്പം ഇയാള്‍ പടികള്‍ കയറുന്നതും നമുക്ക് വീഡിയോയില്‍ കാണാം. നിരവധി പേരാണ് വീഡിയോയ്ക്ക് കമന്റ് ചെയ്ത് രംഗത്തെത്തിയത്. സമ്മിശ്ര പ്രതികരണമാണ് വീഡിയോയ്ക്ക് ലഭിച്ചുകൊണ്ടിരിക്കുന്നത്.
അദ്ദേഹത്തിന്റെ ഈ കഴിവിനെ പ്രശംസിച്ചുകൊണ്ട് ധാരാളം കമന്റുകള്‍ എത്തിയിട്ടുണ്ട്. ‘അദ്ദേഹത്തിന്റെ ബാലന്‍സിനൊപ്പം ശക്തി കൂടിയാണ് ഈ വീഡിയോയില്‍ കാണുന്നത്’ എന്നാണ് ഒരാള്‍ കമന്റ് ചെയ്തത്. ‘എനിക്ക് ഭക്ഷണം കിട്ടാനായി ഒരുപാട് തിരക്കില്ല, വേഗത കുറച്ചു വന്നാല്‍ മതി’ എന്നാണ് മറ്റൊരാള്‍ കമന്റ് ചെയ്തിരിക്കുന്നത്. ‘അതിശയകരമാണ് എന്നാല്‍ അനാവശ്യമാണ്’ എന്നാണ് ഒരാളുടെ കമന്റ്. എന്നാല്‍ മറ്റൊരാള്‍ പറഞ്ഞിരിക്കുന്നത് ‘ഈ രംഗം വീഡിയോ എടുക്കാന്‍ വേണ്ടി മാത്രം ചിത്രീകരിച്ചതാണ്’ എന്നാണ്. മറ്റൊരാള്‍ പറഞ്ഞിരിക്കുന്നു, ‘ഈ കഠിനമായ ജോലിക്ക് അയാള്‍ക്ക് ധാരാളം ടിപ്പു ലഭിക്കുന്നുണ്ടാകും’ എന്ന്. എന്തായാലും സമ്മിശ്ര പ്രതികരണം കൊണ്ട് നിറഞ്ഞിരിക്കുകയാണ് വീഡിയോയുടെ കമന്റ് ബോക്‌സ്.
