അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കോൺഗ്രസ് അംഗീകരിക്കാത്ത ഒരു നിയമവും നടപ്പിലാവില്ലെന്ന വിശ്വാസമാണ് പാർലമെന്റ് തിരഞ്ഞെടുപ്പിലൂടെ ഇന്ത്യൻ ജനത നേടിയതെന്ന് എ.ഐ.സി.സി. സെക്രട്ടറി പി.സി.വിഷ്ണുനാഥ് എം.എൽ.എ പറഞ്ഞു. കേരള പ്രദേശ് മഹിള കോൺഗ്രസ് സംസ്ഥാന സോൺ ഒന്ന് സാഹസ് ക്യാമ്പിൽ സംസാരിക്കുകയായിരുന്നു. മോദി, അദാനിക്കും അംബാനിക്കും വേണ്ടി പ്രവർത്തിക്കുമ്പോൾ സാധാരണക്കാർക്കും പാവപ്പെട്ടവർക്കും വേണ്ടി പോരാടുന്നത് രാഹുൽ ഗാന്ധി മാത്രമാണ്.
സംസ്ഥാന പ്രസിഡന്റ് ജെബി മേത്തർ എം.പി. അധ്യക്ഷത വഹിച്ച ക്യാമ്പിൽ സജീവ് ജോസഫ് എം.എൽ.എ., രാഷ്ട്രീയ കാര്യ സമിതി അംഗം ബിന്ദു കൃഷ്ണ, കെ.പി.സി.സി. ജനറൽ സെക്രട്ടറി ബി.എ.അബ്ദുൾ മുത്തലിബ്, ആലുവ മുനിസിപ്പൽ ചെയർമാൻ എം.ഒ. ജോൺ, ജില്ലാ പ്രസിഡന്റുമാരായ ഗായത്രി വി. നായർ, ഫെബ സുദർശൻ , രജനീ പ്രദീപ്, ബബിത ജയൻ എന്നിവർ പ്രസംഗിച്ചു.
കൊൽക്കത്തയിൽ പി.ജി. ഡോക്ടറെ പീഡിപ്പിച്ച് കൊലപ്പെടുത്തിയ സംഭവത്തിൽ സി.ബി.ഐ. അന്വേഷണം സമയബന്ധിതമായി പൂർത്തിയാക്കണമെന്നും കുറ്റവാളികൾക്ക് കടുത്ത ശിക്ഷ ഉറപ്പാക്കണമെന്നുളള ക്യാമ്പിൽ അവതരിപ്പിച്ച പ്രമേയത്തിൽ ആവശ്യപ്പെട്ടു. തിരുവനന്തപുരം, കൊല്ലം, പത്തനംതിട്ട, ആലപ്പുഴ എന്നീ ജില്ലകളിലെ 250 ജില്ലാ ഭാരവാഹികൾ പങ്കെടുത്ത ക്യാമ്പ് ഇന്ന് സമാപിച്ചു.
